Tɔɔɓɛlaa veelɛ 9:11 - Yálá laawoo hɛɓɛ (dc)

¹¹ Ɉehu ə kulɔ ə li tɔɔmun nwɔ tínuąi pɔ, yiliɠaa diɛ mą: «Gu mɛ̨n nąą bələ! Lə mɛ̨nį ɓə mowomun ə paa la ə́ pɔ?» Ɉehu yɛ diɛ: «Kaa kpinįi ka nui kɔ́lɔn, da nwoo tɔ̨nɔ̨i lɔ gaa na!»

Yálá laawoo hɛɓɛ

¹¹ Ɉehu ə kulɔ ə li tɔɔmun nwɔ tínuąi pɔ, yiliɠaa diɛ mą: «Gu mɛ̨n nąą bələ! Lə mɛ̨nį ɓə mowomun ə paa la ə́ pɔ?» Ɉehu yɛ diɛ: «Kaa kpinįi ka nui kɔ́lɔn, da nwoo tɔ̨nɔ̨i lɔ gaa na!»

Bible

¹¹ Tãi Zewu è kùla la é lí pôlu marâa kɔ-kuluƃa-ŋai túɛ-ƃelai pɔ́i, dɔ̀nɔ è marê kɛ̀ ǹyɛɛi, “Kú mɛni naa? Lé ƃé m̀óo-nuui tí a ŋ̀wɛ̂lii?” Zewu è zu tòo ǹyɛɛi, “Ká ǹúui tí kɔ́lɔŋ da berei a lôno lai.”

Tɔɔɓɛlaa veelɛ 9:11 Referans Kwoze

Ɉeremi 29:26

«Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Gɛlaɠaa 26:24

Polə ə lɛɛ lɔ nwoo hukulɔi, Fɛstusə ə bələ hon na, ə tomą kpɔ a nwoo kɛnɛ̨, yɛ mą: «Polə, ɓowo ɓə yáá mo? Nakwəli kɛnɛ̨i ŋɛ̨i ə́ gɛi, yɛ ə ə́ ɓowo?»

Ɉaan 10:20

Daɠaa diɛ kɛ mą: «Ɲįnɛ̨n gaa bulu, ə lɛɛ, aa ɓowo; lə mɛ̨nį ɓa ka káá ka wəli tɔɔi nwoo ɓa?»

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Markə 3:21

Yii kɛa ɲei bɛlɛ́n nuą di mąą mɛ̨nį bələ mɛ̨n, di hvilɛn bulu, əgɛ, di ɉon də li la bɛlɛ́ laaləi. Mąąhɔlɔɓo, di kɛi kɛ diɛ: «Ɉu aa pu mą.»

Tɔɔɓɛlaa veelɛ 9:22

Yii lɔ Yoramə ə Ɉehu kaa, yɛ mą: «Ɉehu! Liilaa mɛ̨nį ɓəi?» Ɉehu yɛ mą: «Akɛ pələ kɛ ləi a liilaa mɛ̨nį? Ya pa, ə́ lee Ɉezabɛlə nwɔ túwɔ́ pələ ɲɔ̨nŋaa, da nwɔ tɔlikpɛ mɛ̨nį daną-danąi di kaa lɔ ni ɉu.»

Tɔɔɓɛlaa veelɛ 9:19

Tɔɔmun ə nu veelɛnąą tɔɔ, yili ə li ə həli diɛ, yɛ diɛ: «Tɔɔmun yɛ: ‹Liilaa mɛ̨nį ɓə ka káá pai la?›» Ɉehu yɛ mą: «Yɛ́ lə mɛ̨nį ɓə liilaa mɛ̨nį hu? 'Tɛɛ ə́ hvilɛn búlú.»

Tɔɔɓɛlaa veelɛ 9:17

Daa mąąkpɛmun ə kɛ tɔɔni daa mąą kɔ̨nwɔ̨ pɛlɛ́ tona, ə Ɉehu nwɔ nu kpulu kaa diɛ pa, ə wɛlɛɛ tɔɔ tɔɔmun bɔ, yɛ mą: «Gáá nu kpulu kaai!» Yoramə yɛ mą: «Hoo nąmu ta tɔɔ ə li ə di mąąni kɛ, akɛ Liilaa mɛ̨nį ɓə ka káá pai la?»

Tɔɔɓɛlaa veelɛ 5:21

Gehazi ə tɛɛ a gilɛ, ə hvilɛn Naaman pulu. Yii kɛa Naaman ə gaa yɛ pa a gilɛ, ə kulɔ nwotolo hu, yɛ li naakwiɛn ɉii. Yɛ Gehazi ɓa: «Gu mɛ̨n?»

Korɛntə veelɛ 5:13

Akɛ ɓowo hvaa ɓə ku mo, ku mo Yálá ɓa. Kɛlaa, akɛ kilimąą woo ɓə, akɛtii, ká mąą mɛ̨nį ɓə.

Korɛntə dɔlɔɔ 4:10

Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Azaya 59:15

Tɛ̨ą mɛ̨nį hva kaa laa, ɛlɛɛ nui a bulu tínɛ̨n mɛ̨nį ɲɔ̨n mą, da too mɛ̨i, gɛɛ tii, Yai-Laa ə nąą kaa, yili ə ɲɔ̨nwɔ̨ kpɔ ɲɛ̨i mu ha ha, a kɛi tii kiti hvo mo li laai.

Tɔɔɓɛlaa veelɛ 4:26

Gilɛ həɠə, ə́ li ə́ naakwiɛn, yɛ mą: «Gu mɛ̨n! Nąą bələ lɛlɛɛi? Ə́ hilɛ kaa laa kpɛli? Nokolo kɔ́lɔi pɔ̨nɔ̨ɔi?» Nɛ̨ɛ̨nui tii yɛ Gehazi ɓa: «Nuą kəlee kaa laa kpɛli!»

Tɔɔɓɛlaa veelɛ 9:2

Yá li, gɛ pələ kwɛli mą ə́ həli Ɉehu ɓa, yai a Ɉosafatə lon, yai tii a Nimsi mąnįn. Yá həli mą, ə́ dəli, ə́ gulɔ nąn nonnii lɔwai ka yáá ka li pɛlɛ́ lon da mu ka tɔ̨nɔ̨ kɛɛ nąą.

Tɔɔɓɛlaa veelɛ 9:12

Di pənə diɛ mą: «Ə́ kaa lɛɛ kɛi! Ə́ woo kəlee hukulɔ kuɔ.» Ɉehu yɛ diɛ: «Mɛ̨nįi ə mo mą́ą́, ya ka; yɛ Yai-Laa woo ka: ‹Nwulɔi ŋɛ̨i gáá ɉiɛi yɛ́ ɉaalai, ŋą́ą́ ə́ kɛ a Israɛlə tɔɔmun.›»