Bib sou entènèt

Amɔsə 2:11 - Yálá laawoo hɛɓɛ (dc)

¹¹ Ɉu kwɛa, ŋį́ nwɔ́ loloɓo nuą həɠə ka lon ɉinąą lɔwai. Ŋą́ ɉu hvɛli ka wɔ laŋąąi diɛ, ə gɛ, di di kpɔɔ kwɛlɛɛ mą́ą́, mįnɛ̨ həɠɛɛ pɔ. Israɛlə nu huwu, ɲą́ą́ Yai-Laa nwóó li, kɛlɛi pələ ɓə ə kɛ la ee?

Gade chapit la Kopi

Yálá laawoo hɛɓɛ

¹¹ Ɉu kwɛa, ŋį́ nwɔ́ loloɓo nuą həɠə ka lon ɉinąą lɔwai. Ŋą́ ɉu hvɛli ka wɔ laŋąąi diɛ, ə gɛ, di di kpɔɔ kwɛlɛɛ mą́ą́, mįnɛ̨ həɠɛɛ pɔ. Israɛlə nu huwu, ɲą́ą́ Yai-Laa nwóó li, kɛlɛi pələ ɓə ə kɛ la ee?

Gade chapit la Kopi

Bible

¹¹ Ŋá Ɣâla ŋɔlóno kɛ́-ƃela kùla kálônii sáma, ŋá ká nyaŋkpa-ŋai da-ni tɛɛ Ɣâla pɔ́. Vé tí, káai a Eezuɛ-ƃelai?

Gade chapit la Kopi

tounen moute ⬆

Amɔsə 2:11
34 Referans Kwoze

Ɉeremi 7:25

Ə həɠə kpɔ di nąnni kulɔ yələ ɓa Eziptə lɔi hu, ə həli háákələi ɓa, və́ ta kpəla li gwə́i mɛ̨nį hukulɔ nuą tɛɛ ɓa di pɔ, diɛi ɓaa nwɔ́ tínuą; ŋį́ di tɛɛ a hvoló tɛitɛi kəlee.

Mise 2:6

Nu taɠaa da kɛ kɛi mą́ą́: 'Ə́ laapilɛ, nu hva hvaa tii! Mąą hvo nɛ̨ɛ̨li nu hvo kɛ diɛ: A tɛ̨ą, laanɔ̨nwɔ̨ hvo pai həɠəi ku pulu.

Woolaa 4:7

Daa hilɛlɛa kwɛlɛɛ kɛ yɛ yeehunwɔ̨ di kwələ yee tɛɛ nįŋɛ̨ ɲįnįyá ɓa di wɔ kɔ́lɔ kwələ ɲɛ̨i kulaa yɛ safirə kwɛni.

Ɉeremi 26:11

Ɉaláá laa həli nuą da Yálá kwəi mɛ̨nį hukulɔ nuą, di mo nɔi lonnii kəlee diɛ, diɛ diɛ: «Mąąnɛ̨ɛ̨ di nui ŋɛ̨i paa, mąąhɔlɔɓo, gaa daai ŋɛ̨i nɛ̨ŋɛ̨n naai, kaa kpinįi kaa nwoo mɛ̨n.»

Ɉeremi 11:21

Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Ɉeremi 2:5

Mɛ̨nįi Yai-Laa kaa moi ya ka; yɛ diɛ: Hulu mɛ̨nį lə kɛɛ kpɔ ɓə ka nąnni di gaa ɲéé pɔ, yaai di di pulu tɔɔ mą́ą́? Diɛ hvilɛn na kpɛli-kpɛli maniɠaa pulu, ya ka daa lɛɛ a nu kpɛli-kpɛliɠaa!

Kɔlɔnikɔ Veerɛi 36:15

Di nąnni di wɔɔ Yálái Yai-Laa ə di liɛwoo ɓo, gwəi mɛ̨nį hukulɔ nuą laaləi gee mɛ̨i tamąą, mąąhɔlɔɓo, nwɔ nuąi ɲɛ̨imąąwɛli ə kɛ mą, da gbɔwɔ nwɔ pɛlɛ́i.

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Tɔɔɓɛlaa veelɛ 6:1

Yálá kwəi mɛ̨nį hukulɔ nuą di wɔ kalan nɛa di mo Elise ɓa, diɛ mą: «Ɓɛi ŋɛ̨i kwa ŋąąkpɔn gɛi laa, nąą hvo kɛnɛ̨ li ku mąą mɛ̨nį ɓa.

Tɔɔɓɛlaa dɔlɔɔ 22:8

Kɛlaa, Israɛlə tɔɔmun yɛ Ɉosafatə ɓa: «Hulɔnu ta kaa ɓɛ, gwa pɛli Yai-Laa mąąnin gɛi bɔ pələ, kɛlaa, nwɛ́i, nwɛli hvo mą́ą́; Mąąhɔlɔɓo, mɛ̨nįi a ɉəɠə Yálá la yɛ mo, hva kɛ a nɛlɛɛ yɛ hvilɛn na mą́ą́, ɲɔ̨nwɔ̨ɔ̨ lɔ ɓə a kɛ moi a hvóló kəlee. Mąą hulɔnui ɓaa: Yimla lon Mise.» Ɉosafatə yɛ tɔɔmun ma: «Tɔɔmun hvo kɛ gaa yili ɓoi tii.»

Tɔɔɓɛlaa dɔlɔɔ 20:41

Yálá kwəi mɛ̨nį hukulɔ mun ə nɛɛ mą ə ɉəɠə ɓɛla həɠə ɲɛ̨i, Israɛlə tɔɔmun ə gaa, ə gɔlɔn gɛa yɛ Yálá nwɔ kwəi mɛ̨nį hukulɔ mun da li.

Tɔɔɓɛlaa dɔlɔɔ 20:35

Yai-Laa ə gwəi mɛ̨nį hukulɔ nuą di wɔ kalan non dɔ̨nɔ̨ tí, yili yɛ mɛlan ma: «Gɛ́lɛ!» Kɛlaa, mɛlan və gɛ hvo gɛlɛ.

Tɔɔɓɛlaa dɔlɔɔ 20:13

Kɛlaa, Yálá kwəi mɛ̨nį hukulɔ mun da ə pa tɔɔmun Akabə pɔ, yɛ mą: «Mɛ̨nįi Yai-Laa ə mo ya ka, yɛ: Yáá nu kpɔn gɛnɛ̨ɛ ŋɛ̨i kaa, gáá gəlee tooi ə́ yee ŋą, yili ɓə yá gɔlɔn na yɛ́ diɛ ɲą́ą́ ɓə a Yai-Laa.»

Tɔɔɓɛlaa dɔlɔɔ 19:16

Yili pulu, ə́ dɔɔ wulɔ lɔ Nimsi lon Ɉehu ɓa, ə́ gɛ a Israɛlə tɔɔmun. Ɛlɛɛ, Safatə lon Elise, yai gaa a Avɛlə-Mehola mun, 'ə́ dɔɔ wulɔ lɔ mą, 'ə́ gɛ a gwə́i mɛ̨nį hukulɔ mun a ə́ mąąhvalin.

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Samuɛlə dɔlɔɔ 19:20

Saulə ə nuą tɔɔ Davidə hon mɛ̨nį ɓa. Di Yálá kwəi mɛ̨nį hukulɔ nuą kpulu kaa, diɛ mɛ̨nįɠaa ɓo Yálá yee kɔ́nma. Samuɛlə ə kɛ di ɲɛ̨itɔwɔ. Yálá nwɔ Kilii ə too Saulə nwɔ nuąi ə di tɔɔ di hu; diɛ kpɛli mąn diɛ mɛ̨nįɠaa ɓo, di hvo kɛ di kpɔɔ yee kɔ́nma.

Samuɛlə dɔlɔɔ 3:20

Israɛlə nuą kəlee di gili kɔ́lɔn diɛ Samuɛlə kaa a Yai-Laa kwəi mɛ̨nį hukulɔ mun neelee, ə həɠə nɔi wəlin na Dan, ə həli nɔi wəlin na ɓɛ li pələ Beɛrə-Seva ɓa.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»

Gɛlaɠaa 4:18

Yili pulu, di Piɛrə da Ɉaan di təli, tɔn dɔɔ diɛ a nwalawalaa diɛ mą: 'Ká hvo kɛa Jesus laa ɓo, 'ká hvo kɛa nuą mąąkwɛli naa hu.

Swiv nou:

Lyen patwone

Piblisite

Piblisite