Amɔsə 7:16 - Yálá laawoo hɛɓɛ (dc)

¹⁶ Yili ɓa, Amasia, ə́ wəli tɔɔ, yii Yai-Laa kaa moi ə́ mɛ̨n, yɛ́i ŋɛ̨i kɛi diɛ: ‹Və́ kɛa Yálá mąą mɛ̨nį laa həli Israɛlə nu huwu diɛ, ɛlɛɛ, yɛ́ kɛ mą: Və́ haŋą Isaakə huwuhu nuą diɛ.› Yii Yai-Laa kaa moi ə́ mąą mɛ̨nį hu, ya ka;

Yálá laawoo hɛɓɛ

¹⁶ Yili ɓa, Amasia, ə́ wəli tɔɔ, yii Yai-Laa kaa moi ə́ mɛ̨n, yɛ́i ŋɛ̨i kɛi diɛ: ‹Və́ kɛa Yálá mąą mɛ̨nį laa həli Israɛlə nu huwu diɛ, ɛlɛɛ, yɛ́ kɛ mą: Və́ haŋą Isaakə huwuhu nuą diɛ.› Yii Yai-Laa kaa moi ə́ mąą mɛ̨nį hu, ya ka;

Bible

¹⁶ M̀ɛni ma, Ɣâla Yâwɛɛ ŋɔwóoi mɛ̂ni nâa. Í mò yɛ̂, ‘Ífe tuɛ-mɛni ƃò a nyɔ́mɔɔ é pîlaŋ Eezuɛ-ŋai dîa, ífe wóo nyɔ́mɔɔ ƃò é pîlaŋ Aise ŋɔpɛ́rɛi ma.’

Amɔsə 7:16 Referans Kwoze

Mise 2:6

Nu taɠaa da kɛ kɛi mą́ą́: 'Ə́ laapilɛ, nu hva hvaa tii! Mąą hvo nɛ̨ɛ̨li nu hvo kɛ diɛ: A tɛ̨ą, laanɔ̨nwɔ̨ hvo pai həɠəi ku pulu.

Izikiɛ 21:2

«Ə́ ɲɛ̨i hee ə́ ɓa-mįi-yee hu pələ, 'hąŋą ɉɛɠɛɛ pələ lɔiɠaa diɛ; gwə́i mɛ̨nį hu kulɔ Negɛvə lɔwɔɠaa diɛ.

Amɔsə 7:13

Kɛlaa, Betɛlə daai ɓɛ, hvo kɛa pai pɛli Yálá mąą mɛ̨nį ɓoi ɓɛ daai, mąąhɔlɔɓo, ɓɛ kaa a tɔɔmun nwɔ haláá kulɔi, da nwɔ tɔɔ hee taa.»

Dutɛrɔnome 32:2

Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Samuɛlə dɔlɔɔ 15:16

Samuɛlə yɛ Saulə ɓa: «Nɛɛ tii! Mɛ̨nį Yai-Laa ə mo mą́ą́ háá kpįnįi, gáá moi yɛ́.» Saulə yɛ Samuɛlə ɓa: «Mo!»

Izikiɛ 13:2

«Hulɔnu lon! Mɛ̨nįi ŋɛ̨i ɓo Yálá kwəi mɛ̨nį hukulɔ nuąi Israe lɔi hu diɛ, diɛi tii da kɛ di kaa mɛ̨nį ɓoi a Yai-Laa laa, A nuąi da mɛ̨nį kulɔ di kwəi diɛ mo. 'Kɛ diɛ; 'ka ka wəli tɔɔ Yai-Laa woo ɓa.

Amɔsə 2:12

Yai-Laa yɛ nwɔ̨nɔ̨ diɛ: Kɛlɛɛ yaamun, nuąi tii kɛ mąą hvo nɛ̨ɛ̨li di hvo lɔɔ kpələ, ka lɔɔ tɔɔ di la. Ɛlɛɛ, kaa kɛ nwɔ́ loloɓo nuąi tii diɛ: «Ka hvo kɛa Yálá mąą mɛ̨nį noloɓo.»

Tɔɔɓɛlaa dɔlɔɔ 13:1

Yálá nwɔ nu ta ə həɠə Ɉuda, ə pa Betɛlə, Yai-Laa ɓə dɔɔ, ɓɛlɔwai Ɉeroboamə ə kɛi ɉaláá hɛnŋąą kələn na ɉaláá kulɔi.

Tɔɔɓɛlaa veelɛ 14:24

Ə túwɔ́ kpɔ a ɲɔ̨nwɔ̨ɔ̨ Yai-Laa ɲɛ̨i ɓa; nɛ̨ŋɛ̨n kpɔ Nevatə lon Ɉeroboamə ə Israɛlə nuą yee lɔ ɉu, hvo dɔ̨nɔ̨ kpɛli mąąlaa.

Izikiɛ 16:35

«Yili mąą mɛ̨nį ɓa, wɛlikɛ nɛ̨ɛ̨nu, ə́ wəli tɔɔ Yai-Laa woo ɓa.