Amɔsə 5:13 - Yálá laawoo hɛɓɛ (dc)

¹³ Yili ɓə a gɛ, lɔwai tamąą hu, yɛ pələi ka wɛi ŋɛ̨i kaa la, nui kili kaa mą, hva hvaa. Mąąhɔlɔɓo, ka wɔ lɔwai ŋɛ̨i hvo lɛlɛ li.

Yálá laawoo hɛɓɛ

¹³ Yili ɓə a gɛ, lɔwai tamąą hu, yɛ pələi ka wɛi ŋɛ̨i kaa la, nui kili kaa mą, hva hvaa. Mąąhɔlɔɓo, ka wɔ lɔwai ŋɛ̨i hvo lɛlɛ li.

Bible

¹³ M̀ɛni ma, ǹúui dárêɛi a mɛi sâa a tãi tarei tí, kpɛ́ni fêi, gáa a tãi nyɔ́mɔɔ.

Amɔsə 5:13 Referans Kwoze

Timote veelɛ 3:1

Ə́ kili ə pu kani ɉu, yɛ́ kɛ: yɛnɛ̨ɛ̨ ɲąąkpɛɛ yələɠaa da pa kɛi lɛɠɛi, mɛ̨nį ɲąąnwąnąą ŋą yələɠaa kaa pai ɉəlii.

Mise 2:3

Yili mąą mɛ̨nį ɓa, Yai-Laa yɛ diɛ: «Gáá mɛ̨nį ɲąąnwąnąą ta kili ɓoi, gɛ́ naa nu huwu taaləi tii ɓa, ka hva pɛli ka nwun gulɔi ɉu, ka hva pɛli hiɛi a ka ɲɛ̨i pilɛɛ yələi, mąąhɔlɔɓo, a kɛ a hvóló ɲɔ̨nwɔ̨ɔ̨.»

Osia 4:4

'Ka gɛ a nɛlɛɛ, nu ta hvo gbɔwɔ mąą kɔ́nwɔ̨, nu ta hvo hea too, mąąhɔlɔɓo ə́ wɔ lɔi hu nuą di kaa yɛ, nuąi da kɛ hea tooi haláá laa həli nuą la.

Ikilisiati 3:7

Hɛn ɉu ɓɛla yələ kaa mą, ɉɔlɔn ɲələ yɛ ɓo mą. Nu laapilɛ yələ kaa mą, nu hvaa yələ yɛ ɓo mą.

Ifisiɛŋ 6:13

'Ká Yálá ŋą kuláá hɛnŋaai həɠə kani, ə gɛ, ɲələ ɲɔ̨nwɔ̨ɔ̨ a həli, káá pɛli tɔɔi na, káá kpɛɛ kɛa a mɛ̨nį kəlee kɛɛ, káá lɛɛ tɔɔni.

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Amɔsə 6:10

Nąąlɔwai, nuą tii haa, di wɔ nu ta a pa, yɛ nu powaɠaa kulɔ bɛlɛ́n, nu tɔ̨nɔ̨i a lɛɛ bɛlɛ́n, da mąąnįn gɛ, diɛ mą: «Da kaa laa?» Ə nwoo ŋąąpənə yɛ mą: «Da hvo ɓɛ», diɛ mą: «Ə́ laa pilɛ». Mąąhɔlɔɓo, Yai-Laa laa ɓoi lɔwai hvəi.

Azaya 37:3

Ə gɛ də li diɛ mą: Ezekiasə woo ka, yɛ: «Haa kəlee hvólói kaa a lii kələn gwəi hvóló, hutɔɔ hvóló, da nwumɛ̨ hvóló, lon ɉinąą daa di nwun gulɔ di lee kwəi, kɛlaa lon-gaa hvąŋą hvo di lee yəi.

Azaya 36:21

Nuą di di laa pilɛ, di hvo nwoo pulu pənə, mąąhɔlɔɓo, tɔɔmun ə kɛ diɛ: «'Ka hvo nwoo pulu pənə.»

Ikilisiati 9:12

Yan, nu lonnii di hvo mɛ̨nį ɲąąnwąnąą pai yələ kɔ́lɔn. Bələi lɔ hɔ̨nwɔ̨lee a too la yá-tuluun dumɔ̨ hu, a wala kɛ tii, nwɛ̨nį yɛ too nwɛ̨nį kpɛ diŋɛ̨n ɉu, di ɲɛ̨i heɛ haa ɓa yɛ pa di pɔ, bələ lɔ ɓə nu kanŋaa kaa la.

Tɔɔɓɛlaa veelɛ 18:36

Nuą kəlee di di laa pilɛ, di hvo nwoo pulu pənə kpɛli tɔ̨nɔ̨. Mąąhɔlɔɓo, tɔɔmun ə kɛ diɛ: Ka hvo nwoo ŋąąpənə.

Zôo 32:16

Ŋą́ mą kɛa nąą mąą kpɔn, di hvo pai hvaai, mąąhɔlɔɓo, nwoo pulu pənə woo kəlee aa kpɛɛ di la.

Mąątɛ̨nɛ̨ 38:14

Ɲą́ą́n, yɛ wəliwolomun, və́ mɛ̨nį ta mɛ̨n ɉi, gáá yɛ muugbɛ, və́ kpɛli nááɓoi.