Amɔsə 1:11 - Yálá laawoo hɛɓɛ (dc)

¹¹ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Yálá laawoo hɛɓɛ

¹¹ Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Edɔmə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, di hvilɛn di kaayɔwɔɠaa Israɛlə nuą pulu a kɔ́. Di damaa paa, di hvo di ɲɛ̨imąąwɛli kaa, mąąhɔlɔɓo, di wɔ liikələn gwəi hvo kpəla kɛɛ kalaa ɓa, ɛlɛɛ, nwɔ mɛ̨nį hva kpɛɛ.

Bible

¹¹ Ɣâla Yâwɛɛ è mò ǹyɛɛ, “Idɔŋ ŋɔsɔnyɔ̂ŋ saaƃa kpaa náaŋ mɛni ma, fé pâi dɔŋ-kpɛ-maai siɣêi pôlu mà, kpɛ́ni fêi, è ǹêɣe kpɛ̀ a gbálai kɛ̀ ǹyéei, maloŋ-kaa kélee fé kɛ́ ní ǹyêei m̀ɛni ma, ŋɔlii-ŋwanai su è kɛ̀tɛ, è ƃò nɔ́ gíli ŋá wɔ́.

Amɔsə 1:11 Referans Kwoze

Kɔlɔnikɔ Veerɛi 28:17

Edɔmə nuą daa nwɔ̨nɔ̨ kɛ pa, daa Ɉuda hon a kɔ́, daa kɔluwɔ tamąą hon nąą daa li la.

Malasi 1:4

Nuą tii da pɛli di mo, diɛ mą: ‹Daa ku hee taaɠaa wolo kpɛli tii, ku kaa pənəi ku dɔ.› Ɲą́ą́ Yai-Laa Mɛ̨nį Kəlee ŋą Hééɓomun, nwóó li, gɛ́ diɛ: Da pənə da nąą tɔɔi, ŋą́ di kɛ kólo hu kala; ɛlɛɛ, laai da ɉee diɛ, ya ka, da kɛ diɛ: ‹Lɔi mɛ̨nį ɲɔ̨n gaa ɉu›, diɛ nwɔ̨nɔ̨ mą: ‹Lɔi Yálá nwɔ liiholi kaa mɛ̨i a yələ kəlee.›

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Ikilisiati 7:9

Mąą hvo nɛ̨ɛ̨li nu hvo níiholi ɉą, kilikpɛɛgwəi mun mə níiholi laa nɛ̨ɛ̨.

Dutɛrɔnome 23:7

Ka hvə kpɔ kɛ ka káá ka ɲɛ̨i kulɔi di wɔ hɛn da pɔ, ə mą kɛ di wɔ yee la hvólóon naa ka wɔ yɛnɛ̨ɛ̨ kəlee hu.

Ifisiɛŋ 5:1

'Ká Yálá pɔɔ kɔɔn, hvo gaai, ká káá a nwɛlikɛmąą lonnii;

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Mąątɛ̨nɛ̨ 85:5

Ku ɓalo Yálá, pənə ə́ ku hee ku kpaɲą! 'Hvó ku hɔn ɉee ə́ kwəi.

Zakari 1:15

Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.

Kɔlɔnikɔ Veerɛi 20:10

Yii hu, Amɔn nuą, Moabə nuą, da Seirə yee hu nuą kaa lə kɛa, diɛ kɔ́ pɛlɛ kuɔ. Ɓɛlɔwai Israɛlə nuą di kulɔ la Eziptə lɔi hu, hvó kɛ hvaa li mą, Israɛlə hvo tɛɛ di wɔɔ lɔi hu, hvo di hu kala.

Kɔlɔnikɔ Veerɛi 20:11

Mąą nuąi ka ŋɛ̨i pai, mɛ̨inɛ̨ɛ̨i ku gɛ diɛ, ku hvɛla kulɔ a kɔ́, gɛɛnąą ŋɛ̨i ə dɛɛ ku pɔ, a ku wɔɔ, diɛ di gulɔ ku yəi!

Osia 8:3

Israɛlə aa lənə mɛ̨nį lɛlɛɛ ɓa, ɲowo ə hvilɛn bulu.