Amɔsə 5:27 - Yálá laawoo hɛɓɛ (dc)

²⁷ Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Yálá laawoo hɛɓɛ

²⁷ Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Bible

²⁷ M̀ɛni ma, Ńyãa Yâwɛɛ Ńyãai ńaa ƃa Ɣâla Yâwɛɛi, ŋa pâi kákɛ̂i ká lí luɛ-saa su Dɛmɛika pôlu-pere.”

Amɔsə 5:27 Referans Kwoze

Gɛlaɠaa 7:43

Kɛlɛi, Molokə ŋą pɛlɛ́ lon mə ka kɛi gbəɠə kaa hiɛ la, da ka wɔ yálá Refan nwɔ pɛmɛ̨lɛ̨n-gɔw; a ɉɛn mąąnįnįnŋaa ti ká bɛli, káá kwɛli hvilɛn mą. Bələ lɔ ɓə gáá pai lii la a káá, kpɔ Babilonə pulu pələ.›

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Amɔsə 4:13

Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Ɉeremi 38:17

Ɉeremi yɛ tɔɔmun Sedesiasə ɓa: «Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálái woo ka: ‹Ya hvaa mą ə́ li ə́ ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨i tɔwɔ nuą pɔ, yá lɛɛ yɛnɛ̨ɛ̨, ɛlɛɛ, di hva daa ŋɛ̨i kələn; yá lɛɛ yɛnɛ̨ɛ̨ ka ə́ yə́i bɛlɛ́n nuą.

Amɔsə 5:26

Ə həɠə volói tii ɓa, ə həli la yiihu ɓa, bələi lɔ wɔlɔ ka kɛi ka wɔ tɔɔ hali Sikutə mąąnįnįn, da Kiyun yai gaa a ka wɔ hali nwɔ pɛmɛ̨lɛ̨n-gɔw mąąnįnįn, di həɠə la, kaa paa la a diɛ, diɛ ɓo ka yəi, kɛlɛi, kaa kpinįi ɓə bɛli ee!

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Tɔɔɓɛlaa dɔlɔɔ 14:15

Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Tɔɔɓɛlaa veelɛ 17:23

Yili ɓə gɛ, Yai-Laa yɛ di kpɛ ɲɛ̨i mu, yɛ bələi ə bu la nwɔ tínuą kəlee la, diɛi kɛ a gwəi mɛ̨nį hukulɔ nuą, diɛ mo. Di Israɛlə kulɔ nwɔ lɔi hu, di li la kwɛaa la Asiri lɔi hu, gaa ni laa.

Amɔsə 6:7

Yili ɓə gaa mą, kaa ɓə pai kɛi nuwɔɠaa ɲɛ̨itɔwɔ kaa li luwɔlaa hu. Yili ɓə pai kɛ a viɲɛ̨ nuąi tii di wɔ hɛli puɔ kpɛlai.