Tɔɔɓɛlaa veelɛ 24:1 - Yálá laawoo hɛɓɛ (dc)

¹ Nąąlɔwai tii hu, Babilonə tɔɔmun Nabukodonosorə ə Ɉuda lɔi hon a kɔ́. Yoyakimə ə lɛɛ ɲee mu, kwɛlan ɉaaɓa yee mu. Gwɛlan ɉaaɓa kpɛɛi lɔwai, Yoyakimə ə pənə ə Babilonə tɔɔmun yee mɛ̨i yali.

Yálá laawoo hɛɓɛ

¹ Nąąlɔwai tii hu, Babilonə tɔɔmun Nabukodonosorə ə Ɉuda lɔi hon a kɔ́. Yoyakimə ə lɛɛ ɲee mu, kwɛlan ɉaaɓa yee mu. Gwɛlan ɉaaɓa kpɛɛi lɔwai, Yoyakimə ə pənə ə Babilonə tɔɔmun yee mɛ̨i yali.

Bible

¹ Tãi Zɛoakiŋ è kɛ̀ la a kâloŋ Zuda lɔii mɛi, ma tãi tí ƃé Babelɔŋ kaloŋ Nɛbukinaza è pà la é kɔ́ pɛ́lɛ Zuda lɔii ma é naa siɣe gɔ́i su. Zɛoakiŋ è kɛ̀ Nɛbukinaza yée-mu a kóraŋ saaƃa. Kɛ́lɛ è tɔ̀ɔ Nɛbukinaza ma é kúla ŋɔkâloŋ-laai mu.

Tɔɔɓɛlaa veelɛ 24:1 Referans Kwoze

Danîa 1:1

Yoyakimə ŋɛ̨i kɛ a Ɉuda nɔi tɔɔmun, nwɔ tɔɔlaa gwɛlan ɉaaɓa lɔwai, Nabukodonosorə Babilonə tɔɔmun, ə kɔ́ pɛlɛ Ɉerusalɛmə ɓa, ə mąątinɛ̨n.

Ɉeremi 25:1

Mɛ̨nįi di mo Ɉeremi ɓa, Ɉuda nuą kəlee laa mɛ̨i, Yoyakimə lon Ɉosiasə nwɔ tɔɔlaa gwɛlan nąąn nɔwai Ɉuda lɔi nwun na; nąąlɔwai Babilonə tɔɔmun Nabukodonosorə nwɔ tɔɔlaa gwɛlan dɔlɔɔ li kɛ, ya ka:

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 46:2

Yii hvilɛn na Eziptə ɓa, nwɛi ka: Eziptə tɔɔmun Neko nwɔ kɔlaɠai ŋɛ̨i kɛ Eufratə ya kɛnɛ̨ kwɛlɛ Karkemisə taa tənən ma, ɓɛlɔwai Babilonə tɔɔmun Nabukodonosorə ə ɉon na kɔ́ hu, ə kɛ a Ɉuda tɔɔmun Yoyakimə, Ɉosiasə lon nwɔ tɔɔlaa gwɛlan nąąn nɔwai.

Tɔɔɓɛlaa veelɛ 17:5

Asiri tɔɔmun ə lɔ Israɛlə lɔi hu nąą kəlee a kɔ́, ə pa, ə kɔ́ pɛlɛ Samari ɓa, ə mąą tinɛ̨n kwɛlan ɉaaɓa yee mu.

Ɉeremi 35:1

Nwooi ŋɛ̨i ə həɠə Yai-Laa pɔ, yɛ həli Ɉeremi ɓa, Ɉuda tɔɔmun Ɉosiasə lon Yoyakimə nwɔ tɔɔlaa lɔwai, yɛ mą:

Ɉeremi 35:11

Ɓɛlɔwai Babilonə tɔɔmun Nabukodonosorə ə pili la nɔi hu, ya ɓə ku kɛ la diɛ, ka gu lɔ Ɉerusalɛmə daai, ka gu pu Kalde kɔ́kulááɠaa da Aramə kɔ́kulááɠaa tɔwɔ. Yili ɓə gɛ kuɔ hee la Ɉerusalɛmə daai.»

Ɉeremi 36:1

Ɉuda tɔɔmun Yoyakimə Ɉosiasə lon, nwɔ tɔɔlaa gwɛlan nąąn nɔwai, Yai-Laa ə mɛ̨nį ɓo Ɉeremi ɓa, yɛ mą:

Ɉeremi 45:1

Ɓɛlɔwai Neriya lon Barukə ə kɛi nwooɠaa ŋɛ̨i pɛ̨ɛ̨ la hɛɓɛ́ hu, Ɉeremi ɓə kɛi mo mą yɛ bɛ̨ɛ̨. A Ɉuda tɔɔmun Yoyakimə Ɉosiasə lon nwɔ tɔɔlaa gwɛlan nąąn ɲələ. Mɛ̨nįɠaai Ɉeremi ə mo ya ka, yɛ diɛ:

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Izikiɛ 21:14

«Hulɔnu lon, kɛ diɛ: Ną́mu woo ka; yɛ: «Kɔ́ kɔ́ ɓɔwa, kɔ́ kɔ́ ɓɔwa ɲąąliɛ, yɛ lən mąną-mąną.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Tɔɔɓɛlaa veelɛ 24:20

Mɛ̨nįɠaa tii di laa Ɉerusalɛmə da Ɉuda diɛ, mąąhɔlɔɓo, Yai-Laa ə niiŋanwana diɛ, ə di pili kwɛaa la, ə di həɠə ɲɛ̨i mu. Sedesiasə ə muhəɠə Babilonə tɔɔmun nąą ɓa a kɔ́.

Kɔlɔnikɔ Veerɛi 36:1

Nɔi lonnii di Ɉosiasə lon Yoakazə həɠə di ɉee a tɔɔmun Ɉerusalɛmə, a nąn mąąhvalin.

Ɛsdrasə 4:12

«Ku wɔ mɛ̨nį nąmu! Ku kaa ə́ kili pui ɉu, kuɔ yɛ́: Ɉuifəɠaa ŋɛ̨i həɠə ə́ pɔɔli diɛ pa ku pɔ ɓɛ Ɉerusalɛmə daai, di kaa pənəi diɛ nwąnąlɔ taa da gwɛli tee taa ŋɛ̨i tɔɔ; diɛ ɉįi tɔɔ, diɛ pɛlɛ́ tɔɔ bɛlɛ kpoloonŋąą ŋą.

Azaya 36:5

Yɛ́ kɛ diɛ: Woo ɲąą taanɔ̨n gbən, a pɛli liɛwoo da huwalawala tɛɛi nu pɔ kɔ́ hu! Gbɛɛ kpɔ ə́ kilitɔɔi mą, yɛ́ kulɔ nwóó mu?

Izikiɛ 19:8

Gwɛlɛ nuą di həɠə di wɔ taaɠaai hu, di pa di pɛlɛ mą; di lɔwa tee dɔwɔ, di ɉon ɉu.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.