Amɔsə 1:1 - Yálá laawoo hɛɓɛ (dc)

¹ Amɔsə ŋɛ̨i kɛ a Tekoa daai mun, yɛ ɓɛlaa tɔɔ, ya ɓə Ną́mu Yai-Laa ə wɛlɛɛ ɓo mą, yɛ hvilɛn na Israɛlə ɓa; ɓɛlɔwai Oziasə ə kɛ la a Ɉuda nɔi tɔɔmun, ɛlɛɛ, Ɉeroboamə ŋɛ̨i kɛ a Ɉoasə lon, ə ɓo a Israɛlə nɔi tɔɔmun. Di nwɛlɛɛi tii ɓoɔ mą, kwɛlan veelɛ tɛɛ pulu ɓə, nɔi ə kpɛlinŋąą kɛnɛ̨ ə kɛ la.

Yálá laawoo hɛɓɛ

¹ Amɔsə ŋɛ̨i kɛ a Tekoa daai mun, yɛ ɓɛlaa tɔɔ, ya ɓə Ną́mu Yai-Laa ə wɛlɛɛ ɓo mą, yɛ hvilɛn na Israɛlə ɓa; ɓɛlɔwai Oziasə ə kɛ la a Ɉuda nɔi tɔɔmun, ɛlɛɛ, Ɉeroboamə ŋɛ̨i kɛ a Ɉoasə lon, ə ɓo a Israɛlə nɔi tɔɔmun. Di nwɛlɛɛi tii ɓoɔ mą, kwɛlan veelɛ tɛɛ pulu ɓə, nɔi ə kpɛlinŋąą kɛnɛ̨ ə kɛ la.

Bible

¹ Emɔ, nyii kɛ̀ m̀ála mɛi-kaa-ƃelai sáma Tekoai, ŋɔwóo-ŋai ká ŋí nyii-ŋai bîlaŋɔɔi Eezuɛ-ŋai dîai. È ŋ̀óo-ŋai ŋí mɛ̀ni a Zuda-kaloŋ Uzia ŋɔtãi da Zɛoasi ǹóŋ Zɛroboaŋ ŋɔtãi, nyii kɛ̀ a Eezuɛ-ŋai díkâloŋ kóraŋ feerɛ tɛɛ pôlu ma ǹɔii é lɛ́ɛ pâi kpɛlînii.

Amɔsə 1:1 Referans Kwoze

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Amɔsə 7:14

Amɔsə ə Amasia woo ŋąąpənə, yɛ mą: «Və́ a Yálá kwəi mɛ̨nį hu kulɔ mun, və́ nwɔ̨nɔ̨ a Yálá kwəi mɛ̨nį hu kulɔ mun da lon. Mąąhɔlɔɓo, gáá a ɓɛlaa tɔɔ mun, gɛ́ ɓo a ɓɔɔla yɛa laa mun.

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Kɔlɔnikɔ Veerɛi 11:6

Ə Bɛtleɛmə taa tɔɔ, ə Etamə taa tɔɔ, ə Tekoa taa tɔɔ,

Tɔɔɓɛlaa dɔlɔɔ 19:19

Eli həɠɛɛ laa, ə li ə Safatə lon Elise kaa yɛ kɛɛhin, aa kpinįn bow kɔ́w tɔ̨nɔ̨ kulɔ, ə ɓo gɔw hveelɛnąą ɓa a gbəli. Eli ə nwɔ biliɉui pu Elise kalan ŋą.

Samia Veerɛi 14:2

Ə Tekoa nɛ̨ɛ̨nu ta wɛlɛɛ tɔɔ, yii kɛ giliŋa kulaa, yɛ mą: «Gɛ yɛ haa a too yɛ́, ɉəɠəɠaai haa a too nu ɓa a gɛ ma, di kɛ yɛ́, hvó ə́ mąątí, gɛ kpɔlɔ yɛ Nɛ̨ɛ̨nui a lamun haa wɔlɔ ɓoi.

Ɉeremi 1:1

Ɉeremi yai kɛ a Hilkiyahu lon ɉulɔnu, nwoo ka. Ɉeremi nąn Hilkiyahu ə kɛ a ɉaláá laa həli nuąi kɛ heeni Anatotə daai di ta; yii kɛ Bɛnɉamɛn nwɔ lɔi hu.

Azaya 1:1

Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Tɔɔɓɛlaa veelɛ 14:23

Ɉoasə lon Amasiasə yai kɛ a Ɉuda tɔɔmun, nwɔ tɔɔlaa gwɛlan bow kɔ́w lɔɔli lɔwai ɓə Ɉoasə lon Ɉeroboamə ə kɛ la a tɔɔmun Samari daai, ə tɔɔlaa kɛ a kwɛlan bow nąąn kɔ́w tɔ̨nɔ̨.

Korɛntə dɔlɔɔ 1:27

Kɛlaa, hɛn a ɓowo mɛ̨nį yɛnɛ̨ɛ̨ nuą ɲɛ̨i ɓa, ya ɓə Yálá ə ɉəɠə, ə kilikɛɲəi nuą ɲɛ̨i paa la, hɛn vįikpɛɛ yɛnɛ̨ɛ̨ ɲɛ̨i ɓa, ya ɓə Yálá ə ɉəɠə ə, huwalawalalaa ɲɛ̨i paa la.

Mise 1:1

Nwooi Yai-Laa ə mo Morɛsɛtə mun Mise ɓa, a Yotamə da Akazə, ɛlɛɛ Ezekiasə, Ɉuda tɔɔɓɛlaa di wɔ tɔɔlaa yələi; gɛɛi ə gaa yɛ hvilɛn na Samari da Ɉerusalɛmə diɛ, ya ka:

Osia 1:1

Mɛ̨nįi Yai-laa ə mo Beeri lon Ose ɓa, ɓɛlɔwai Oziasə, Yotamə, Akazə da Ezekiasə di kɛ la a Ɉuda tɔɔɓɛlaa; ɛlɛɛ, Ɉoasə lon Ɉeroboamə ə ɓo a Israɛlə tɔɔmun.

Tɔɔɓɛlaa veelɛ 14:21

Ɉuda lɔi hu nuą kəlee di Azariasə həɠə di ɉee a tɔɔmun a nąn Amasiasə mąąhvalin. Azariasə kaa kwɛlan ə kɛ a kwɛlan bow gɔw mɛ̨ida.

Ɉeremi 7:27

Ɉeremi! 'Lí ə́ mɛ̨nįɠaa tii ɲąą lɛ diɛ, ə́ ɉukulɔ diɛ; di hvo kpɛli pai di wəli tɔɔ yɛ́. 'Ə́ di təli, di hva kpɛli hvaa.

Lɛɛ gbɔwɔ ɓa 3:1

Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Maafîu 4:18

Yii kɛa Jesus ə kɛi tɛɛ Galile Bówa kwɛlɛ, ə diŋɛ̨n bili nuą hveelɛ kaa, diɛ ɓo a nąn non dɔ̨nɔ̨. Dɔ̨nɔ̨ laa ɓa kɛ a Simɔn, naa mɛ̨i hee ɓa a Piɛrə, da nəɠə Andre. Di kɛ a hɔ̨nwɔ̨lee kpɛ nuą.

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.