Tɔɔɓɛlaa veelɛ 6:33 - Yálá laawoo hɛɓɛ (dc)

³³ Elise ə lɛɛ lɔ moi, tɔɔmun ŋą kɛlai yɛ pa. Yɛ Elise ɓa: «Mɛ̨nį ɲąąnwąnąą ŋɛ̨i naa kuɔ, Yai-Laa ɓə ə həɠə bɔ, lə ɓə kɛa ŋą́ pɛli kílitɔɔi mą Yai-Laa yəi?»

Yálá laawoo hɛɓɛ

³³ Elise ə lɛɛ lɔ moi, tɔɔmun ŋą kɛlai yɛ pa. Yɛ Elise ɓa: «Mɛ̨nį ɲąąnwąnąą ŋɛ̨i naa kuɔ, Yai-Laa ɓə ə həɠə bɔ, lə ɓə kɛa ŋą́ pɛli kílitɔɔi mą Yai-Laa yəi?»

Bible

³³ Tãi Ilasa è kɛ̀ nîi lônoi la dí pɔ́i, ŋ̀orɛ̂-woo ƃó-nuui è pà bɔ́. È mò mà ǹyɛɛ, gâloŋ ǹyɛɛi, “Mɛni kpɔ̂lui ŋí a kulâi Yâwɛɛ yêei. Ŋa pâi kɛ̂i nɔ́ Yâwɛɛ maa kpɛnîi nîi lé mɛni ma?”

Tɔɔɓɛlaa veelɛ 6:33 Referans Kwoze

Zôo 2:9

Ɉobə nɛ̨ą yɛ mą: «Ə́ kaa lɔ pai lɛɛi ə́ wɔ túwɔ́ pələ lɛlɛi ŋɛ̨i ɓa a hvóló kəlee? Yálá nɛ̨ŋɛ̨n naa, ə́ haa tɔ́nɔ̨!»

Azaya 8:21

Di kaa pai nɔi hu ɓɔi, mɔ̨nɔ̨ həɛ di mɛ̨i, pulu ə ɓo diɛ, pulu a di lii yali di kwəi, diɛ di wɔ tɔɔmun da di wɔ Yálái nɛ̨ŋɛ̨n naa; di kaa pai di ɲɛ̨i heei yələi pələ;

Korɛntə veelɛ 2:11

Mąą hvo nɛ̨ɛ̨li, gu hvo gu kpɔwɔ lɛɛ laa ɓilihi hvo gu ɓowo, hvo gaai, gwəi kiliɠaa di hvo loo li guɔ.

Korɛntə veelɛ 2:7

Viɛlaɓoɔi ká mąąhvaalɛɛ, ká niilaa, ə gɛ, niiɲą hvo pa nəi nwąną hvo tɛɛ ɲɛ̨n ɉu.

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Ɉeremi 2:25

Gɛ a nɛlɛɛ Israɛlə! Yáá kɛi gilɛ taaləi ŋɛ̨i həɠə, ə́ kaa pai ə́ kɔ́wɔ teei; ə́ kwąną kaa pai kpalai. Kɛlaa, ya ka tii, yɛ́ diɛ: «Máá kpaan və ɉu, nwɛ̨ąą ɓə di wɛli kaa mą́ą́, diɛ ɓə vílɛn ŋąą di pulu a gilɛ.»

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Hanwon 19:3

Nu nwɔ ɓowo ɓə a nąn, a kɛ tii Yai-Laa ɓə mąą nu a níiholi bɔ.

Mąątɛ̨nɛ̨ 62:5

Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Mąątɛ̨nɛ̨ 37:9

Mąąhɔlɔɓo, di kaa pai mɛ̨nį ɲɔ̨n gɛ nuą kulɔi a di nwun, Kɛlaa nuąi di kilitɔɔ Yai-Laa ɓa, nɔi kaa pai lɛɛi a di wɔɔ.

Mąątɛ̨nɛ̨ 37:7

Yá kɛ Yai-Laa kwɛlɛ, 'kɔlɔhaa yɛ́! Ə́ kilitɔɔ mą; 'ə́ líi hvo kələn ə́ kwəi nui ɲeepɔɔ kaa lɛlɛi bɔ, da nui gbąną-gbąną mɛ̨nįɠaa kɛi.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Zôo 2:5

Kɛlaa, gɛ́ lɔ ə́ hvaa mą, mɛ̨nį ta ə həli gbinį ɓa a nwąnąą, yɛ həli gɔw ɓa; gu mąn doo a hea, gaa pai ə́ nɛ̨ŋɛ̨n naa ə ɲɛ̨i ɓa.»

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Zôo 1:11

Kɛlaa, ɉɛnŋąą tii ɲəi, hvaa lɔ mąą di kala, a tɛ̨ą kpɔ-kpɔɔ, gɛ́ diɛ: Gaa pai ə́ nɛ̨ŋɛ̨n naai ə́ ɲɛ̨i kwəleen ma.»

Samuɛlə dɔlɔɔ 31:4

Ya ɓə, Saulə a kɛ nwɔ ɓíítiɛ̨i ɓa: «'Ə́ wɔɔ ɓɔwai kulɔ daai, ə́ gbə́li paa, əgɛ, gɛ́nɛ̨ kpolɔwaɠaa ŋɛ̨i di hvo pa di nɔ̨nwɔ̨ lɔ mą́ą́.» Kɛlaa, nwɔ ɓíítiɛ̨i hvo gɛ, mąąhɔlɔɓo ə kɛi ɲɔw. Saulə yaa kpįnįi, ə mowa kwɛa həɠə ə lɔ ɲą.

Zɛnɛse 4:13

Kain yɛ Yai-Laa ɓa: «Gahoi ŋɛ̨i yaa naa mą́ą́, nwiai, vá pɛli mu.

Izikiɛ 33:10

«'Ə́ wəli tɔɔ, hulɔnu lon, 'mo Israɛlə nwɔ pɛlɛ́i ɓa, yɛ́ mą: Ka kɛ kɛi diɛ; ku wɔ nɛ̨ŋɛ̨nŋaa da ku wɔ kulɔ nwoo mu laa kaa ku nwuɔ̨ yili mąą mɛ̨nį ka ŋɛ̨i ku kaa luwun ɉii la, ku kaa pai ɓalo pələ kɛi ləi?

Tɔɔɓɛlaa veelɛ 7:1

Elise yɛ mą: «Ka ka wəli tɔɔ Yai-Laa woo ɓa, mɛ̨nįi Yai-Laa ə mo ya ka: ‹Tínąą ɓɛlɔwai, Samari ɉį́i la, di kaa pa lɛɠɛ hunwɔ̨ kilə pow kɔ́w hveelɛ ɲai a wali kwələ tɔ̨nɔ̨, di kpai kilə pow hveelɛ kɔ́w nąąn ɲa a wali kwələ tanɔ̨n.›»

Tɔɔɓɛlaa veelɛ 3:10

Israɛlə tɔɔmun ə tomą, yɛ mą: «Ee! Akɛti Yai-Laa ə dɔɔɓɛlaa haaɓai ŋɛ̨i ɲąą kpɔn di lɔ mɛ̨nį ɓa Moabə yee ŋą?»

Zôo 15:13

Yɛ́ ə́ liiholi Yálá pɔ, woo kpɛa kpɛa diɛ kulɔ ə́ la?

Woolaa 3:37

Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Woolaa 3:39

A kɛ tii, nu a kɛ yɛnɛ̨ɛ̨, lə mɛ̨ni kpɔ ɓə nu a pɛli nwoolaai ɉu? Nu kəlee ə nwoolaa gbɔwɔ kɛ hɔn mąą mɛ̨ni ɓa.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?