Amɔsə 2:9 - Yálá laawoo hɛɓɛ (dc)

⁹ Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Yálá laawoo hɛɓɛ

⁹ Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Bible

⁹ “Nyaa ƃe Amorai-ŋai su kàra díŋɛi túɛ, nyii-ŋai dítɔɔ-mɛi e kɛ̀ yɛ̂ɛ sîda wuru-ŋai, dikpanaŋɔɔ yɛ̂ɛ teenâ-wurii. É máŋ kɛ́ tí ŋá sîda-wuru-ŋai su kàra ŋ̀elei su-pere, ŋá dísame su kara ǹɔii mu-pere.

Amɔsə 2:9 Referans Kwoze

Zôo 18:16

ɉamuɠaa diɛ kpala lɔi mu, diɛ nwonwoɠaa kəlee tee mą ɲələi pələi.

Dutɛrɔnome 3:11

Basan tɔɔmun tii kɛ a Ogə, yaa tɔ̨nɔ̨ ɓə kɛ aa lɛɛ a Refaitə nuą kpəli. Nwɔ gbin ə kɛ a kwɛli gbin, gaa Raba Amɔn nuą di wɔ taaleei hu, gwɛa yee ə kɛ a yee laa mą mɛ̨inąą, ɲąą kɛnɛ̨ yee ə ɓo a yee laa mą nąąn; yɛ bələi da hɛnŋąą kɔ́ɔn na a bɔlɔ.

Lɛɛ gbɔwɔ ɓa 34:11

Mɛ̨nii gáá moi yɛ́ háákələi, ə́ kili lɛɛ ɉu a nɛlɛɛ. Gáá pai Amɔrə nuą, Kanaan nuą, da Hɛtə nuą, da Perizi nuą, da Hivi nuą, ɛlɛɛ da Ɉebusə nuą kpɛi ka tɔwɔ.

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Izikiɛ 17:9

'Kɛ diɛi: Yai-Laa woo ka, yɛ: Gaa mɔ̨ɔ̨ ɓa lɛlɛɛ ɓoi? Gúwɔ́i ti hvo pai ɉamu kulɔi mu, máɠaa diɛ pɛli yohvai, diɛ kala ɲą? Nwonwo kəlee ka pai kpalai mą, huwalawalamun, da nu kpulu mąą kpaan və pai kɛi nuą diɛ, gulɔ mɛ̨nį ɓa a nwun!

Zasua 10:12

Ɲələi tii Yai-Laa ə Amɔrə nuą too la Israɛlə lonnii yee ŋą, Ɉosue ə mɛ̨nį ɓo Yai-Laa ɓa Israɛlə lonnii kəlee ɲɛ̨i ɓa, yɛ mą: «Hvóló tɔɔ Gabaɔn taa mɛ̨i! Ɲąnin tɔɔ Ayalɔn nɛ̨ŋɛ̨ hu.»

Zasua 3:10

Yili pulu, Ɉosue yɛ diɛ: «Ka káá pai gɔlɔn ɉii kaa diɛ, Yálá húlu kaa ka lɔwai. Ɛlɛɛ, Kanaan nuąi a: Hɛtə nuą, Hivi nuą, Perizi nuą, Girgasə nuą, Amɔrə da Ɉebusə nuą, gaa pai di kpɛi ka tɔwɔ.

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Azaya 5:24

A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Azaya 10:33

'Ka Nąmu Yai-Laa Mɛ̨nį Kəlee ŋą Hééɓomun kaa! Gaa nwulu hulɛ kɛnɛ̨i woŋoɠaa pui nɔi ɓa a vaŋą kɛnɛ̨; yiiɠaai di tɔɔ nwun ɲą kwɛa, da yiliɠaai pɔn, yiiɠaai di yee muhəɠɛɛ di ɓɛlaa diɛ, da yiliɠaai pɛlɛ.

Lonon mo 32:13

Yai-Laa lii ə holi Israɛlə pɔ, ə di nwun ɉu hiɛ nɔi pun ɉu kwɛlan bow nąąn ɲeemu. Ə lɛɛ ɉu nuąi kpɔ tii Yai-Laa líiholi, gəlee di haa.

Kɔlɔnikɔ Maa-ŋuŋ 1:14

yili pulu Ɉebusə nuą, Amɔrə nuą, Girgasə nuą,