Biblia Todo Logo
Bib sou entènèt

- Piblisite -




Tɔɔɓɛlaa veelɛ 8:13 - Yálá laawoo hɛɓɛ (dc)

13 Hazaɛlə yɛ Elise ɓa: «Lə kɛ hɛn gbɔ ɓaa a yɛ́ luwɔi, yai a pɛli mɛ̨nį taaləi tii kɛi?» Elise ə bulu pənə mą, yɛ mą: «Yai-Laa ɓə yili kəlee lɛi mą́ą́, yɛ ə́ kaa pai kɛi a Aramə tɔɔmun.»

Gade chapit la Kopi

Yálá laawoo hɛɓɛ

13 Hazaɛlə yɛ Elise ɓa: «Lə kɛ hɛn gbɔ ɓaa a yɛ́ luwɔi, yai a pɛli mɛ̨nį taaləi tii kɛi?» Elise ə bulu pənə mą, yɛ mą: «Yai-Laa ɓə yili kəlee lɛi mą́ą́, yɛ ə́ kaa pai kɛi a Aramə tɔɔmun.»

Gade chapit la Kopi

Bible

13 Azae è zu tòo ǹyɛɛi, “Ŋa pɔ̂ri mɛni saŋ kɛ́ɛ tí kɛ́ pere kɛ̂i léŋ? Ŋ́gaa nɔ́ a yée-mu-nuu kɛ́ɛ nɔ́ yɛ̂ɛ ɣîla ǹyaŋ wála-wâla-laa kɛ́ɛ tí fé ǹyéei.” Ilasa è zu tòo ǹyɛɛ mai, “Azae, Yâwɛɛ a mó mâ a gɛɛ ƃía ƃé pâi kɛ̂i a Siria kaloŋ ninai.”

Gade chapit la Kopi




Tɔɔɓɛlaa veelɛ 8:13
14 Referans Kwoze  

Goliatə yɛ Davidə ɓa: «Gaa ə́ kwəi yilɛ lon maa a ɲą́ą́, yai ə́ kaa pai bɔ́ gbɔn yɛ ɓo ə yəi?» Goliatə ə́ Davidə nɛ̨ŋɛ̨n naa a nwɔ haliɠaai laa.


Yai-Laa yɛ mą: «'Ə́ muhəɠə, ə́ ə́ pulu pənə, ə́ li Damasə nɔi pun ɉu pələ, yá həli laa, ə́ dɔɔ wulɔ lɔ Hazaɛlə ɓa, ə́ gɛ a Aramə tɔɔmun.


Mefibosɛtə ə kwɛli hvilɛn Yálá ɓa, yɛ mą: «Lə kpɔ ɓaa ə́ wɔ tímun, yai, ɲą́ą́ ŋɛ̨i yɛ yilɛ powa, yɛ́ li ə ɲɛ̨i lɛlɛɛ heei mą́ą́?»


«Ka hvo hɛn mąąhəɠɛɛ tɛɛ yilɛɠaa pɔ, ə gɛ, di hvo pa tinɛ̨n di hvo wolo kaa. Ka hvo ka wɔ hɛniɠaai pu ɓoiɠaa kɔ́wɔ mu, ə gɛ, di hvo pa dan a di kɔ́wɔ, di hvo mąąliɓi.»


Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.


Kɛlaa yɛ́, Yai-Laa, 'hvó tɔɔ kpɔ tii kwɛaala! Yɛ́i a vą́ŋą! 'Pa kilɛ mą́ą́! 'Ə́ mąą hvulɔ ɉa!


Gwáną aa kpala, yɛ kwɛahaɠa a kɛ nwɔ̨n ɉu, nɛ̨́n yɛ kanąn nɛ̨́ŋɛ̨-nɛ̨ŋɛ̨ mu, yáá náá kámą la pɔlɔkpɔlun ɉu.


Elise ə nwoo pulu pənə yɛ mą: «Lí ə́ mo mą, gaa kiɛ pai ɓaloi. Kɛlaa, Yai-Laa aa nɛ mą́ą́ yɛ gaa pai haai a haa kpəlee.»


'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!


'Ká gɛ a nɛlɛɛ yilɛɠaa ti mąą mɛ̨nį ɓa, ka gɛ a nɛlɛɛ nɛɛ góló ɲɔ̨nwɔ̨ɔ̨ kɛ nuą tii mąą mɛ̨nį ɓa, 'ká gɛ a nɛlɛɛ, nɛɛ kɛ́nɛ̨lɛai ti mąą mɛ̨nį ɓa.


Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.


Aramə tɔɔmun Hazaɛlə ə hee Israɛlə nuą mɛ̨i Yoakazə nwɔ yɛnɛ̨ɛ̨ kəlee hu.


Swiv nou:

Piblisite


Piblisite