Tɔɔɓɛlaa veelɛ 5:10 - Yálá laawoo hɛɓɛ (dc)

¹⁰ Elise ə wɛlɛɛ tɔɔ, yɛ Naaman ɓa: «'Lí ə́ ə́ waa Ɉurdɛn hu gee mɛ̨i mɛ̨ihveelɛ, ə́ kɔ́lɔ a lɛlɛ, ə́ mąą ə həɠə.»

Yálá laawoo hɛɓɛ

¹⁰ Elise ə wɛlɛɛ tɔɔ, yɛ Naaman ɓa: «'Lí ə́ ə́ waa Ɉurdɛn hu gee mɛ̨i mɛ̨ihveelɛ, ə́ kɔ́lɔ a lɛlɛ, ə́ mąą ə həɠə.»

Bible

¹⁰ Ilasa è worɛ̂ woo ƃó-nuu tɛ̀ɛ Neema pɔ́ naa é mó mà ǹyɛɛi, “Lí í íwaa gîei lɔ́ɔlu mɛi feerɛ Zɔdiŋ Ya-leei su. Gɛ̀ ní ƃa pâi ƃâloi í kɔlɔ-felai yêei íkpono mâ é kɛ́ nɛ̃ɛ-nɛ̃ɛ.”

Tɔɔɓɛlaa veelɛ 5:10 Referans Kwoze

Ɉaan 9:7

Yɛ mą: «'Li, ə́ ə́ waa Siloe bówa hu.» Siloe mukulaa ɓaa: «Di dɔɔ.» Ɲɛ̨ipumun tii ə li ə nwaa, gɛɛ pənəi yɛ pa, ɲɛ̨i hvolonŋąą.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Levetekɔ 14:7

Yili pulu, nui ŋɛ̨i mąąnɛ̨ɛ̨ di mąą waa volóɲɔ̨n ɲəi, di da kpɛŋɛn mą, gee mɛ̨i mɛ̨ihveelɛ. Ə mo kɛa yɛ diɛ tɔ́n və mą, ə ɓo nwɛ̨ni hului tii ɓa ə li.

Tɔɔɓɛlaa veelɛ 5:14

Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Tɔɔɓɛlaa veelɛ 4:41

Yálá nwɔ nui yɛ diɛ: «Ka pa a lɛɠɛ hunwɔ̨!» Ə lɛɠɛ hunwɔ̨i tii ta həɠə, ə bu nəɠi, yɛ diɛ: «'Ka ɲąąkwɛlɛ nuą diɛ di mįi.» Gɔ̨nɔ̨n tii ə kə kɛa a mįi hɛn.

Zasua 6:4

Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Lonon mo 19:19

Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Lonon mo 19:4

Ɉaláá laa həli mun a nįŋɛ̨ haai tii ɲąmą ta həɠə a ɲee kpuɔ, ə daɠaa gee kaa kələ ɲɛ̨i lɛlɛi ɓa pələ gee mɛ̨i mɛ̨ihveelɛ.

Levetekɔ 16:19

A ɲąmą ta taɠa a ɲeekpiɛ ɉaláá kulɔi kəhi mɛ̨i gee mɛ̨i mɛ̨ihveelɛ, yɛ nąą mąąhəɠə la Israɛlə lonnii di wɔ nɛ̨ŋɛ̨n di ɉəɠə mąą mɛ̨nį ɓa.

Levetekɔ 16:14

Ə ɲee lɔ nįŋɛ̨ ɲąmąi tii hu, ə daɠa gəhi laa kalan mɛ̨i voló həɠəi pələ da gəhi laa kalan ɲɛ̨i tɔwɔ pələ gee mɛ̨i mɛ̨ihveelɛ.

Levetekɔ 14:51

Di gbitili kwɛi tii həɠə da isopə kpaɠa, da ɉəɠə ɓɛla kpɔlui tii bɛlɛɛ nwɛ̨ni kpəli hvúlu ɓa, ə di lɔ nwɛ̨ni ɲąmą hu ɲái, ə da taɠa gee mɛ̨i mɛ̨ihveelɛ bɛlɛ́ ɓa.

Levetekɔ 14:16

ə mamįiyee kpiɛ bələ kəleen nɔ nwulɔi tii gɔɓɛ yee ɲą ɉu, ə nwulɔ taɠa a ɲeekpiɛ Yai-Laa lííla gee mɛ̨i mɛ̨ihveelɛ.

Tɔɔɓɛlaa veelɛ 3:16

yɛ diɛ, mɛ̨nį Yai-Laa ə mo ya ka: «Ka yálɔwa tamąą tee moloon ŋɛ̨i hu,

Tɔɔɓɛlaa veelɛ 2:21

Elise ə kulɔ ə li ɲá nwun gulɔi pələ, ə gboloi tii taɠa laa yɛ mą: «Yai-Laa yɛ diɛ: ‹Ŋą́ą́ ɲái ŋɛ̨i mąąhəɠə, hvo kɛa pai nu ta paai, gaa pai nɔi lɛlɛi hihɛnŋąą diɛ.›»

Tɔɔɓɛlaa veelɛ 5:9

Naaman ə pa a nwɔ wotoloɠaa, da nwɔ hooɠaai ə di tɔɔ Elise yəi bɛlɛ́ laaləi.

Tɔɔɓɛlaa veelɛ 5:11

Naaman ə níiholi, ə tɛɛ yɛ li, yɛ mą: «Ə kɛ kpɛli gwə́i gaa pai kulɔi ə tɔɔ ɲəi bɛlɛ́ laaləi ə nwɔ Yálái Yai-Laa hvɛli, ɓɛɠaai ɲɔ̨n gaa laa, ə ɲee hiɛ nąąɠaa, ə volóɲɔ̨n ŋɛ̨i həɠə mą́ą́.

Lɛɛ gbɔwɔ ɓa 4:18

Moisə ə bulu pənə ə li mɔlɔ́ Ɉetro pɔ yɛ mą: «Hvo kɛ li ŋį́ bulu pənə ŋį́ li gááyɔwɔɠaa pɔ, diɛi di kaa Eziptə lɔi hu, ə gɛ, ŋį́ di mɛ̨i kaa, akɛ di kaa ni a di hvulú.» Ɉetro yɛ Moisə ɓa: «'Li, ə́ hiɛ ə nɛ̨ɛ̨.»

Levetekɔ 13:58

«Yii ɓaa həɠə ɓɛla, ə kɛ a yiihəɠə, ə kɛ a hɛn lɔpee gaa a huwɔ kɔ́lɔ, da nwaa, ɉɛn tii bɔɔ ə kɛ ɉu a kulɔ ɉu, da pənə nwɔ̨nɔ̨ di nwaa, a kɛ tii tɔ́n aa kulɔ mą.»

Tɔɔɓɛlaa veelɛ 4:35

Yili pulu, Elise ə həɠə gbin ŋą, ə hvilɛn yɛ tɛɛ tɛɛ ɓo bɛlɛ́n, ə pənə ə tɛ, ə pɛlɛ nokoloi mɛ̨i. Ə kɛ lɔ tii, nokoloi ə tíhoo haɠa gee mɛ̨i mɛ̨ihveelɛ, ə ɲɛ̨i həɠə mą.

Ɉaan 5:4

Mąąhɔlɔɓo, nąąlɔwai a ɉəli mą, Yálá nwɔ malaka ə kɛi yɛɛ ɲai, yɛ ɲa tumo. Nu tɔlɔɔ a too ɲái, ɲá tumoɔ pulu, ɲɔ̨n kpɔ gaa mą, a kpɛɛ.