Abdiasə 1:7 - Yálá laawoo hɛɓɛ (dc)

⁷ Da ka kpɛ ka wɔ lɔi ɓa, ka nuąi ka tɔɔ, yiliɠaai da ka ɓowo, ka lɛɛ ka nɛ̨ɛ̨yɔwɔɠaa yee mu a luwɔ. Ka nuąi kɛi kɔ̨nɔ̨n mįi gee ɓa, yiliɠaai da hɛlɛn dɛ ka tɔwɔ, diɛ kɛ ka mąą mɛ̨nį ɓa: «Nuą tii kili aa kpɛɛ di yəi».

Yálá laawoo hɛɓɛ

⁷ Da ka kpɛ ka wɔ lɔi ɓa, ka nuąi ka tɔɔ, yiliɠaai da ka ɓowo, ka lɛɛ ka nɛ̨ɛ̨yɔwɔɠaa yee mu a luwɔ. Ka nuąi kɛi kɔ̨nɔ̨n mįi gee ɓa, yiliɠaai da hɛlɛn dɛ ka tɔwɔ, diɛ kɛ ka mąą mɛ̨nį ɓa: «Nuą tii kili aa kpɛɛ di yəi».

Bible

⁷ Íkɔlɛ-ma lɔii-ŋuŋ-ŋai nyii-ŋai ka dîa-ni ká kɔ́ kɔ̀ gîe mai, da pâi ípɛlɛ̂i dí íkpɛ íkpɔɔi lɔii su. Íƃarâai da pâi ípɛlɛ̂i dí íyee mɛi ɣále. Íƃarâai nyii-ŋai í làa a diai, da pâi ƃáre tɛ̂i ímɛni ma nyii ífe pâi gɔ́lɔnîi.”

Abdiasə 1:7 Referans Kwoze

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Osia 13:13

Kwəi nwąną kaa pai yilii lon gaa nɛ̨ɛ̨nu ɓa, nwɛi, lon ɉulɔnu li, yii hvo mɛ̨nį ta hon bələ kɔ́lɔn; ba yələ aa həli, kɛlaa, hvo gɛi hvo kulɔ nee kwəi.

Woolaa 1:19

Ŋą́ nwɔ́ wɛliɠaa təli, diɛ kpɛli daa mówo nwɔ́ haláá laa həli nuą, daa nwɔ́ kalanɉonŋaa diɛ mɔ̨nɔ̨ mįi daa kwəi a pulu, diɛ kɔ̨nɔ̨n gwɛli, ə gɛ, di nɔ̨ɔ̨ ə lɛɛ di hu.

Ɉeremi 38:22

Nɛąąi tii nii dɔɔ pɛlɛ́ mu, da li a gəlee Babilonə tɔɔmun nwɔ kɔlaɠai ɲɛ̨itɔwɔ nuą kpɛa-kpɛa pɔ. Diɛ wələ too, diɛ kɛ mą: «‹Daa ə́ nwun ɉu lan, daa ə́ ɓowo, ə́ ɓɛlaa lɛlɛɛɠaai tii, ə́ kɔwɔ a lɔ palayá hu, lɛani daa di wɔ li ɓo.›

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 4:30

Ə lɛɛ yɛ́i ɓaa Ɉerusalɛmə taa, lə ɓə ə́ kaa pai gɛi? Hɛli həɠə ɓə ŋɛ̨i ə́ kaa gɛi yɛ́i? Ə́ kaa mɔ̨ɔ̨ pai ə́ mąą yilii a hɛni? Ə́ kaa mɔ̨ɔ̨ pai pəna laa ə́ ɲɛ̨i? Kpɛli ka tii ə́ kaa gɛi, yɛ́ lɛlɛ kwɛli. Yɛ́ wɛliɠaa daa tɛɠɛɓo ə́ hu, ə́ paa mɛ̨nį ɓə kɛa di kaa la ə́ pulu.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Mąątɛ̨nɛ̨ 41:10

Ə mą kɛ, mɛ́lan kɛ gílitɔɔmą, yai kwa yaa ku kɛi ku yee lɔ kɔwɔ tɔ̨nɔ̨ hu, yili aa pɛlɛ mą́ą́ a kɔ́.

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.