Amɔsə 4:6 - Yálá laawoo hɛɓɛ (dc)

⁶ Ną́mu Yai-Laa yɛ nwɔ̨nɔ̨ diɛ: Bələi mąn ŋį́ pulu too la ka wɔ taaleeɠaai hu, kɔ̨nɔ̨n golo ə too ka yəi bɛlɛnŋąą, pələi mąn ŋį́ gɛ la tii, ka ta hvo giliŋąhiɛ, hvo pənə hvo pa bɔ́.

Yálá laawoo hɛɓɛ

⁶ Ną́mu Yai-Laa yɛ nwɔ̨nɔ̨ diɛ: Bələi mąn ŋį́ pulu too la ka wɔ taaleeɠaai hu, kɔ̨nɔ̨n golo ə too ka yəi bɛlɛnŋąą, pələi mąn ŋį́ gɛ la tii, ka ta hvo giliŋąhiɛ, hvo pənə hvo pa bɔ́.

Bible

⁶ Kúnuu-namui è mò, ǹyɛɛ, “Ŋá puru tôo kataa-lee-ŋai kélee su, ŋa mii-sɛŋ mɛni kpanaŋ kakwaa-ŋai kélee ma berei máŋ gáa ti lai, káfe pa ni ḿbɔ́ pôlu.”

Amɔsə 4:6 Referans Kwoze

Egaa 2:17

Ŋą́ą́ ka kɛ kóloɠaa kəlee hu kala, ka wɔ hihɛnŋaai kəlee daa kpala, ŋą́ą́ hawon dulɔ pu, ka hvo gɛ li, ka hvo pənə, ka hvo pa ɲą́ą́ ŋɛ̨i bɔ́, Yai-Laa woo li.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

M̀ɛni-lɛɛi 2:21

Ŋą́ą́ kuu tɛɛ bɔ, əgɛ, ə duwɔ pələ mąąhvalin, kɛlaa, hvo bɔ hvo ɲee kulɔ mąąliɓi yíi tii hu.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Izikiɛ 16:27

Yili ɓə gɛ ŋą́ ɲéé pɛlɛ yɛ́, ə́ kɔ̨nɔ̨n ə kpɛɛ, ŋą́ ə́ tɛɛ ə́ yowoɠaai di kaa a Filisti nɛ̨ɛ̨lɛa di pɔ, diɛi tii ə́ wɔ túwɔ pələ ɲɔ̨n tii aa kɛ nwumɛ̨ hee di ɲɛ̨i.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 3:1

A tɛ̨ą hɛn kpɔ a pɛli kpɔmąą tɛɛi, Ɉerusalɛmə da Ɉuda lɔi di pɔ, Nąmu Yai-Laa Mɛ̨nį Kəlee ŋą Hééɓomun kaa pai, gəlee kulɔi di yəi; yɛ ə kɛ a ya, yɛ ə kɛ a kɔ̨nɔ̨n.

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Tɔɔɓɛlaa veelɛ 8:1

Ə kɛ a yələ ta, nɛ̨ɛ̨nui ŋɛ̨i ta Elise ə non nwun ə gulɔ haa yəi, Elise ə mo mą, yɛ mą: «Həɠə ɓɛ, ə́ li ka ə́ yəi bɛlɛ́n nuą, ka li ɓɛi yá bɛli ə́ heei hɔlɔɓoi laa. Mąąhɔlɔɓo, Yai-Laa kaa pai kwɛlan mɛ̨ihveelɛ pulu tooi ɓɛ nɔi.»

Tɔɔɓɛlaa veelɛ 4:38

Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Tɔɔɓɛlaa dɔlɔɔ 18:2

Eli ə li, ə gbɔwɔ lɛ Akabə ɓa. Pulu aa kpɔlu Samari lɔi hu nąąlɔwai.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Dutɛrɔnome 28:38

Ka tíi kɛnɛ̨ kɛ, ká dee tiikpə. Mąąhɔlɔɓo, peeləɠaa da gəlee mįi.

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Zooɛ 1:16

Kɛlɛi gu ɲɛ̨i ɓa ɓə kɔ̨nɔ̨n ə kpɛɛ laa-ee! Ɛlɛɛ, guɔ Yálái hee pɛlɛ́ mu, ɲąą nɛ̨ɛ̨ da kwəinɛ̨ɛ̨ di mąą ə kwɛa nąą ɓa-ee.

Levetekɔ 26:23

«Ka wala nwɔ̨nɔ̨ gɛ ka hvo ka nwun ɉee ɉutɔɔ mɛ̨nįi tii mu, kɛlaa ka tɔɔ lɔ ni ná,

Rutə 1:1

Ɓɛlɔwai gulaaɠaa di kɛi tɔɔ la Israɛlə lonnii ɲɛ̨i tɔwɔ, nąąlɔwai, pulu kɛnɛ̨ ə too Israɛlə lɔi hu. Ɉuda taa logolo ta ə kɛ laa diɛ kɛ mą: Bɛtleɛmə, hulɔnu ta ə həɠə daai tii hu, yaa, nɛ̨ą da non ɉinąą hveelɛ; di li Moabə lɔi hu, ɓɛi hihɛn a lɛlɛ laa, di hee ɲɛɛ kɔ́wɔ ta hu.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Osia 11:5

Di hvo pai pənəi di hvo li Eziptə lɔi hu, Asiri ɓə pai kɛi a di wɔ tɔɔmun, mąąhɔlɔɓo, di hvo gɛ li di hvo pənə di hvo pa bɔ́.