Amɔsə 6:12 - Yálá laawoo hɛɓɛ (dc)

¹² Akɛti, hoo a mɔ̨ɔ̨ gilɛ həɠə kwɛni kpuwuluɠaa mɛ̨i? Akɛti da mɔ̨ɔ̨ pɛli kɛɛ hii a gboloyá ŋąą? Lə mɛ̨nį ɓa, ka mɛ̨nį haŋąą mąąhvalin a pilimąą? Ɛlɛɛ, kaa tɛ̨ą mąąhvalin a nɛ̨ŋɛ̨n naa?

Yálá laawoo hɛɓɛ

¹² Akɛti, hoo a mɔ̨ɔ̨ gilɛ həɠə kwɛni kpuwuluɠaa mɛ̨i? Akɛti da mɔ̨ɔ̨ pɛli kɛɛ hii a gboloyá ŋąą? Lə mɛ̨nį ɓa, ka mɛ̨nį haŋąą mąąhvalin a pilimąą? Ɛlɛɛ, kaa tɛ̨ą mąąhvalin a nɛ̨ŋɛ̨n naa?

Bible

¹² Soo a kîrɛ siɣe kɔni ŋá? Núu a yúo ŋá siŋ a niŋa? Kɛ́lɛ ka teniŋ ƃô pène a ŋ̀ale-maa, ka sã́a-laa ŋɔƃá pene a wúru ŋwánaa.

Amɔsə 6:12 Referans Kwoze

Amɔsə 5:7

Diɛi da mɛ̨nį haŋąą mąąhvalin a mɛ̨nį ɲɔ̨nwɔ̨ɔ̨, diɛ tələnmolaa too lɔi ɓa.

Osia 10:4

Nuą kaa lɔ di woo kwɛlɛi, diɛ di kwɛla, ɛlɛɛ, diɛ mįnɛ towələ mį́i, a lɛɛ. Yiliɓa, bələi kpɔlɔ nu paa kala tiliin a ɓɔn na kɛɛ hinŋąą mɛ̨i, bələ kpɔlɔɔ ɓə di hutɔɔ mɛ̨nį kaa pai ɓɔn ɉii la kɛɛ kəlee.

Azaya 48:4

Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Mise 7:3

Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Osia 10:13

Kili ɲɔ̨nwɔ̨ɔ̨ ka ɉin, ka nɛ̨ŋɛ̨n ɉɔlɔɓo, mai ka ɉɔlɔɓo kaa mįi, ya ɓaa lɛɛ, ə́ ə́ kilitɔɔ ə́ hvaŋą kɛnɛ̨ pələ ɓa, da ə́ wɔ kɔ́ kuláá kpului.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Zĩi 3:18

Tələnmo laa ɓá a hin liilaa hu, nuąi liilaa kwɛli di yəi.

Amɔsə 2:3

Nui gaa tɔɔlaa kɛi laa, ŋį́ baa da nwɔ ɲɛ̨itɔwɔ nuą kəlee.

Amɔsə 3:10

Yai-laa yɛ diɛ: «Samari hee ɓo nuą di hvo mɛ̨nį haŋąą kɛ pələ kɔ́lɔn, yiiɠaai kpɔ da ɉɔlɔɓo toomɛ̨i hu, ya ɓə da nɔ di wɔ tɔɔ pɛlɛ́ɠaai mu.»