Tɔɔɓɛlaa veelɛ 9:13 - Yálá laawoo hɛɓɛ (dc)

¹³ Daa mąn nɛɛ mą, daa di wɔ həɠəɠaai kulɔ di kwąną, diɛ bɛlɛ gɔwɔ mu, ɛlɛɛ, di dulu hvɛɛ, diɛ kɛ mą: «Ɉehu aa kɛ a tɔɔmun!»

Yálá laawoo hɛɓɛ

¹³ Daa mąn nɛɛ mą, daa di wɔ həɠəɠaai kulɔ di kwąną, diɛ bɛlɛ gɔwɔ mu, ɛlɛɛ, di dulu hvɛɛ, diɛ kɛ mą: «Ɉehu aa kɛ a tɔɔmun!»

Bible

¹³ Tãi dí nyíŋi mɛ̀ni lai, dí díseɣe-ŋai kùla dîa a maa-félaa dí dípɛŋ gɔ́ɔ mu núu siâi gɛ́ tɛ̀ bɛ́rɛi ŋ̀elêi ƃɛ́i è kɛ̀ tɔɔ̂-ni naai. Dí tɔnɔ da è túru fɛ̀ɛ. Dí kélee dí làɣi a gîe ɣelêi-pere dîyɛɛi, “Zewu káa a kâloŋ.”

Tɔɔɓɛlaa veelɛ 9:13 Referans Kwoze

Tɔɔɓɛlaa dɔlɔɔ 1:39

Ɉuwɔ mįnɛ̨i nwulɔ ə kɛ ɉu gələ mu, ɉaláá laa həli mun Sadɔkə ə ɉəɠə, ə bu Salomɔn nwuɔ̨, ə mąąti, ə gɛ a tɔɔmun. Di dulú hvɛɛ, nu kəlee di tomą, diɛ kɛ mą: «Tɔɔmun Salomɔn yii ə kwɛa!»

Tɔɔɓɛlaa dɔlɔɔ 1:34

Ka li laa, ɉaláá laa həli mun Sadɔkə da Yálá kwəi mɛ̨nį hukulɔ mun Natan di dɔɔ wulɔ lɔ nwun ma, di mąąti, ə kɛ a dɔɔmun Israɛlə nuą kəlee nwun na. Nąąlɔwai ka dulú hvɛɛ, kaa diɛ: ‹Tɔɔmun Salomɔn yíi ə kwɛa!›

Mąątɛ̨nɛ̨ 98:6

'Ka túlú hvɛ́ɛ́, 'ka lalo yɔw, 'ka ka yee lɔwa Yai-Laa Heeɓomun mą.

Samia Veerɛi 15:10

Absalɔn ə lɔi mu kɛla tɔɔ Israɛlə nu huwu kəlee pɔ, yɛ diɛ: «Ka Tulu woo mɛ̨n, ka kɛ diɛ: ‹Absalɔn aa kɛ a tɔɔmun Hebrɔn daai.›»

Tɔɔɓɛlaa veelɛ 9:12

Di pənə diɛ mą: «Ə́ kaa lɛɛ kɛi! Ə́ woo kəlee hukulɔ kuɔ.» Ɉehu yɛ diɛ: «Mɛ̨nįi ə mo mą́ą́, ya ka; yɛ Yai-Laa woo ka: ‹Nwulɔi ŋɛ̨i gáá ɉiɛi yɛ́ ɉaalai, ŋą́ą́ ə́ kɛ a Israɛlə tɔɔmun.›»

Tɔɔɓɛlaa dɔlɔɔ 1:25

Mąąhɔlɔɓo, háákələi ŋɛ̨i, aa li Ein-Rogɛlə ɲá nwun gulɔi, aa nįŋɛ̨ hilɛɠaa da nįŋɛ̨ gbɔnŋąą ə mą kɛ ɓɛlaa kpulu kɛnɛ̨ kulɔ laa a haláá; ɛlɛɛ, aa tɔɔmun nonnii kəlee təli, aa bɛlɛ gɔ́laɠa nwun nąmu ɓa, da ɉaláá laa həli mun Abiatarə. Da diɛni di kaa laa, diɛ di laa mįi, diɛ di kpələ, diɛ kɛ mą: ‹Tɔɔmun Adoniasə yíi ə kwɛa, kɛi a mo tii Yálá ə kɛ!›

Tɔɔɓɛlaa veelɛ 11:12

Nąąlɔwai Yehoyada ə pa a tɔɔmun, ə dɔɔ ɓɔlɔ lɔ nwuɔ̨, di dɔɔmun mąąyili hɛnŋąą kɛ mą, di ɉee a tɔɔmun, diɛ di yee lɔwa mą, diɛ kɛ diɛ: «Tɔɔmun ɲíi ə kwɛa!»

Tɔɔɓɛlaa veelɛ 11:14

Ə ɲɛ̨i hee bɛlɛ́n, ə tɔɔmun nįnɛ̨ kaa tɔɔni daɓali mɛ̨i. Yɛ bələi da gɛ la di yíi pələ hu, kalanɉonŋąą di ɓo tɔɔni gwɛlɛ da tulu hvɛɛ nuą, nɔi nuą kəlee diɛ mąną dulu woo ɓa. Atali ə nwɔ həɠəɠaai huɓɛla, yɛ diɛ: «Lɔgili ɓə! Lɔgili ɓə!»

Lukə 19:36

Gɛɛ kɛa lii, nuą diɛ di mąąhəɠə kulɔ di kwaną diɛ bɛlɛ bələ mɛ̨i.