Tɔɔɓɛlaa veelɛ 5:14 - Yálá laawoo hɛɓɛ (dc)

¹⁴ Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Yálá laawoo hɛɓɛ

¹⁴ Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Bible

¹⁴ Nya ƃe Neema è lì é tóo Zɔdiŋ Ya-leei su gîei lɔ́ɔlu mɛi feerɛ, yɛ̂ɛ berei Ŋ̀âla-naloŋ è mò la mài. È ƃàlo ŋɔkpono ma kɔlɔ-fela nyɔ́mɔɔi yêei, gɔlɔ ma é kɛ́ nɛ̃ɛ-nɛ̃ɛ yɛ̂ɛ lôloŋ.

Tɔɔɓɛlaa veelɛ 5:14 Referans Kwoze

Zôo 33:25

Akɛ ti, gɔlɔ a pənə ə kɛ yɛ, nąŋą yələ, ə pənə ə kɛ yɛ bələi ə kɛ la a muhəɠə yələ.

Lukə 4:27

Elise nwɔ lɔwai tii hu lɔ nwɔ̨nɔ̨, hvólóɲɔ̨n gɛ nuą tamąą di kɛ Israɛlə lɔi hu, kɛlaa yaamun, hvo dɔ̨nɔ̨ kpɛli kɔ́lɔi pono, hvo kɛli Siri mun ŋɛ̨i di kɛi kɛ nąą ɓa: Naaman; yaa ŋɛ̨i həɠə lɔi takpɛli hu, yaa lɔ ɓə Elise ə gɔlɔi pono.»

Lukə 5:13

Jesus ə ɲee pɛlɛ mą, yɛ mą: «Váái ma gɛ́ ə́ kɔ́lɔi ə pono», ə́ mąą ə həɠə. Ɲąąɓa, volóɲɔ̨n tii ə kpɛɛ kpɔlɔ tii ɉulɔnui tii ɓa.

Zakari 14:8

Mąą yələi tii, yá nwun gulɔiɠaa kaa pai kɛi Ɉerusalɛmə, bələ tɔ̨nɔ̨ yɛ li voló kulɔi bələ gboloyá hu, bələ tɔ̨nɔ̨ yɛ li voló tooi bələ gboloyá hu; gaa pai kɛi lɔ tii a hvóló laa teɛ, da hamą lɔɔ.

Ɉaan 2:5

Jesus nee yɛ tii diɛ: «Yii a ka tii la, ka yili kɛ.»

Tɔɔɓɛlaa veelɛ 5:10

Elise ə wɛlɛɛ tɔɔ, yɛ Naaman ɓa: «'Lí ə́ ə́ waa Ɉurdɛn hu gee mɛ̨i mɛ̨ihveelɛ, ə́ kɔ́lɔ a lɛlɛ, ə́ mąą ə həɠə.»

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Zôo 31:13

Akɛ, ŋą́ą́ ta nwɔ́ luwɔ hilɛ ta, a wala kɛ ti, nwɔ́ luwɔ nɛ̨ɛ̨nu ta nwɔ tɛ̨ą mɛ̨nį kpəlaan mɛ̨nį ɓo ta hui,

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Lɛɛ gbɔwɔ ɓa 4:7

Ə pənə yɛ Moisə ɓa: «'Pənə ə́ ə́ yee pɛlɛ ə́ lii pɔ.» Moisə ə ɲee pɛlɛ nii pɔ, gɛɛ ɲee həɠəi nii pɔ, ɲee ɲąą ə pɛli a nɛlɛɛ, yɛ bələi tii mɛlan ə kɛ la.

Levetekɔ 13:58

«Yii ɓaa həɠə ɓɛla, ə kɛ a yiihəɠə, ə kɛ a hɛn lɔpee gaa a huwɔ kɔ́lɔ, da nwaa, ɉɛn tii bɔɔ ə kɛ ɉu a kulɔ ɉu, da pənə nwɔ̨nɔ̨ di nwaa, a kɛ tii tɔ́n aa kulɔ mą.»

Zasua 6:4

Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Tɔɔɓɛlaa dɔlɔɔ 17:16

Ə həɠə ɲələi tii ɓa, nɛɠɛ hunwɔ hvo kpɛɛ nəɠi hu, nwulɔ mąą hvo yɛɛ múluun ɉu, yɛ bələi Yai-Laa ə mo la Eli ɓa, yili yɛ ɉukulɔ.

Tɔɔɓɛlaa veelɛ 4:35

Yili pulu, Elise ə həɠə gbin ŋą, ə hvilɛn yɛ tɛɛ tɛɛ ɓo bɛlɛ́n, ə pənə ə tɛ, ə pɛlɛ nokoloi mɛ̨i. Ə kɛ lɔ tii, nokoloi ə tíhoo haɠa gee mɛ̨i mɛ̨ihveelɛ, ə ɲɛ̨i həɠə mą.