Tɔɔɓɛlaa veelɛ 8:4 - Yálá laawoo hɛɓɛ (dc)

⁴ Nąąlɔwai, tɔɔmun da Yálá nwɔ nui nwɔ tímun Gehazi di kɛi lono kɛ. Yɛ Gehazi ɓa: «Mɛ̨ni kpɛa kpɛaa kpɔ Elise aa gɛ, di hukulɔ mą́ą́.»

Yálá laawoo hɛɓɛ

⁴ Nąąlɔwai, tɔɔmun da Yálá nwɔ nui nwɔ tímun Gehazi di kɛi lono kɛ. Yɛ Gehazi ɓa: «Mɛ̨ni kpɛa kpɛaa kpɔ Elise aa gɛ, di hukulɔ mą́ą́.»

Bible

⁴ Tãi tí yée mu, gâloŋ è kɛ̀ Ilasa yée-mu-nuui, Gaiza marê kɛ̂i mɛni kpaya-kpaya-ŋai m̀ɛni ma Ilasa è dí kɛ̀i.

Tɔɔɓɛlaa veelɛ 8:4 Referans Kwoze

Gɛlaɠaa 24:24

Yíi kuu hveelɛ kulaa ɉu, Felisə da nɛ̨ą Drusilə Ɉuifə mun, di Polə təli, diɛ kɛ mą, nu laa mɛ̨nį Jesus Kristə la, mɛ̨nį ŋɛ̨i yá kɛ moi, kuɔ ku da mɛ̨n.

Ɉaan 9:27

Yɛ diɛ: «Ŋą́ą́ gbɛa háá mo kaa, akɛti, ka hvo mɛ̨n? Lə mɛ̨nį ɓa, ka káá nwɔ̨nɔ̨ pənəi kaa mą́ą́nin kɛ? Kaa kpɛli ka káá bɔ ka kɛ a nwɔ kalan nɛai ta?»

Lukə 23:8

Ɓɛlɔwai Herodə ə Jesus kaa la, gwəi ə nɛɛ kpɔ kɛnɛ̨. Mąąhɔlɔɓo, aa kɛ Jesus mąą mɛ̨nį bələ mɛ̨n kpɔ a lɔwai hu kwɛaa, ə kɛ bɔ ə ɲɛ̨i tɔɔ mą. Ə kɛ Herodə kwəi, Jesus kaa pai kpalo mɛ̨nį ta kɛi ə gaa.

Lukə 9:9

Kɛlaa, Herodə yɛ mą: «Akɛti, gbɛɛ ɓaa a nu yili kani? Yaan, ŋą́ą́ li kɛ mo, daa Ɉaan nwun galən dee ŋą!» Yili pulu, Herodə ə kɛi Jesus kwɛli, əgɛ, ə gaa.

Maafîu 2:8

Yili pulu, yɛ diɛ: «'Ka li Bɛtleɛmə daai, 'ka nokoloi tii mąą mɛ̨nį hukulaa lɛlɛɛ kaa, 'ka pa, ka mo mą́ą́; ə gɛ, ɲą́ą́ gbɛli ŋį́ li ŋį́ kwɛli hvilɛn mą.»

Tɔɔɓɛlaa veelɛ 7:10

Di pa, di ɉįi la nuą təli, diɛ diɛ: «Kwaa li, kwaa həli Aramə nuą di wɔ kɔ́ɓuwui la, nui lɔpee ta hvo laa, nu woo kpɛli hvo tɔɔi laa; ɉooɠaa lɔ ɓə kɛ laa da ɉoohvaalənŋąą, di yiliɛ ɉəɠə pɛlɛ́ɠaa diɛ, daa di lɛɛ laa.»

Tɔɔɓɛlaa veelɛ 7:3

Hvólóɲɔ̨n gɛ nuą nąąn di kɛ heeni bələ nwun na, diɛ di kee ɓa: «Lə mɛ̨nį ɓa, gu kaa ɓɛ heeni guɔ haa mąąkpɔn?

Tɔɔɓɛlaa veelɛ 7:1

Elise yɛ mą: «Ka ka wəli tɔɔ Yai-Laa woo ɓa, mɛ̨nįi Yai-Laa ə mo ya ka: ‹Tínąą ɓɛlɔwai, Samari ɉį́i la, di kaa pa lɛɠɛ hunwɔ̨ kilə pow kɔ́w hveelɛ ɲai a wali kwələ tɔ̨nɔ̨, di kpai kilə pow hveelɛ kɔ́w nąąn ɲa a wali kwələ tanɔ̨n.›»

Tɔɔɓɛlaa veelɛ 6:32

Elise ə kɛ heeni bɔɔli, nu kpɛa kpɛaa heɛ gwɛlɛ ɓɛlɔwai tɔɔmun ə nwɔ tímun dɔ̨nɔ̨ tɔɔ la bɔ. Gɛɛ tɔɔmun nwɔ kɛlai hvo həli Elise ɓa, ə gbɛa mo gwɛlɛ nuą diɛ, yɛ diɛ: «Kaa nu paa mun lon ŋɛ̨i kaa, ya ka tii aa nuą tɔɔ, ə gɛ, di pa di nwún dee. Nwɔ kɛlai tii aa həli ɓɛ, ka bɛlɛ́ laa kpulu dɔwɔ, ka nɛɛ gbon mą, ka bili la. Kɛlɛi, nwun nąmu kɔ́wɔ mu tin gaa tɔɔi bulu.»

Tɔɔɓɛlaa veelɛ 6:6

Yálá nwɔ nui yɛ mą: «Mįnɛ̨ ɓə ə too laa?» Yili ə nąą lɛ Elise ɓa. Elise ə wulu kpiɛn da həɠə, ə mąą haɠa, ə bili ɲái, ɲowa kɔ́w ə tɛ ɲá ŋą.

Tɔɔɓɛlaa veelɛ 5:14

Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Tɔɔɓɛlaa veelɛ 4:12

Yɛ nwɔ tímun Gehazi ɓa: «'Lí ə́ Sunamə nɛ̨ɛ̨nui tii təli ə pa.» Nɛ̨ɛ̨nui tii ə pa bɛlɛ́ laaləi.

Tɔɔɓɛlaa veelɛ 2:24

Elise ə tinɛ̨n, ə ɲɛ̨i hee diɛ, ə di nɛ̨ŋɛ̨n nąą Yai-Laa laa hu. Nąąlɔwai ursə hveelɛ di kulɔ nɔwɔi, di pa, di nɛapɛlɛ tii bow nąąn kɔ́w hveelɛ paa ɉu.

Tɔɔɓɛlaa veelɛ 2:14

Biliɉui ŋɛ̨i kulɔ Eli kpaŋəi ə pu Elise yɛ ɉəɠə, gɛɛ ɲa kɛlɛi la, yɛ mą: «Yai-Laa Eli nwɔ Yálái kaa mį?» Elise yaa kpɛli ə ɲá kɛlɛ la. Ɲá ə tee dɔwɔ, ə tɛɛ.

Tɔɔɓɛlaa veelɛ 8:3

Gwɛlan mɛ̨ihveelɛi tii tɛɛ pulu, nɛ̨ɛ̨nui tii ə pənə ə pa. Pai ə mo, ə li, ə nwɔ pɛ́lɛ́i da nwɔ tíi kɛ lɔi mąą mɛ̨nį ɓo tɔɔmun mą.

Tɔɔɓɛlaa veelɛ 4:25

Nɛ̨ɛ̨nui ə li ə həli Yálá nwɔ nui ɓa Karmɛlə yee tona. Ɓɛlɔwai yili ə nɛ̨ɛ̨nui tii kaa la kwɛaa la, yɛ Gehazi ɓa: «Gu nwɛ̨ą leenɛ̨ąi a Sunɛmə mun, ya ka tii pai.»