Tɔɔɓɛlaa veelɛ 9:1 - Yálá laawoo hɛɓɛ (dc)

¹ Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.

Yálá laawoo hɛɓɛ

¹ Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.

Bible

¹ Ɣele tɔnɔ ta, Ilasa è Ɣâla ŋɔlóno-kɛ-ƃela kpéle-ŋai dɔnɔ tòli ǹyɛɛ mai, Ɔ̂le wulɔ sanei ŋí síɣe í lí íkpîŋ kpɛtɛ a maa félaa í lí la Lemɔ Gilia.

Tɔɔɓɛlaa veelɛ 9:1 Referans Kwoze

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Tɔɔɓɛlaa veelɛ 4:29

Elise yɛ Gehazi ɓa: «Ə́ hąą yili, ə́ nwɔ́ tunwɔ̨n həɠə, ə́ li la, ka nu ta kwiɛn bələ pɔ, hvó ə́ woo pili mą, nu ta a nwoo pili yɛ́, hvó hvaa nwoo mu. Ya li, nwɔ́ tunwɔ̨n ŋɛ̨i laa nokolo ɲɛ̨ilai.»

Tɔɔɓɛlaa dɔlɔɔ 1:39

Ɉuwɔ mįnɛ̨i nwulɔ ə kɛ ɉu gələ mu, ɉaláá laa həli mun Sadɔkə ə ɉəɠə, ə bu Salomɔn nwuɔ̨, ə mąąti, ə gɛ a tɔɔmun. Di dulú hvɛɛ, nu kəlee di tomą, diɛ kɛ mą: «Tɔɔmun Salomɔn yii ə kwɛa!»

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Tɔɔɓɛlaa veelɛ 2:3

Yálá kwəi mɛ̨nį hukulɔ nuą di wɔ kalan nəai kɛ Betɛlə, di di mąą lɛɠɛ Elise ɓa, diɛ mą: «Ə kili kaa ɉu yɛ́ kələi ɓə Yai-Laa kaa ə́ kalamɔ̨ɔ̨ həɠəi la ə́ mɛ̨i?» Yɛ diɛ: «Gíli kaa tii ɉu; ka ka laa pilɛ.»

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Ɉeremi 1:17

Kɛlaa, ə́ wɛi, 'ə́ hąą yili, 'ə́i muhəgə, mɛ̨nįi lɔpee ŋį́ ə́ tí la mo diɛ. 'Hvó nɛɛ laa di hvo ə́ mąą ɲɔw, di hvó hee ə́ mɛ̨i; ya gɛ tii, ɲą́ą́ ɓə pai ə́ hu pui yɛ́ di ɲɛ̨i ɓa.

Tɔɔɓɛlaa dɔlɔɔ 22:20

Yɛ diɛ: ‹Gbɛɛ ɓə lii ə kili ɲɔ̨nwɔ̨ɔ̨ too Akabə kwəi, ə gɛ ə li ə kɔ́ pɛlɛ Ramotə ɓa yai gaa Galaadə, ə gɛ di baa?› Dɔ̨nɔ̨ ə kɛi nwɔ woo ŋąąpənəi kɛ a dee, dakpɛli yɛ nwɔ woo ŋąąpənəi kɛ a ɉuwu takpɛli.

Tɔɔɓɛlaa dɔlɔɔ 22:4

Yili pulu, yɛ Ɉosafatə ɓa: «Ə́ kaa pai hvaai mą, ə́ too bɔ́, gwə li gu kɔ́ pɛlɛ Ramotə ɓa, yai gaa Galaadə?» Ɉosafatə yɛ Israɛlə tɔɔmun ma: «Gu kaa tɔ̨nɔ̨, ɲą́ą́ gwa yɛ́; ə́ wɔ nuą da nwɔ́ nuą, ə́ wɔ hooɠaa da nwɔ́ hooɠaa, gəlee kaa a hɛn dɔ̨nɔ̨.»

Tɔɔɓɛlaa dɔlɔɔ 20:35

Yai-Laa ə gwəi mɛ̨nį hukulɔ nuą di wɔ kalan non dɔ̨nɔ̨ tí, yili yɛ mɛlan ma: «Gɛ́lɛ!» Kɛlaa, mɛlan və gɛ hvo gɛlɛ.

Tɔɔɓɛlaa dɔlɔɔ 18:46

Eli ə ɉąą yili, Yai-Laa ə ɲee pɛlɛ mɛ̨i, ə tɛɛ Akabə tɔwɔ a gilɛ, ə lɛɛ la ɉu, di li di həli Izreɛlə.

Dutɛrɔnome 4:3

Mɛ̨nįi Yai-Laa ka wɔ Yálái ə gɛ Baalə-Peɔrə, kaa kpinįi ka nąą kaa a ka ɲɛ̨ikɔw; nuąi kpɔ hvilɛn Baalə pulu Peɔrə, Yai-Laa ka wɔ Yálái ə gəlee paa ka lɔwai.

Tɔɔɓɛlaa veelɛ 4:1

Yálá kwəi mɛ̨nį hukulɔ mun da nɛ̨ą ə pa a yələ ta, yɛ Elise ɓa: «Elise! Ə́ kili kaa ɉu yɛ́ ə́ wɔ tímun da nɛ̨ą ɓaa a ɲą́ą́, kɛlaa, aa haa. Yaan, ə́ gɔlɔn yɛ́ diɛ, ə kɛi ɲɔw Yai-Laa ɓa. Ya ka tii, nuąi kwələ tɔɔ mą, dɔ̨nɔ̨ aa pa, yɛ ə nónnii hveelɛi ŋɛ̨i həɠə a doláá.»

Maafîu 26:7

Nɛ̨ɛ̨nu ta ə pa a múlún nón, bɛliɛ a kwɛni, naahvɛɛ a wulɔ kun-nɛ̨ɛ̨ yii ɉɔ̨nwɔ̨ kɛnɛ̨. Ɓɛlɔwai Jesus ni di kɛi di kɔ̨nɔ̨n mį́į́ la, ə nwulɔ kun-nɛ̨ɛ̨ tii kəlee pu Jesus nwuɔ̨.

Tɔɔɓɛlaa dɔlɔɔ 19:16

Yili pulu, ə́ dɔɔ wulɔ lɔ Nimsi lon Ɉehu ɓa, ə́ gɛ a Israɛlə tɔɔmun. Ɛlɛɛ, Safatə lon Elise, yai gaa a Avɛlə-Mehola mun, 'ə́ dɔɔ wulɔ lɔ mą, 'ə́ gɛ a gwə́i mɛ̨nį hukulɔ mun a ə́ mąąhvalin.

Tɔɔɓɛlaa veelɛ 9:4

Ɉulɔnon tii, yai a Yálá kwəi mɛ̨nį hukulɔ mun, ə tɛɛ yɛ li Ramotə Galaadə lɔi hu.

Tɔɔɓɛlaa veelɛ 2:5

Yálá kwəi mɛ̨nį hukulɔ nuą di wɔ kalan nɛa di kɛ Ɉeriko, diɛ Elise ɓa: «Ə́ kili kaa ɉu yɛ́ kɛ háákələi ɓə Yai-Laa kaa ə́ wɔ kalamɔ̨ɔ̨ həɠəi la ə́ nwun mɛ̨i?» Elise yɛ diɛ: «Gíli kaa kpɔ tii ɉu, ka ka laa pilɛ.»

Tɔɔɓɛlaa veelɛ 2:7

Yálá kwəi mɛ̨nį hukulɔ nuą nu pow lɔɔli di li di hee Ɉurdɛn kwɛlɛ, di mąą ta wolo kwɛaa Eli da Elise diɛ.

Tɔɔɓɛlaa veelɛ 2:15

Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Kɔlɔnikɔ Veerɛi 22:1

Ɉerusalɛmə daai nuą di Yoramə lon gbəlamąą Akaziasə həɠə di ɉee a tɔɔmun, a nąn mąąhvalin. Hvo gaai, Arabə nu kpului tii pa pɛlɛi gɔɓuwu ɓa, di nonnii dɔlɔɔɠaa tii kəlee paa.

Kɔlɔnikɔ Veerɛi 22:5

Di wɔɔ liɛwoo ɓə gɛ, da Israɛlə tɔɔmun Yoramə Akabə lon, diɛ li kɔ́ pɛlɛi la Aramə tɔɔmun Hazaɛlə ɓa Ramotə Galaadə lɔi hu. Kɛlaa, Aramə nuą di Yoramə nwąną.