Tɔɔɓɛlaa veelɛ 6:8 - Yálá laawoo hɛɓɛ (dc)

⁸ Kɔ ə kɛ Aramə tɔɔmun da Israɛlə di lɔwai, ɓɛlɔwai Aramə tɔɔmun da nwɔ kɔ́kulááɠaa da di nwɔ nwun dɔɔi kɛ la, diɛ kɛ mą: «Ka gwə li gu gɔ́laɠa pɛlɛ ɓɛ yii!»

Yálá laawoo hɛɓɛ

⁸ Kɔ ə kɛ Aramə tɔɔmun da Israɛlə di lɔwai, ɓɛlɔwai Aramə tɔɔmun da nwɔ kɔ́kulááɠaa da di nwɔ nwun dɔɔi kɛ la, diɛ kɛ mą: «Ka gwə li gu gɔ́laɠa pɛlɛ ɓɛ yii!»

Bible

⁸ È kɛ̀ a tãi da, Siria kaloŋ è kɛ̀ kɔ̂i Eezuɛ pɔ́. Tãi è kɛ̀ lônoi la ŋɔkɔ-kuluƃa-ŋai mɛi-ƃelai pɔ́i, è mò ǹyɛɛi, “Ŋa pâi ŋáƃûui pûi kwaa kɛ́ɛ ŋí, kɛ́ɛ ŋí ma.”

Tɔɔɓɛlaa veelɛ 6:8 Referans Kwoze

Azaya 8:10

'Ka mɛ̨nį kili tee ka kwəi, ɉu kaa pai kalai; 'Ka mɛ̨nįɠaa ɓo, Kɛlaa, gəlee da lɛɛ a kpɛli, mąąhɔlɔɓo, Yálá kaa ku pɔ.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Hanwon 20:18

Ə́ kɛ kolóɠaa mąą kiliŋąlaa kɛ kpɔ a nɛlɛɛ, ə́ kaa pai kɛa lɛɛi ə́ kpɔwɔ ɓa, ɛlɛɛ, ə́ ə́ wɔ kɔ́i kɔ́ a ə́ kili.

Tɔɔɓɛlaa veelɛ 6:24

Lɔwai tamąą tɛɛ pulu, Aramə tɔɔmun Bɛn-Hadadə ə nwɔ kɔlaɠaɠaa kəlee ŋąąkpɔn, dəli di Samari taa mąątínɛ̨n.

Tɔɔɓɛlaa dɔlɔɔ 22:31

Yaan, Aramə tɔɔmun nwɔ kɔ́kuláá pow haaɓa kɔ́w hveelɛi ŋɛ̨i kɛ nwotoloɠaa hu, ə mo diɛ yɛ diɛ; Lii ka káá moi, ka mo gɔ́kuláá pɛlɛɛɠaa diɛ, ə mą kɛ gbɛa kpɛa. Ka wolo lɔ Israɛlə tɔɔmun ma.

Tɔɔɓɛlaa dɔlɔɔ 20:34

Bɛn-Hadadə yɛ mą: «Daaɠaai ną́n ə ɉəɠə ə́ nąn ɲəi, pənə ə́ gəlee həɠə. Ya pɛli ə́ ə́ wɔ lɔwɔ́tɔɔ pɛlɛ́ɠaa tɔɔ Damasə, yɛ bələi ną́n ə kɛi gɛ la Samari.» Akabə yɛ mą: «Mįnɛ̨i ŋɛ̨i gwa yɛ́ gu kaa ɉəɠəi, ɉaalai, gáá ə́ lɛɛi laa ə́ li.» Bɛn-Hadadə da Akabə di mįnɛ̨ həɠə, ə nɛɛ laa ə li.

Tɔɔɓɛlaa dɔlɔɔ 20:23

Aramə tɔɔmun bɔ nuą di mo mą, diɛ mą: «'Nuąi tii di wɔ Yálái kaa a yee hu Yálá, yili ɓə gɛ di yee yɛ tɛɛ la guɔ; gu kɔ́ pɛlɛ kɛa diɛ nɛ̨ŋɛ̨ hu. Ku laai na kuɔ gu yee a kiɛ tɛɛ diɛ.

Tɔɔɓɛlaa dɔlɔɔ 20:1

Aramə tɔɔmun Bɛn-Hadadə ə nwɔ kɔ́kulááɠaai kəlee ɲąąkpɔn, da tɔɔɓɛlaa pow haaɓa kɔ́w hveelɛ, da nwɔ kɔ́ hooɠaa, da gɔ́ kɔ́ wotoloɠaa. Ə li ə Samari mąątínɛ̨n a kɔlaɠa.

Tɔɔɓɛlaa veelɛ 6:7

Elise yɛ mą: «'Ɉəɠə!» Ɉulɔnui tii ə ɉəɠə.

Tɔɔɓɛlaa veelɛ 6:9

Yálá nwɔ nui a li ə ɉukulɔ Israɛlə tɔɔmun mą, yɛ mą: «Hvo kɛ ə́ kaa lii bələ yii ŋɛ̨i pɔ pələ, mąąhɔlɔɓo, Aramə tɔɔmun a nwɔ kɔlaɠai pɛlɛ laa.»

Tɔɔɓɛlaa dɔlɔɔ 22:1

Kwɛlan veelɛ yee mu, liilaa ə kɛ nɔi, kɔ́ hvo kɛ Aramə lɔi da Israɛlə lɔi di lɔwai.