Tɔɔɓɛlaa veelɛ 4:13 - Yálá laawoo hɛɓɛ (dc)

¹³ Elise yɛ nwɔ tímun mą: «'Mo mą yɛ mą: ‹Yá ku mąąwiɛ a yələ kəlee, lə kpɔ ɓə gwa pɛli gɛi yɛ́? Ə́ kaa ɓo ŋą́ ə́ mąą mɛ̨nį lɛlɛɛ ɓo tɔɔmun ma, a wala kɛ tii gɔlaɠa nwun nąmu?.›» Nɛ̨ɛ̨nui tii yɛ mą: «Kpaa-o! Liilaa kaa ɲə́i ɓɛ nwɔ́ nuą lɔwai.»

Yálá laawoo hɛɓɛ

¹³ Elise yɛ nwɔ tímun mą: «'Mo mą yɛ mą: ‹Yá ku mąąwiɛ a yələ kəlee, lə kpɔ ɓə gwa pɛli gɛi yɛ́? Ə́ kaa ɓo ŋą́ ə́ mąą mɛ̨nį lɛlɛɛ ɓo tɔɔmun ma, a wala kɛ tii gɔlaɠa nwun nąmu?.›» Nɛ̨ɛ̨nui tii yɛ mą: «Kpaa-o! Liilaa kaa ɲə́i ɓɛ nwɔ́ nuą lɔwai.»

Bible

¹³ Ilasa è mò ǹyée-mu-nuui ma ǹyɛɛi, “Mó mà, ‘Ƃa tɛɛ mɛni-kpɔ̂lu támaa su kú mɛni ma. Lé ƃé ŋa pɔ̂ri nâa gɛ̂i ímɛni mai? Kwa pɔ̂ri lônoi gâloŋ pɔ́ ímɛni ma kpaa máŋ gɔ-kûluƃa-ŋai mɛi-nuu kɛ́tɛi?’ ” Ǹɛnîi è zu tòo ǹyɛɛi, “Zɛŋ kélee ŋa ŋ̀wɛ̂lii, gáa ńyêei ŋánûai sáma.”

Tɔɔɓɛlaa veelɛ 4:13 Referans Kwoze

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Lomaŋ 16:6

Ŋą́ Mari tuwɔ ɓo, yai mɔ̨nɔ̨ tamąą mįi ka mąą mɛ̨nį ɓa.

Lomaŋ 16:2

'Ká ka yee hee mu gu Nąmu laa hu, yɛ bələi da gɛ la a nu mąąhəɠɛɛ; 'ká kpɔnmąą tɛɛ bɔ ganąn mɛ̨nįɠaa kəlee hu. Hvo gaai, yaa kpinįlee ti, aa kpɔnmąą tɛɛ nu tamąą pɔ, gəlee ə mą kɛ ŋą́ą́ Polə.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Samia Veerɛi 19:13

Ka káá a gááyɔwɔa, gu kaa a nu huwu tɔ̨nɔ̨. Lə mɛ̨nį ɓa, ka lɛɛ pulu, tɔɔmun bulu pənə mɛ̨nį hu, yɛ pa bɔɔli?›»

Tɔɔɓɛlaa veelɛ 9:5

Ə həli kpɔlɔɔ, ə Israɛlə nwun nąmįną kaa diɛ nwun dɔɔ kɛ. Yɛ diɛ: «Mɛ̨nį kaa ná, gɛ́ ŋą́ mo yɛ́ ną́mu!» Ɉehu yɛ mą: «Ku tamąą ŋɛ̨i ɓɛ, gbɛɛ ɓə?» Ɉulɔnon tii ə nwoo ŋąąpənə yɛ mą: «Yɛ́ ɓə ną́mu!»

Tɔɔɓɛlaa veelɛ 8:1

Ə kɛ a yələ ta, nɛ̨ɛ̨nui ŋɛ̨i ta Elise ə non nwun ə gulɔ haa yəi, Elise ə mo mą, yɛ mą: «Həɠə ɓɛ, ə́ li ka ə́ yəi bɛlɛ́n nuą, ka li ɓɛi yá bɛli ə́ heei hɔlɔɓoi laa. Mąąhɔlɔɓo, Yai-Laa kaa pai kwɛlan mɛ̨ihveelɛ pulu tooi ɓɛ nɔi.»

Tɔɔɓɛlaa dɔlɔɔ 2:32

Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Zɛnɛse 14:24

Və́ hɛn dɔ̨nɔ̨ kpɛli lɛɛ ɲə́i, hvo kɛ li nwɔ kulaaɠaai ŋɛ̨i kɔ̨nɔ̨n, yii ɓaa nuąi ŋɛ̨i kwa diɛni kwə li, diɛ ɓaa: Anɛrə, Ɛskɔlə da Mamre, di wɛi yii da kɛ bɔ da pɛli di ɉəɠə.»

Tɔɔɓɛlaa veelɛ 4:12

Yɛ nwɔ tímun Gehazi ɓa: «'Lí ə́ Sunamə nɛ̨ɛ̨nui tii təli ə pa.» Nɛ̨ɛ̨nui tii ə pa bɛlɛ́ laaləi.

Tɔɔɓɛlaa veelɛ 4:14

Elise yɛ Gehazi ɓa: «Lə kpɔ ɓə gwa pɛli gɛi nɛ̨ɛ̨nui ŋɛ̨i ɓa?» Gehazi yɛ mą: «Nɛ̨ɛ̨nui ŋɛ̨i, lon və mą, ɛlɛɛ, ɉilɛ yɛ ɓo a nu mąą pɔlɔɔ.»