Amɔsə 6:7 - Yálá laawoo hɛɓɛ (dc)

⁷ Yili ɓə gaa mą, kaa ɓə pai kɛi nuwɔɠaa ɲɛ̨itɔwɔ kaa li luwɔlaa hu. Yili ɓə pai kɛ a viɲɛ̨ nuąi tii di wɔ hɛli puɔ kpɛlai.

Yálá laawoo hɛɓɛ

⁷ Yili ɓə gaa mą, kaa ɓə pai kɛi nuwɔɠaa ɲɛ̨itɔwɔ kaa li luwɔlaa hu. Yili ɓə pai kɛ a viɲɛ̨ nuąi tii di wɔ hɛli puɔ kpɛlai.

Bible

⁷ M̀ɛni ma káa ƃé pâi kɛ̂i a ǹûai maa-ŋuŋ-ŋai ká lí luɛ-laa su. Diai da dísama lɔ̀i, dísama-lɔi maa lii-laai a pâi kpɛɛ̂i.”

Amɔsə 6:7 Referans Kwoze

Amɔsə 7:11

Yii Amɔsə kaa moi, ya ka, yɛ: «‹Ɉeroboamə kaa pai lɛɛi kɔ́ hu, ɛlɛɛ, di Israɛlə nu huwu hon a luwɔ, di li a diɛ lɔi takpɛli hu.›»

Amɔsə 5:5

Kɛlaa, Yálá hee pɛlɛ́i ŋɛ̨i gaa Betɛlə daai hvəi ka gwɛ́li laa. Ka hvo kpɛli li Gilgalə daai. Ka hvo kɛ ka káá lii Beɛrə-Seva daai Mąąhɔlɔɓo, Gilgalə nuą kaa pai li luwɔlaa hu. Yálá hee pɛlɛ́i ŋɛ̨i gaa Betɛlə daai, naa kaa pai lɛɛi a nąnį nwɔ pɛlɛ́.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Amɔsə 7:17

yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»

Amɔsə 5:27

Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Azaya 21:4

Ɉú aa pu mą́ą́, mą́ą́ yɛ kpɛlin a ɲɔw, yələwulii pɔ hvaŋą laɠii gíli ə kɛ mą, aa mąąpənə ɲə́i a mąąɲɔw hɛn.

Dutɛrɔnome 28:41

Ka káá pai lon ɉinąą da lon nɛ̨ą kaai, kɛlaa, di hva lɛɛ ka yəi, gəlee da li luwɔlaa hu.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Azaya 24:8

Dulu woo nɛ̨ɛ̨ɠaa di hvo kɛa tɔɔi, ɉɛli pu nuą tín aa kpɛla mą, gwɛnįn nwoo nɛ̨ɛ̨ hvo kɛa tɔɔi.

Amɔsə 4:3

ka káá pai kɛi kulɔi ɉįi wolo ɓa, kaa kulɔ ka wɔ tɔɔ pɛlɛ́ɠaa mu. Yai-Laa woo li.