Tɔɔɓɛlaa veelɛ 6:12 - Yálá laawoo hɛɓɛ (dc)

¹² Gɔkuláá tɔ̨nɔ̨ yɛ mą: «Nwɔ́ mɛ̨nį nąmu tɔɔmun, yili mąą nu ta hvo ku lɔwai. Kɛlaa, Elise ŋɛ̨i a Yálá kwəi mɛ̨nį hukulɔ mun Israɛlə lɔi hu, ya ɓə a kɛ mɛ̨nįi tii kɛi, ɉə kaa mą, wooɠaa kpɔ yá kɛ moi ə́ yəi bɛlɛ́n ə́ laai lɔwai, ə gəlee hukulɔ Israɛlə tɔɔmun mą.»

Yálá laawoo hɛɓɛ

¹² Gɔkuláá tɔ̨nɔ̨ yɛ mą: «Nwɔ́ mɛ̨nį nąmu tɔɔmun, yili mąą nu ta hvo ku lɔwai. Kɛlaa, Elise ŋɛ̨i a Yálá kwəi mɛ̨nį hukulɔ mun Israɛlə lɔi hu, ya ɓə a kɛ mɛ̨nįi tii kɛi, ɉə kaa mą, wooɠaa kpɔ yá kɛ moi ə́ yəi bɛlɛ́n ə́ laai lɔwai, ə gəlee hukulɔ Israɛlə tɔɔmun mą.»

Bible

¹² Siria kaloŋ ŋɔnûai è kɛ̀ lônoi dí pɔ́i, dɔnɔ è ŋ̀óo su tòo ǹyɛɛ mai, “Ŋánuu-namui, kú ta fêi, kɛ́lɛ Ɣâla ŋɔlóno kɛ́-nuui Ilasa ƃè nyii gáa Eezuɛi. A mɛnii kélee ƃò Eezuɛ kaloŋ ma nyii-ŋai ƃa mò íloŋpoi sui.”

Tɔɔɓɛlaa veelɛ 6:12 Referans Kwoze

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Azaya 29:15

Kpalo ɓɛlaai nuąi tii diɛ, diɛi da kɛ mɛ̨nįɠaa kɛi loo pələi, diɛ di wɔ mɛ̨nįɠaai loo Yai-Laa ɓa; diɛ di wɔ lɔwɔi tɔɔ kpiníi, di woo laa diɛ nąąlɔwai: «Gbɛɛ ɓə ku kaai, ɛlɛɛ, gbɛɛ ɓə ku kɔ́lɔn?»

Ikilisiati 10:20

'Hvó kɛ ə́ kaa tɔɔmun nwɔ tɔɔlaa mąąkulɔi, ə mą kpɛli kɛ ə́ tɔ̨nɔ̨ kɛɛnąą. 'Hvó kɛ ə́ kaa hɛn gɔw nąmu laa ɲɔ̨nwɔ̨ɔ̨ ɓoi, ə́ mą kpɛli kɛ ə́ laa ə́ yəi bɛlɛ́n gbin ɲą. Mąąhɔlɔɓo, nu pɔɔ ɓaa a pələ, ə́ pɔɔ hvaa a gɛlɛ.

Tɔɔɓɛlaa veelɛ 5:3

Yələ ta, nɛ̨ɛ̨non tii yɛ neenɛ̨ą ɓa: «Ŋį́ mo kɛ néénɛ̨ą a pɛli lii Yálá kwəi mɛ̨nį hukulɔ mun ŋɛ̨i Samari daai, ə həli mąi, a pɛli mą kɛ ə malo, ə gulɔ volóɲɔ̨n tii yəi.»

Tɔɔɓɛlaa veelɛ 5:8

Ɓɛlɔwai Yálá nwɔ nu Elise ə bələ mɛ̨n na, diɛ kɛ Israɛlə tɔɔmun aa mąą həɠə hu ɓɛla a liiholi, ə wɛlɛɛ tɔɔ tɔɔmun pɔɔli, yɛ mą: «Lə mɛ̨nį ɓa ə́ ə́ mąą həɠə hu ɓɛla? Naaman lɛɛ laa ə pa ə həli mą́ą́, gaa pai gɔlɔn ɉii yɛ Yálá kwəi mɛ̨nį hukulɔ mun gaa Israɛlə lɔi hu.»

Lɛɛ gbɔwɔ ɓa 8:3

Bənən gɛ nuąi diɛ kpɛli, di gbəŋəɠaa kulɔ, ə hiɛ Eziptə lɔi nąą kəlee.

Tɔɔɓɛlaa veelɛ 6:11

Mɛ̨nįi tii ə Aramə tɔɔmun gwəi pili mą, yili ə nwɔ kɔ́kulááɠaai təli, yɛ diɛ: «Akɛti, nu ta hvo ka lɔwai da Israɛlə tɔɔmun di tɔɔ?»

Tɔɔɓɛlaa veelɛ 6:13

Aramə tɔɔmun yɛ nwɔ kɔ́kuláá taɠaa diɛ: «'Ka li, ɓɛi gaa laa, ka nąą kaa, ŋą́ pa nuą tɔɔ də li di ɉon.» Gɔkulááɠaa diɛ mą: «Gaa Dotan.»

Tɔɔɓɛlaa veelɛ 5:26

Kɛlaa, Elise yɛ mą: «Ɓɛlɔwai hulɔnu ta ə kulɔ la nwɔ wotoloi hu, yɛ pa ə́ laakwiɛn ɉii, gaa ə́ kwəi nį́i hvo kɛ laa? Gaa ə́ kwəi wali hon ɉii lɔwai ɓəi, da həɠəɠaa, ɛlɛɛ, olivə da viɲə, ɓɛlaa da nįŋɛ̨ŋąą, luwɔ hinąą da luwɔ nɛ̨ąą, da hon ɉii lɔwai hvəi.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Azaya 8:10

'Ka mɛ̨nį kili tee ka kwəi, ɉu kaa pai kalai; 'Ka mɛ̨nįɠaa ɓo, Kɛlaa, gəlee da lɛɛ a kpɛli, mąąhɔlɔɓo, Yálá kaa ku pɔ.