Tɔɔɓɛlaa veelɛ 24:4 - Yálá laawoo hɛɓɛ (dc)

⁴ Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Yálá laawoo hɛɓɛ

⁴ Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Bible

⁴ Ŋuŋ kpîŋ ƃa ǹûai è dí pàa nyii-ŋai dí sɔŋ fé kɛ́ ní zui. Yâwɛɛ fé kɛ́ ní pâi mɛnii ŋí su-mɛni lɛɛ̂i.

Tɔɔɓɛlaa veelɛ 24:4 Referans Kwoze

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Izikiɛ 33:25

Yili ma mɛ̨nį ɓa, 'kɛ diɛ: Mɛ̨nį kəlee ŋą Hééɓomun Yálá woo ka: Ka huwɔ mįi a ɲąmą, kaa ka ɲɛ̨i tinɛ̨n haliɠaa pɔ pələ, kaa lɔi kala mɛ̨nįɠaa kɛ, ya ɓə ka tɔɔ kaa kɛ diɛ nɔi kaa lɛɛi ka yəi a ka wɔɔ?

Woolaa 3:42

Kuɔ ɓə nɛ̨ŋɛ̨n ɉəɠə, kuɔ ɓə nwoo lɛɛ, yaan, hvo ku mąąwɛli kaa li.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 2:34

Mąąwɛli nuą da kwəi kwələ nuą, di ɲąmą aa kɔ́ ə́ mąą həɠəɠaa diɛ; ə́ mąą həɠə ɓa ɓə gaa ɲąmą kaai laa, və́ gaai daa mąąkpɛ hį́i wolo ɓa.

Mąątɛ̨nɛ̨ 106:38

Di kɛi kwəi kwələnuą ɲąmą pu, a di lon ɉinąą da nɛ̨ąą, di kɛi di kulɔ a haláá, Kanaan haliɠaa diɛ, nɔi mąą ə liɓi tii a ɲąmą laa pɔɔ.

Dutɛrɔnome 19:10

Bələi ka tɛɛ la, nui hɔn və mą, ka hva ɲąmą pu nɔi ŋɛ̨i Yai-Laa ka wɔ Yálái ə dɛɛ ka pɔ mą, yaai gaa a ka kwɛlin, bələ li. Ka wala gɛ tii, ɲąmąi tii nwulu a lɛɛ ka nwuɔ̨.

Lonon mo 35:33

«Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Tɔɔɓɛlaa veelɛ 24:5

Yoyakimə kɛ mɛ̨nįɠaa gbəli, mɛ̨nįɠaa kpɔ ə gɛ, kɛlɛi bɛ̨ɛ̨i Ɉuda tɔɔɓɛlaa kɛ mɛ̨nį hɛɓɛ́ hu-e!

Ɉeremi 15:4

Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Ɉeremi 22:17

Tɔnɔ mɛ̨nį lɔ ɓə ə́ ɲɛ̨i pɔ, da ə́ kili pɔ, da kwəi kwələ mun ɲąmą pu mɛ̨nį. Yɛ́ túwɔ́ a wea pələ da kɛɛ kala pələ.

Ɉeremi 32:31

Daai ŋɛ̨i aa níí holi, aa níí kələn gwə́i, ə həɠə háákələi ɓa, mąąnɛ̨ɛ̨ ŋį́ gulɔ ɲɛ̨́i mu.

Izikiɛ 24:6

Mąąhɔlɔɓo, Mɛ̨nį kəlee ŋą Hééɓomun Yálá yɛ: Ɲąmą pu taa nɛ̨ŋɛ̨n naai, gɛ pələ kaa yɛ kwɛli ləɠi yii ɓɛ̨nɛ̨ aa hee mą, ɛlɛɛ, di hva pɛli gulɔi ma. Ɉuɓo, yɛ́ ɉuwɔ kpuwulu kulɔ ɉu tɛi tɛi, hvo da lɛɛ ɉu, mąąhɔlɔɓo, hu yɛɠɛ hvo ɉu.

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Tɔɔɓɛlaa veelɛ 23:26

Pələi mɛ̨n ə kɛ la tii, Yai-Laa lii ŋɛ̨i Manase ə gələn gwəi Ɉuda lɔi hu, yii nąą kili hvo kpɛɛ Yai-Laa ŋą.

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Izikiɛ 22:3

'Kɛ diɛ, Mɛ̨nį kəlee ŋą Hééɓomun Yálá woo ka, yɛ: Daai ŋɛ̨i a gwəi lonnii ɲąmą pu, nwɔ yələ aa həli, a haliɠaa pɛli bɔɔli; yili yɛ mąąliɓi.

Izikiɛ 24:8

Bələi ŋą́ tɛɛ la, gɛ́ nwɔ́ líiholii yɛɛ mɛ̨i, gɛ́ nwą́ną kulɔ mą, ɲąmąi tii ə bu gwɛni kpuwulu mɛ̨i, gáá nɛɛi laa vá mɛ̨i kpulu.