Amɔsə 1:3 - Yálá laawoo hɛɓɛ (dc)

³ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Siri nuą ŋɛ̨i Damasə daai diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, daa Galaadə nuą kpɛŋɛ̨n a kwɛli taŋąn.

Yálá laawoo hɛɓɛ

³ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Siri nuą ŋɛ̨i Damasə daai diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, daa Galaadə nuą kpɛŋɛ̨n a kwɛli taŋąn.

Bible

³ Kúnuu-namui e mò, ǹyɛɛi, “Dɛmɛika ŋɔsɔnyɔ̂ŋ saaƃa kpaa náaŋ mɛ̂ni ma, fé pâi dɔŋ-kpɛ-maai siɣêi pôlu mà kpɛ́ni fêi, da Gilia táŋ a mɔlɔŋ táŋ-kɔli.

Amɔsə 1:3 Referans Kwoze

Amɔsə 2:6

Yai-Laa ə mo yɛ diɛ: Mɛ̨ni tɔ̨nɔ̨ hvəi gɛi gɛ́ haŋą Israɛlə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, daa tələnmomun dɔ̨nɔ̨ lɔwɔ́tɔɔ, ə gɛ, di wali hɔlɔɓo. Diɛ mąąwɛli mun nɔwɔtɔɔ, di kɔ́wɔ ŋą kɔ́lɔ tɔ̨nɔ̨ gbən hɔlɔɓo mɛ̨nį ɓa. Di yili kɛ tii, mąąhɔlɔɓo, yili hvo pɛli li maa kwələ kulɔi.

Amɔsə 1:9

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Tirə ɓa, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, nwɛli kɛ maa mįnɛ̨i ŋɛ̨i da Israɛlə nuą di ɉəɠə di kee ɓa, di hvo bɔ mɛ̨nį kɛ li; daa taa tamąą hu nuą həɠə diɛ di kwɛlɛ Edɔmə nuą diɛ.

Azaya 8:4

mąąhɔlɔɓo, gɛɛ nolokolo hvo pɛli kɛi diɛ ‹ną́n› da ‹néé›, di kaa pai lii Asiri tɔɔmun níi la a Damasə hɛn gɔwɠaa da ɉɛnŋąąi di ɉɔlɔɓo kɔ́ hu Samari lɔi hu.»

Tɔɔɓɛlaa veelɛ 8:12

Hazaɛlə yɛ Elise ɓa: «Lə ɓə kɛ, yai nwɔ́ mɛ̨nį nąmu kaa wɔlɔi?» Elise yɛ mą: «Mɛ̨nį ɲąąnwąnąąi ə́ kaa pai naai Israɛlə nuą diɛ, ya ka tii ɲɛ̨́i aa tɔɔ ɉu. Ə́ kaa pai di wɔ taa mąąkpɛ hį́iɠaa kəlee lɛɛi nwɔ̨n ɉu, yɛ́ di wɔɔ muhəɠə nįnɛ̨ɠaa kəlee paa a ɓɔwa, yɛ́ di lonnii pɛlɛɛɠaa kiin-giin, yɛ́ gbɔlɔ kulɔ. Yɛ́ di wɔɔ koonɛ̨ąɠaa kwəi ɓɛla.»

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Amɔsə 2:1

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Moabə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, haai wɔlɔ Edɔmə tɔɔmun ə mo, di gɔw həɠə di gələn, ə kɛ a luwu.

Amɔsə 1:13

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ haŋą Amɔn nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di Galaadə koonɛ̨ąɠaa kwəi ɓɛla, ə gɛ, diɛi tii, di di wɔ lɔi ta kɛ mą.

Amɔsə 1:6

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą la Filisti nuąi ŋɛ̨i Gaza lɔi hu diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nįi ŋį́ gbən dee, və́ pai ɉəɠəi mą. Mąąhɔlɔɓo, di nu kpulu kɛnɛ̨ həɠə taaɠaa hu, diɛ di lɔwɔ́tɔɔ Edɔmə nuą diɛ.

Zakari 9:1

Lolo woo. Yai-Laa woo aa həli Hadrakə lɔi ɓa; ə kpɛla Damasə. Mąąhɔlɔɓo, Yai-Laa nwɔɔ ɓaa a Aramə nwɔ taaleei, lɔ yɛ bələi nwɔɔ ɓaa la a Israɛlə lɔi kəlee pilɛɛ gee mɛ̨i.

Amɔsə 1:11

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Azaya 41:15

Ŋą́ą́ ə́ kɛ a ɉugbun ɲąą kuláa, ə́ kaa pai yeeɠaa ɓuwɔi, yɛ́ di hu taɠa taɠa; ə́ kaa pai yee kpukpuɠaa hunwɔ̨i, yɛ di kɛ a munuun,

Azaya 7:8

Mąąhɔlɔɓo, Aramə lɔi daa lee ɓaa Damasə, ɛlɛɛ, Resin nwɔ tɔɔlaa kɛi lɔ ɓaa Damasə daai; aa lɛɛ a kwɛlan bow mɛ̨ida kɔ́w lɔɔli, Ɛfraimə kaa pai woloi, nu huwu hvo kɛa pai kɛi laa.

Ikilisiati 11:2

Ə́ yəi hɛn gɔw lɔ mɛ̨nį tamąą hu, mąąhɔlɔɓo, ɓɛlɔwai kpaan mɛ̨nį kaa pai həli la lɔi mɛ̨i, hvó ɲələ kɔ́lɔn.

Hanwon 6:16

Mɛ̨nį mɛ̨ida kaa laa, yii nwɛli hvo Yai-Laa ɓa, di kaa kpɔ hɔlɔmun mɛ̨ihveelɛ; diɛ ɓaa:

Zôo 19:3

Kaa nálan kɛa tamąą, Ka hva kpɛli nwumɛ̨ mɔ̨nɔ̨ ɓoi?

Zôo 5:19

A ə́ kulɔ mɛ̨nį ɲɔ̨n gəlee hu gee mɛ̨i mɛ̨ida, mɛ̨ihveelɛ naa, mɛ̨nį ɲɔ̨n ɲee hva kɛa pɛli yɛ́.

Tɔɔɓɛlaa veelɛ 13:7

Nuą lɔ lɛɛ Yoakazə yəi a kɔ́ kɔ́ nuą, di kɛ a hoo mɛ̨i nuą, nu pow lɔɔli, kɔ́ wotolo pow, ɛlɛɛ, kɔ́kuláá waa pow. Aramə tɔɔmun aa kɛ gbəliɠaa tii kəlee paa, ə kɛi hiɛ di hu yɛ nu aa kɛi hiɛ muluun gbala hu.

Tɔɔɓɛlaa veelɛ 13:3

Yai-Laa lii ə holi Israɛlə nuą pɔ, ə di lɔ Aramə tɔɔmun Hazaɛlə yee mu a yələ kəlee, ə mą kɛ Hazaɛlə lon Bɛn-Hadadə yee mu.

Tɔɔɓɛlaa dɔlɔɔ 19:17

Nui lɔpe pai kulɔi Hazaɛlə nwɔ ɓɔwai yee wolo ɓa, Ɉehu a baa, nui lɔpee pai kulɔi Ɉehu yee wolo ɓa, Elise a baa.

Tɔɔɓɛlaa veelɛ 16:9

Asiri tɔɔmun ə ɲee hee Akazə woo mu. Ə pa yaa kpinįi ə kɔ́ pɛlɛ Damasə taa ɓa, ə ɉon; ə ɉu nuą tɛɛ Kirə, ə Resin paa.

Azaya 7:16

Gɛɛ nokoloi tii hvo pɛli lənəi mɛ̨nį ɲɔ̨n ma, yɛ nɛlɛɛ kɛ, dɔɔɓɛlaa hveelɛi ŋɛ̨i ə́ kaa ɲɔwii diɛ, di wɔ lɔi a kɛ kɛa a gboloon.

Azaya 28:27

Di hva mɔ̨nun ɉiɠɛ a mɔ̨nun gɛlɛ gbɔn, Kɛlaa, da mɔ̨nun gɛlɛ a gbɔn, diɛ kpai wɔlɔɔn mą.

Zakari 9:2

Ə mą kɛ, Hamatə, yai gaa Damasə kwɛlɛ, da Tirə, da Sidɔn, a gilimąą taaɠaai tii.