Tɔɔɓɛlaa veelɛ 24:10 - Yálá laawoo hɛɓɛ (dc)

¹⁰ Nąąlɔwai tii, Babilonə tɔɔmun Nabukodonosorə nwɔ nuąi di pa kɔ́ pɛ́lɛ́i Ɉerusalɛmə ɓa. Di daa mąątinɛn di doo gee hu.

Yálá laawoo hɛɓɛ

¹⁰ Nąąlɔwai tii, Babilonə tɔɔmun Nabukodonosorə nwɔ nuąi di pa kɔ́ pɛ́lɛ́i Ɉerusalɛmə ɓa. Di daa mąątinɛn di doo gee hu.

Bible

¹⁰ Tãi kpɔ́ nɔ́ dí Zɛoasiŋ sèe la a kâloŋ, maa tãi tí ƃé Babelɔŋ kaloŋ Nɛbukinaza è ŋɔkɔ́-kɔ-ƃelai tɛ̀ɛ la a gɛɛ dí kɔ́ pɛ́lɛ Zerusâlɛŋ ma.

Tɔɔɓɛlaa veelɛ 24:10 Referans Kwoze

Tɔɔɓɛlaa veelɛ 25:2

Daa ə tɔɔ gɔ́ la, ə lɛɛ, kpɔ ɉu Sedesiasə nwɔ tɔɔlaa gwɛlan bow kɔ́w tɔ̨nɔ̨ lɔwai ə ɉəli.

Tɔɔɓɛlaa veelɛ 24:9

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Yoyakin ə kɛi gɛ, yɛ bələi kpɔlɔɔ nąn ə kɛi gɛ la.

Tɔɔɓɛlaa veelɛ 24:11

Babilonə tɔɔmun Nabukodonosorə yaa kpinįi ə pa, ɓɛlɔwai nwɔ nuąi di kɛi Ɉerusalɛmə hon na.

Azaya 39:7

Di kaa pai lii a ə́ lonnii tamąą, yiiɠaai a ə́ kwəi lonnii, diɛɠaai ə́ kaa di kaai; di kaa pai daɠaai ɓɛlai di ɓo Babilonə tɔɔmun ɲəi gwəlii.»

Ɉeremi 24:1

Yai-Laa ə ɓɔ́láá ɓá kpili hveelɛ lɛ mą́ą́, di heɛ di kee kwɛlɛ Yai-Laa yəi bɛlɛ́ laaləi. Nąąlɔwai, Babilonə tɔɔmun Nabukodonosorə aa kɛ Yoyakimə lon Yekonia, yai kɛ a Ɉuda tɔɔmun, ɉon Ɉerusalɛmə daai, da Ɉuda nɔi nwun nąmįną, ə mą kɛ, da galanɉonŋaa, da gwɛli yɔw nuą ə li a diɛ Babilonə.

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Izikiɛ 21:14

«Hulɔnu lon, kɛ diɛ: Ną́mu woo ka; yɛ: «Kɔ́ kɔ́ ɓɔwa, kɔ́ kɔ́ ɓɔwa ɲąąliɛ, yɛ lən mąną-mąną.