Tɔɔɓɛlaa veelɛ 8:18 - Yálá laawoo hɛɓɛ (dc)

¹⁸ Ə hvilɛn Israɛlə tɔɔɓɛlaa di wɔ túwɔ́ pələ ɲɔ̨n bulu, yɛ bələi kpɔlɔɔ Akabə yəi bɛlɛ́n nuą di wɔɔ túwɔ́ pələ ɲɔ̨n ə kɛ la. Gbala ə tɔɔ, ə Akabə lon nɛ̨ɛ̨nu həɠə a nɛ̨ą. Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ.

Yálá laawoo hɛɓɛ

¹⁸ Ə hvilɛn Israɛlə tɔɔɓɛlaa di wɔ túwɔ́ pələ ɲɔ̨n bulu, yɛ bələi kpɔlɔɔ Akabə yəi bɛlɛ́n nuą di wɔɔ túwɔ́ pələ ɲɔ̨n ə kɛ la. Gbala ə tɔɔ, ə Akabə lon nɛ̨ɛ̨nu həɠə a nɛ̨ą. Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ.

Bible

¹⁸ Zɛoraŋ è kɛ̀ a zɔŋ nyɔ́mɔɔ é Yâwɛɛ wóo píli. È kɛ̀ a zɔŋ nyɔ́mɔɔ yɛ̂ɛ Eɣa ŋɔkáa-laai su-ƃelai da. Kpɛ́ni fêi è Eɣa ǹóŋ nɛnii kùla a nɛnî nyii ǹyée pìli mɛni nyɔ́mɔɔ kɛ́ɛ sui. È kɛ̀ a zɔŋ nyɔ́mɔɔ kpɔ́ yɛ̂ɛ Eezuɛ kaloŋ-ŋai.

Tɔɔɓɛlaa veelɛ 8:18 Referans Kwoze

Tɔɔɓɛlaa veelɛ 8:26

Akaziasə kaa kwɛlan ə kɛ pow hveelɛ kɔ́w hveelɛ, yɛ tɔɔlaa hɔlɔɓo. Ə tɔɔlaa kɛ a kwɛlan dɔ̨nɔ̨ Ɉerusalɛmə. Akaziasə nee laa ɓa kɛ a Atali, yai kɛ a Israɛlə tɔɔmun Omri lon nɛ̨ɛ̨nu.

Mise 6:16

Omri nwɔ tɔ́nŋaai ɓə ə́ yee kaa mą, da Akabə yəi bɛlɛ́n ɲii pələɠaa kəlee, bələi da ka tí la, bələ ɓə ka hiɛ la, yili mąą mɛ̨nį ɓa, gáá pai ɲɔw pilii nɔi hu, yɛ nɔi hu nuą mąą kpɛlin, gɛ́ di kɛ a yɛlɛ kulɔ ɉu hɛn, nwɔ́ nu huwuɠaai wɛli aa kpɛɛ mą́ą́ kpɔ tɛ́-tɛ́.»

Kɔlɔnikɔ Veerɛi 21:13

Kɛlaa, ə́ hiɛ yɛ bələi Israɛlə tɔɔɓɛlaa di hiɛ la; yáá li yáá wɛli mɛ̨nį lɔ Ɉuda nuą da Ɉerusalɛmə nuą yee pɔ, yɛ bələi Akabə yəi bɛlɛ́n nuą di túwɔ́ la; ə laa yili mɛ̨i, yáá nwɔ̨nɔ̨, ə́ nąn nonnii kɛ di hviɛlaɓoɔ di tɛɛ yɛ́, yáá di paa, a ə́ nąn nwɔ pɛlɛ́i;

Kɔlɔnikɔ Veerɛi 21:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa ə gɛ, ə hvilɛn Israɛlə tɔɔɓɛlaa kpaalə hu, yɛ bələi Akabə ŋą pɛlɛ́i mun nuą di gɛ la. Hvo gaai, Akabə lon nɛ̨ɛ̨nu ɓə kɛ ɲəi a nɛ̨ą.

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Kɔlɔnikɔ Veerɛi 18:1

Ɉosafatə ə hɛngɔw hɔlɔɓo kpɔ kɛnɛ̨ da mąąwiɛ. Ɉosafatə ə kanąn Akabə yəi a húlú mɛ̨nį.

Tɔɔɓɛlaa veelɛ 21:13

Bələi ŋą́ Samari lɔi kala la da Akabə nwɔ pɛ́lɛ́i, bələ ɓə gáá pai Ɉerusalɛmə taa kalai la. Gáá pai Ɉerusalɛmə hu waai, yɛ da kɛi hɛnɲąŋą hu waa.

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa dɔlɔɔ 22:44

Kɛlaa, ə mą kɛ tii, hali kɔ́iɠaa di hvo kpɛɛ nɔi, nuą di kɛi lɔ halááɠaa kulɔ, diɛ lansan kələn ɉali kɔ́iɠaa tii ɓa.

Tɔɔɓɛlaa veelɛ 8:27

Akaziasə ə hvilɛn Akabə yəi bɛlɛ́n nuą di wɔɔ túwɔ́ pələ ɲɔ̨n bulu; mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, ə ɲee lɔ ɉu yɛ gɛ, kpɔlɔɔ yɛ bələi Akabə yəi bɛlɛ́n nuą di kɛi gɛ la. Mąąhɔlɔɓo, Akabə yəi bɛlɛ́n nuą di mąnįn ni kɛ.

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Kɔlɔnikɔ Veerɛi 17:4

Kɛlaa yaamun, ə tɔɔ a nwąnąi, ə nąnni di wɔɔ Yálá Yai-Laa liiɓa kwɛli, ə hvilɛn ŋą tɔ́nŋąąi pulu, hvo túwɔ́ yɛ bələi Israɛlə nuą di túwɔ́ la.