Tɔɔɓɛlaa veelɛ 7:5 - Yálá laawoo hɛɓɛ (dc)

⁵ Di həɠə laa hvitili pui lɔwai, diɛ li Aramə nuą di wɔ kɔ́ɓuwui la. Di həliɛ muwu la, di nąą hu hiɛ, di hvo nu ta kaa.

Yálá laawoo hɛɓɛ

⁵ Di həɠə laa hvitili pui lɔwai, diɛ li Aramə nuą di wɔ kɔ́ɓuwui la. Di həliɛ muwu la, di nąą hu hiɛ, di hvo nu ta kaa.

Bible

⁵ Maa ɣele-wulii tí, zinâa náaŋ dí dímu sìɣe dí lí Siria-ŋai dí ƃûui su. Tãi dí sèri la mûui sui, dífe núu tɔnɔ kpîŋ da káa ní naa,

Tɔɔɓɛlaa veelɛ 7:5 Referans Kwoze

Dutɛrɔnome 28:7

«Ɓɛlɔwai ka yowoɠaa da di muhəɠə la diɛ pɛlɛ kaa a kɔ́, Yai-Laa ka wɔ Yálái a di too ka kɔ́wɔ mu. Di kaa pai pai a pələ tɔ̨nɔ̨ diɛ wolo kaa, kɛlaa da pu ka tɔwɔ diɛ li a pələ mɛ̨ihveelɛ tee-tee.

Izikiɛ 12:12

Dɔɔmun tii di lɔwai, gaa pai tiɛ̨ laai galan ŋą; gaa pai kulɔi kwii hąą daa mąąkpɛ hį́i wolo ɓa pələ. Di gbɛa wolo ɓɔ laa, dɛɛ mɛ̨nį ɓa lɔ. Gaa pai həɠə pɛlɛi nwun mɛ̨i, hvo pa lee nɔi kaa a ɲɛ̨i kɔ́w.

Samuɛlə dɔlɔɔ 30:17

Davidə ə pɛlɛ di paa ɓa, ə həɠə yələ ɓoɔ ɓa, ə lɛɛ maa ɉu yələ wului pɔ; nu ta hvo kulɔ ɉu, ə kulɔ laŋaa nwun nąąn bulu, di tɛ ɲɔ̨nwɔmɛɛɠaa mɛ̨i, di pu.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Levetekɔ 27:26

«Nu hva pɛli nwɔ taatɛlɛɛ lon dɔlɔɔ laakwɛlanmoi, gɛɛ mɔ̨ɔ̨ a non dɔlɔɔ, Yai-Laa nwɔɔ li a bɔlɔ, ə kɛ a nįŋɛ̨, ə mą kɛ a taatɛlɛɛ pɛlɛɛ ta.

Levetekɔ 27:8

«Nu ta a kɛ a yeehvowolomun, ɲee a wala pɛli yii di vaa ɓo mą, nui ə naakwɛlanmo, a paa la ɉaláá laa həli mun nííla, yili ə wali ta hvaa ɓo mą, yɛ bələi nui tii nwɔ yee pɛli mąą kaa la.

Tɔɔɓɛlaa veelɛ 7:4

Gwa kɛ gu kaa lɔi daa kwəi, bulu kaa laa, gaa pai gu paai, gwa lɛɛ nwɔ̨nɔ̨ ɓɛ heeni, gu kaa pai haai. Ka gwə li Aramə nuą di wɔ kɔ́ɓuwui la, da gu nɔ̨ɔ̨ lɛɛ gu hu, gwa ɓalo, da gu paa nwɔ̨nɔ̨, gu haai lɔ li.»

Tɔɔɓɛlaa veelɛ 7:6

Yai-Laa ə kɔ́ kɔ́ wotoloɠaa da hooɠaa tín dɔɔ Aramə nuą di wɔ kɔ́ɓuwui la, da kɔlaɠa kɛnɛ̨ tín. A ya ɓə, Aramə nuą da kɛ di kee ɓa: «Israɛlə tɔɔmun aa Hɛtə tɔɔmun, da Eziptə tɔɔmun di həɠə, diɛ pa pɛlɛi guɔ a kɔ́.»