Biblia Todo Logo
Bib sou entènèt

- Piblisite -




Tɔɔɓɛlaa veelɛ 9:3 - Yálá laawoo hɛɓɛ (dc)

3 Ə́ nwulɔ kpowo həɠə, ə́ nwulɔ pu nwuɔ̨, ə́ mąąti la; yɛ́ mą: ‹Mɛ̨nįi Yai-Laa ə mo ya ka: «Nwulɔi ŋɛ̨i gáá nɔi yɛ́, ɉaalai, yáá kɛ a Israɛlə tɔɔmun.»› Yili pulu, ə́ bɛlɛ́ laa ɓo, ə́ tɛɛ a gilɛ, hvo nąą mąąkpɔn.»

Gade chapit la Kopi

Yálá laawoo hɛɓɛ

3 Ə́ nwulɔ kpowo həɠə, ə́ nwulɔ pu nwuɔ̨, ə́ mąąti la; yɛ́ mą: ‹Mɛ̨nįi Yai-Laa ə mo ya ka: «Nwulɔi ŋɛ̨i gáá nɔi yɛ́, ɉaalai, yáá kɛ a Israɛlə tɔɔmun.»› Yili pulu, ə́ bɛlɛ́ laa ɓo, ə́ tɛɛ a gilɛ, hvo nąą mąąkpɔn.»

Gade chapit la Kopi

Bible

3 Ye Ɔ̂le wulɔi ŋí da pú ŋûa a gɛɛ é nɛ́ ǹyaa ƃé gáa nâa a gâloŋ ninai. Mó mà ƃîɛi, “Yâwɛɛ nyɛ̀ɛ, ‘Ŋaâ íkɛ a kâloŋ Eezuɛ mɛi.’ Ya gɛ̀ tí, bɛ́rɛi lá ƃó í kúla naa a maa félaa í lí. Ífe tɔ̀ɔ nàa kɔlɛ ma sɛŋ da kélee mɛni ma!”

Gade chapit la Kopi




Tɔɔɓɛlaa veelɛ 9:3
23 Referans Kwoze  

Yili pulu, ə́ dɔɔ wulɔ lɔ Nimsi lon Ɉehu ɓa, ə́ gɛ a Israɛlə tɔɔmun. Ɛlɛɛ, Safatə lon Elise, yai gaa a Avɛlə-Mehola mun, 'ə́ dɔɔ wulɔ lɔ mą, 'ə́ gɛ a gwə́i mɛ̨nį hukulɔ mun a ə́ mąąhvalin.


Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»


Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.


Nabukodonosorə nwɔ tɔɔlaa gwɛlan veelɛ lɔwai, ə hįi kaa, ɉįi tii ə gwəipili kpɔ ma kɛnɛ̨, hvo yii.


Akaziasə nwun na pili mɛ̨nį ə həɠə Yálá pɔ, a lii tii ə mo nwoo pilii Yoramə ɓa. Pai ə mo, da Yoramə di kulɔ diɛ li Nimsi lon Ɉehu laakwiɛn ɉii, a yaa tii Yai-Laa ə dɔɔ wulɔ hiɛ mą, əgɛ, ə Akabə nwɔ pɛlɛ́i pu.


Hazaɛlə yɛ Elise ɓa: «Lə kɛ hɛn gbɔ ɓaa a yɛ́ luwɔi, yai a pɛli mɛ̨nį taaləi tii kɛi?» Elise ə bulu pənə mą, yɛ mą: «Yai-Laa ɓə yili kəlee lɛi mą́ą́, yɛ ə́ kaa pai kɛi a Aramə tɔɔmun.»


Samuɛlə yɛ mą: «Ŋą́ li pələ kɛ ləi? Saulə a bələ mɛ̨n, gaa pai báái.» Yai-Laa yɛ mą: «Nįŋɛ̨ kpɛla həɠə ə́ li la, yɛ́ diɛ: ‹Ŋą́ pa haláá kulɔi Yai-Laa ɓa.›


Samuɛlə yɛ mą: «Pələi mąn hvo kɛnɛ̨ li la ə́ kpɔɔ ɲɛ̨i ɓa, hvo mɔ̨ɔ̨ heeni Israɛlə nuą kəlee nwun na? Yai-Laa ə́ ə́ mąątí, ə́ ə́ kɛ a Israɛlə tɔɔmun.


Samuɛlə yɛ Saulə ɓa: «Ɲą́ą́ ɓə Yai-Laa ə dɔ́ɔ́, gɛ́ dɔɔlaa hee wulɔ hiɛ yɛ́, yɛ́ kɛ a tɔɔmun Israɛlə nuą nwun na. Ə́ wəli tɔɔ kɛa Yai-Laa woo ɓa.


«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»


Ə nwulɔ mąąhəɠɛɛ tii ta pu Aarɔn nwuɔ̨, ə da lɔ mą, yɛ naakwɛlanmo la Yai-Laa ɓa.


Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.


Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.


Nɛ̨ɛ̨nu ta ə pa a múlún nón, bɛliɛ a kwɛni, naahvɛɛ a wulɔ kun-nɛ̨ɛ̨ yii ɉɔ̨nwɔ̨ kɛnɛ̨. Ɓɛlɔwai Jesus ni di kɛi di kɔ̨nɔ̨n mį́į́ la, ə nwulɔ kun-nɛ̨ɛ̨ tii kəlee pu Jesus nwuɔ̨.


Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.


Ka li laa, ɉaláá laa həli mun Sadɔkə da Yálá kwəi mɛ̨nį hukulɔ mun Natan di dɔɔ wulɔ lɔ nwun ma, di mąąti, ə kɛ a dɔɔmun Israɛlə nuą kəlee nwun na. Nąąlɔwai ka dulú hvɛɛ, kaa diɛ: ‹Tɔɔmun Salomɔn yíi ə kwɛa!›


Ɉehu ə muhəɠə da yaa di lɔ bɛlɛ́n. Ɉulɔnon tii ə nwulɔ pu Ɉehu nwun mą, ə mąąti, yɛ mą: «Nwooi Yai-Laa Israɛlə nwɔ Yálá ə mo, ya ka, yɛ diɛ: ‹Nwulɔi ŋɛ̨i haalai, gáá ə́ kɛi a nwɔ́ nu huwui Israɛlə nwɔ tɔɔmun.


Swiv nou:

Piblisite


Piblisite