Amɔsə 4:13 - Yálá laawoo hɛɓɛ (dc)

¹³ Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Yálá laawoo hɛɓɛ

¹³ Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Bible

¹³ Ka gáa, Ɣâla ƃé ǹyéei kpɛ̀tɛ é vãai kpɛtɛ é núu-kpune ŋɔkili-ŋa-siai lɛ́ mà. A ŋ̀ele ƃɔ́ɔi pène a kpíni, gɛ́ gɔ́ɔ tɔ̀ɔ ǹyée-ŋai ma ǹɔii su. Ǹáa ƃa Yâwɛɛ Ŋ̀wála-wâla kélee Ɣalai!

Amɔsə 4:13 Referans Kwoze

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Mise 1:3

Yai-Laa kaa kulɔi ɲəi bɛlɛ́n yɛ yɛɛ, gaa hiɛi yɛnɛ̨ɛ̨ hɛnŋąą nwun mɛ̨i.

Amɔsə 9:6

Yaa tii ɓə aa wɔ mɛ̨nɛ̨i laa yələkɔlɔn ɉu, yɛ nwɔ tɔɔ pɛlɛi kɔ́wɔ hvilɛn lɔi mɛ̨i, yaa ɓə a gboloyá hu yaɠaa kəlee təli, di laa lɔi mɛ̨i. Yaa tii naa ɓaa a: Yai-Laa.

Azaya 47:4

Nui a ku nwun mąąɓo, naa ɓaa a Yai-Laa Mɛ̨nį Kəlee ŋą Hééɓomun, Israɛlə nwɔ Mąąhəɠəmun.

Danîa 2:28

Kɛlaa, Yálá yii gaa yələkɔlɔn ɉu, ya ɓə aa hvaa mą, mɛ̨nįi pai kɛi, yii noɔ, aa nɛ tɔɔmun Nabukodonosorə ɓa. Tɔɔmun, ɓɛlɔwai ə́ kɛ la laani ə́ yəi gbin ŋą, ɉįi tii ə́ gaa, ya ka:

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Mąątɛ̨nɛ̨ 65:6

Yá ku woo mu hon, a mɛ̨nį ɲɛ̨i kɛnɛ̨ kpɛa-kpɛaɠaa, Yɛ́i a ku ɓalo Yálá; Liilaa yɛnɛ̨ɛ̨ ɓə lɔi kɔ́lɔ kəlee, ə həli kpɔ la kwɛaala gboloyáɠaa diɛ.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Amɔsə 8:9

Yai-Laa yɛ diɛ: Volói tii a həli, kpinį a pɛlɛ a hvóló ŋą ɉə-ɉə, kɛɛ ə tɛɠi lɔi mɛ̨i nąą kəlee.

Ɉeremi 51:19

Ɉakɔbə nwɛ̨i hvo tii, ya ɓə hɛn gəlee kɛ, ə lɛɛ, Israɛlə lɔi kaa a gwɛlin nɔi, naa ɓaa a: Yai-Laa; Yai-Laa Mɛ̨nį Kəlee ŋą Hééɓomun.

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Azaya 40:12

Gbɛɛ ɓə gboloyá laa, yɛ yələ kɔ́lɔn gɔwɔn a ɲee, gbɛɛ ɓə lɔi kpalan naa, ə yee tɔɔhɛnŋaa həɠə mį? Yɛ di tɔɔ pələ kulɔ gee mu?

Dutɛrɔnome 32:13

Aa di heei kulɔ lɔi kəlee nwun mɛ̨i ləɠə-ləɠə; yɛ di kɔ̨nɔ̨n gɛ a yɛa hihɛnŋąą ɓá, yɛ kwɛni wolo hu kwɛin nwulɔ kɛ a di kɔ̨nɔ̨n. Olivə yii a ɓɔn kwɛni hu, nwɔ wulɔ nwunu ɓə a dɛɛ di pɔ.

Lɛɛ gbɔwɔ ɓa 14:20

Ə lɔ Israɛlə lonnii da Eziptə nuą di lɔwai. Dulɔ kpinįn tii kɛ di lɔwai, bələ tɔ̨nɔ̨ ə kɛ a kɛɛ pɔ̨nɔ̨, bələ tɔ̨nɔ̨ yɛ ɓo a kpinį, yili ɓə gɛ, gbulu hveelɛi tii di hvo lɛɠɛ di kee ɓa, gbinįi tii hu.

Lɛɛ gbɔwɔ ɓa 10:22

Moisə ə ɲee tɛ ɲələi, kpinį ə pɛlɛ Eziptə lɔi nąą kəlee, ə kɛ a hvóló haaɓa.

Ɉaan 3:8

Hvaŋą a kɛ tɛɛi ɓɛi gaa bɔ, yɛ́ din mɛ̨n, kɛlaa, ɓɛi ə həɠə laa, da ɓɛi gaa lii laa, hvə nąą kɔ́lɔn; pələ kpɔlɔ ɓə a kɛ la a Yálá nwɔ Kilii nwɔ nu hɔlɔɓo mɛ̨nį.»

Habakukə 3:19

Yai-Laa, ya ɓə gaa a Ną́mu. Ya ɓə gaa a nwɔ́ huwalawala Yaa tii ɓə aa gɛ́ gili-gili, yɛ lomą, Yaa tii ɓə a dɛ́ kpɔ ləɠə-ləɠə. Nwələ ɲɛ̨i tɔwɔmu mə nwələi ŋɛ̨i too, dɛi muhee a gwɛnįn.

Amɔsə 6:8

Nąmu Yai-Laa aa gwɛla a gbɔwɔ, yɛ mą: Ɲą́ą́ Yai-Laa, ɲą́ą́ ɓə gáá a Mɛ̨nį Kəlee ŋą Hééɓomun Yálá! Ɉakɔbə nwɔ huɲąŋą kɛnɛ̨ wɛli hvo mą́ą́, Di wɔ tɔɔ pɛlɛ́ɠaai wɛli hvo mą́ą́. Gáá pai daa lee da ɉu hee ɓo nuą kwɛlii di yowoɠaa diɛ.

Amɔsə 5:27

Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Amɔsə 3:13

Yai-Laa Mɛ̨nį Kəlee ŋą Hééɓomun Yálá, yɛ diɛ: Ka ka wəli tɔɔ, ka gili pu ɉu mɛ̨nįi ŋɛ̨i laa həli Ɉakɔbə yəi bɛlɛ́n nuą diɛ,

Ɉeremi 51:16

Mąąhɔlɔɓo, ya ɓə a tulɔ yáɠaa tiɛ̨ gee mɛ̨i yələi, yɛ tulɔ kpinįnŋaa kulɔ lɔi kpon ɉeei, a di hu wia, diɛ tɛ; yɛ tulɔ pu a yələgbąnąą nwɔ mąną-mąną; ya ɓə a hvaŋąɠaa kulɔ ɓɛi a di pu laa gee mɛ̨i.

Ɉeremi 10:13

Hvo gaai, yaa ɓə ya tiɛ̨ gee mɛ̨i yələ kwəi yɛ tulɔ kpinįnŋaa kulɔ lɔi kpon ɉeei, a ɉu wia, diɛ tɛ, yɛ ɲee ɓo diɛ, diɛ pu. Ya ɓə a hvaŋąɠaa kulɔ, ɓɛi a di pu laa gee mɛ̨i.

Azaya 48:2

Ya pa, da kɛ kɛi kaa: «Daa mąąhəɠɛɛ hu nuą», kaa ka kilitɔɔ Israɛlə nwɔ Yálái ɓa, yai naa ɓaa; Yai-Laa Mɛ̨nį Kəlee ŋą Hééɓomun.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Mąątɛ̨nɛ̨ 147:18

Yai-Laa a hvaa lɔ, daa mą həɠeen, A ɲee ɓo lɔ hvaŋą ɓa, yáɠaa daa mąn tɛɛ.

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Mąątɛ̨nɛ̨ 135:7

Ə həɠə kpɔ lɔi kpɛlai pələ, a tulɔ kpinįnŋaa muhəɠə, tulɔ ə duwɔ, yələ gbąnąą ə ɓɛla, tulɔ yɛ pu, ə hvaŋąɠaa kulɔ ɓɛi ə di pu laa gee mɛ̨i.

Ɉaan 2:25

Nu ta hva pɛli kɛ nuą mąą mɛ̨nį hukulɔi ma, mąąhɔlɔɓo, ə nuą kwəi mɛ̨nį kɔ́lɔn.

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Danîa 2:30

Akɛ Yálá ə hvaa mą ə mɛ̨nįi ŋɛ̨i lɛ mą́ą́, yili hva nɛ, yɛ kɛ diɛ: nwɔ́ kili mɛ̨nį yee tɛɛi nu hulúɠaa kəlee diɛ. Yálá ə yili kɛ tii, ə gɛ, mɛ̨nįi tii ɉukulaa ə lɛ tɔɔmun ma, ə gɛ, ə́ ə́ kpɔɔ lii hu kiliŋąhiɛ mąąkpɛɛ.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Zôo 9:7

A hvaa mą hvóló hva muhəɠə, yɛ gɔlɔn ɉii kɛ pɛmɛ̨lɛ̨n gɔwɠaa diɛ.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Ɉeremi 46:18

Akɛ kpɔ gáá a vulú, dɔɔmun da kɛ mą: Yai-Laa Mɛ̨nį Kəlee ŋą Hééɓomun nwoo li! Gáá pai yɛ bələi Tabɔrə yee kaa la yeeɠaa lɔwai, yɛ bələi Karmɛlə yee hɛlɛn ŋąą la gboloyá mɛ̨i.

Osia 12:6

«Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.