Tɔɔɓɛlaa veelɛ 25:10 - Yálá laawoo hɛɓɛ (dc)

¹⁰ Kalde kɔ́kulááɠaai lɛɛ tɔɔmun mąąkpɛ nuą nwun nąmu pɔ, di kəlee di Ɉerusalɛmə mąąkpɛ hįi pu.

Yálá laawoo hɛɓɛ

¹⁰ Kalde kɔ́kulááɠaai lɛɛ tɔɔmun mąąkpɛ nuą nwun nąmu pɔ, di kəlee di Ɉerusalɛmə mąąkpɛ hįi pu.

Bible

¹⁰ Nyíti pôlu ma, Nebuzaradaŋ è mò Babelɔŋ-ŋai díkɔ-kɔ-ƃelai dîa a gɛɛ dí gala-ŋai wólo nyii kɛ̀ a dínaŋɔɔ Zerusâlɛŋ taa-leei mai, dí dóo ǹɔii ma.

Tɔɔɓɛlaa veelɛ 25:10 Referans Kwoze

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Ɉeremi 39:8

Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Ɉeremi 5:10

'Ka tɛ daa mąąkpɛ hįį mɛ̨i, 'ka bu. Kɛlaa ka hvo gəlee pu kpɔ tii tɛ̨ɛ̨tɛ̨ɛ̨?. Ka wɔ viɲəɠaai nwonwoɠaa kulɔ mą. Mąąhɔlɔɓo, hvo a Yai-Laa nwɔɔ.

Tɔɔɓɛlaa veelɛ 14:13

Israɛlə tɔɔmun ə Ɉuda tɔɔmun Amasiasə hon a kɔluwɔ Bɛtə-Sɛmɛsə daai, Amasiasə yai kɛ a Ɉoasə lon, ə ɓo a Akaziasə mąnįn. Yili pulu, Ɉoasə ə pənə ə pa Ɉerusalɛmə daa, ə Ɉerusalɛmə mąąkpɛ hį́i wolo, ɓɛi ə nąą wolo ə kɛ a yee laa mą nwun nąąn; ə həɠə Ɛfraimə kpon mą, ə həli ɓɛi ɉį́i nwąną a hee laa gee ɓa gbon na.

Mąątɛ̨nɛ̨ 79:1

Asafə nwɔ wələ woo. Ee Yálá! Hįi takpɛliɠaa daa lɔ ə́ kwɛlin nɔi hu, daa ə́ wɔ pɛ́lɛ́i mąąliɓi; daa Ɉerusalɛmə lɛɛ a taa kpoloon.

Mąątɛ̨nɛ̨ 144:14

Ku wɔ nįŋɛ̨ɠaai daa kpɛa kpɛaa, di hvo kɛa pɛlii wolo ɉį́i ɓa wɔlɔ woo hva kɛa tɔɔ ku wɔ taaɠaa hu!

Izikiɛ 33:21

Ku liɛ nuwɔlaa hu, gwɛlan bow gɔw hveelɛ, ɲąnin bow nwɔ hvóló nɔɔli yələ, nu ta ə pu, ə həɠə Ɉerusalɛmə, ə pa bɔ́, yɛ mą́ą́: «Daa daa hon a kɔ́!»

Dutɛrɔnome 28:51

Diɛ ɓə pai ka wɔ taatɛlɛɛɠaa lonnii mįi, da ka wɔ hihɛnŋąąi ɓá; ə lɛɛ ɉu ka huwu ə pu, di hvo pai ka wɔ mɔ̨nun ta lɛɛi ka yəi, ə mą kɛ da lɔɔ nįnɛ̨, da nwulɔ, da ka wɔ nįŋɛ̨ koonɛ̨aɠaa, da ka wɔ ɓɛlaa kɔ̨nwɔ̨leeɠaa, ə lɛɛ ɉu di ka kpɛɛ nɔi.