Amɔsə 7:5 - Yálá laawoo hɛɓɛ (dc)

⁵ Ŋą́ mo Yálá ɓa, gɛ́ mą: «Ną́mu Yálá! Ŋą́ą́ ə́ hu hon, nɛɛ yɛ́, akɛ ya wala gɛ, ə́ wɔ nu kpulu logoloi ŋɛ̨i hvo pai lɛɛi yɛnɛ̨ɛ̨.»

Yálá laawoo hɛɓɛ

⁵ Ŋą́ mo Yálá ɓa, gɛ́ mą: «Ną́mu Yálá! Ŋą́ą́ ə́ hu hon, nɛɛ yɛ́, akɛ ya wala gɛ, ə́ wɔ nu kpulu logoloi ŋɛ̨i hvo pai lɛɛi yɛnɛ̨ɛ̨.»

Bible

⁵ Nya ƃe ŋá mò, “Óo Kúnuu-namui Ɣâla Yâwɛɛ, ŋa íkperâ fêi a gɛɛ í kpéra mà. Ilɔii malôŋ káa. Gáa a lɔii kuro-te fíi kpɛɛ.”

Amɔsə 7:5 Referans Kwoze

Mąątɛ̨nɛ̨ 85:4

Yáá ə́ wɔ liiholii kpɛla bələi, yáá ə́ wɔ liiholi kɛnɛ̨ɛ̨i yali bulu.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Lonon mo 14:19

Yili ɓa tii, nuą ŋɛ̨i ɲɛ̨imąąwɛli kaa, yɛ bələi Ə́ wɔ lii nɛ̨ɛ̨ kwəi laa hu kɛnɛ̨ɛ̨ la, yɛ bələi Yáá ə́ yee lɛɛ la diɛ, ə həɠə Eziptə lɔi hu ə pa ɓɛ.»

Izikiɛ 9:8

Di kɛi baa ɓo kɛi, ŋą́ kɛ dɔ̨nɔ̨ kan ɉu; ŋą́ pɛlɛ níí ɓa, ŋą́ tomą, gɛ́ diɛ: «Ee kə Ną́mu Yálá! Yɛ́ mɔ̨ɔ̨ ə́ Israɛlə nuą gbəli paa a ni holii ŋɛ̨i ə́ kaa ɉeei Ɉerusalɛmə ɓai?»