Tɔɔɓɛlaa veelɛ 23:6 - Yálá laawoo hɛɓɛ (dc)

⁶ Nwului di dɔɔ Yai-Laa hee pɛlɛ́ mu Ɉerusalɛmə diɛ haláá kulɔ mą, ə gulɔ laa, ə gələn Sedrɔn ɓoloon ɉu, ə nuwu kələ ə bili dulun ŋą.

Yálá laawoo hɛɓɛ

⁶ Nwului di dɔɔ Yai-Laa hee pɛlɛ́ mu Ɉerusalɛmə diɛ haláá kulɔ mą, ə gulɔ laa, ə gələn Sedrɔn ɓoloon ɉu, ə nuwu kələ ə bili dulun ŋą.

Bible

⁶ Zosâya è gɛ̀ dí ŋúru kôyai kúla ŋâla-pɛrɛ kɛ́tɛi mu nyii dí dɔ̀ɔ naa ŋâla-pɔkɔɔŋ Asira láai sui. Dí lì la Kidilɔŋ tiŋ-tiŋ su dí géreŋ naa. È gɛ̀ dí maa luui fũa-fua a ǹɛ́lɛɛ dí dáa-taa ǹúu doo-mui-ŋai moloŋ mɛi nyii-ŋai kɛ̀ naai.

Tɔɔɓɛlaa veelɛ 23:6 Referans Kwoze

Kɔlɔnikɔ Veerɛi 34:4

Di Baalə kɔ́iɠaa taɠa ɲɛ̨i ɓa, lansan kələn ɉiiɠaai kɛ nąą mɛ̨iɠaa, di gəlee wolo; nwuluɠaai di kɛi gɔ́, ɉaliɠaai di bɛli awala kɛ tii di bu, ə gəlee huwolo-wolo ə vunwɔ̨-hunwɔ̨. Ə vunwɔ̨ taɠa-taɠa nuąi kɛi haláá laa həli diɛ di kámą mɛ̨i.

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.

Ɉeremi 17:2

Ə gɛ, di wɔ haláá kulɔiɠaa da nwulukpiɛnɠaai di vilɛn ɲeeɠaa nwuɔ̨ diɛ gɔ́ nwuluɠaa mu, gili hvo pa kpɛɛ di lonnii ŋą.

Tɔɔɓɛlaa veelɛ 21:7

Manase ə Asera nwɔ halii mąąnįnįn dɔɔ Yai-Laa yəi bɛlɛ́n; ɓɛi Yai-Laa ə kɛ Davidə da non Salomɔn diɛ: «Bɛlɛi ŋɛ̨i, da Ɉerusalɛmə taai ŋɛ̨i, ŋą́ą́ di həɠə Israɛlə lɔi nąą kəlee, gɛ́ náá hee mą a yələ kəlee.

Tɔɔɓɛlaa veelɛ 10:27

Di kpɛɛ lɔ a yili, di Baalə nwɔ pɛ́lɛ́i wolo, di nąą kɛ a nuą lɔwɔikɛi, ə mą kɛ yiihu, gaa ni laa.

Tɔɔɓɛlaa dɔlɔɔ 16:33

Akabə ə wulu ta tɔɔ, diɛ gɔ́. Yai-Laa Israɛlə nwɔ Yálái liikələn gwəi túwɔ́i di kɛi ɓo da lɔ ɓə ə kɛi pɛlɛ mą, ɲee yɛ tɛɛ Israɛlə tɔɔɓɛlaa kpɔ kɛ dɔwɔ Israɛlə lɔi hu gəlee diɛ.

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Dutɛrɔnome 9:21

Ɛlɛɛ, ɉɛn ŋɛ̨i ka bɛli a nįŋɛ̨ lon, ŋį́ ɉəɠə, ŋį́ ɉuyaləyalə, ŋą gələn; ŋį́ vunwɔ, ɲái tii kɛi həɠə ɲee ɓa pələ, ŋį́ vunwɔ pu ɉu.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Lɛɛ gbɔwɔ ɓa 32:20

Nįŋɛ̨ lon tii di bɛli, Moisə ə gələn, ə vuŋɔ, ə bu yái, ə ɲá tɔɔ Israɛlə lonnii la.

Ɉaan 18:1

Jesus ə kpɛɛ lɔ a nwoo tii ɓoɔ, da nwɔ kalan nɛai də li Sedrɔn ya pulu pələ. Nɔw yɛa ta ə kɛ laa, də li ɉu.

Tɔɔɓɛlaa dɔlɔɔ 2:37

Yələi lɔpee ta, ə́ ma kpɛli giliɓo, ə́ kulɔ ɓɛ daai, ə́ Sedrɔn moloon mąąteen, ə́ kili ə kɛ ɉu yɛ́ kɛ, yá haa, ɉəɠə mąą hvo mą. Akɛ tii, ə́ ɲąmą nwulu a lɛɛ ə́ kpɔwɔ nwuɔ̨.»

Tɔɔɓɛlaa veelɛ 23:12

Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.

Kɔlɔnikɔ Veerɛi 33:3

Ɉali kɔ́iɠaa tii nąn Ezekiasə ə di wolo, ə tinɛ̨n ə di tɔɔ, ə Baalə kɔ́iɠaa pɛli, ə wuluɠaa tɔɔ, diɛ gɔ́. Yɛ kwɛli hvilɛn pɛmɛ̨lɛ̨n-gɔwɠaa diɛ, yɛ di mąąwiɛ.

Ɉeremi 22:18

A kɛ tii, mɛ̨nįi Yai-Laa kaa moi Ɉosiasə lon Yoyakimə, Ɉuda tɔɔmun ma, ya ka: «Di hvo pai ɉaa wɔlɔ ɓoi, di hvo pai kɛi mą: ‹Lə mąąwɛli mɛ̨nį ɓəi aa laa mą́niɛ ɓai! Lə mąąwɛli mɛ̨nį ɓəi aa laa mą́ą́hala ɓai!› Di hvo pai ɉaa wɔlɔ ɓoi, diɛ kɛ mą: ‹Lə mąąwɛli mɛ̨nį ɓəi tɔɔmun! Lə mąąwɛli mɛ̨nį ɓəi nwɔ́ mɛ̨nį nąmu!›

Ɉeremi 31:40

Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Tɔɔɓɛlaa dɔlɔɔ 15:13

Ɛlɛɛ, ə nee Maaka nwɔ tɔɔmun nee laa kulɔ ɲəi, mąąhɔlɔɓo, nɛ̨ɛ̨nui tii aa kɛ ɓɛlɛkpɛɛmąą wulu ta tɔɔ Asera laa hu diɛ haláá kulɔ mą, Asa ə nwului tii hu tee tee, ə gələn Sedrɔn moloon ɉu.

Tɔɔɓɛlaa veelɛ 10:26

Di ɉaláá kwɛniɠaa kulɔ Baalə nwɔ pɛ́lɛ́i mu, di di kələn.

Kɔlɔnikɔ Veerɛi 15:16

Tɔɔmun Asa ə nee Maaka yee kulɔ ŋą tɔɔ leenɛ̨ą laai hu, Mąąhɔlɔɓo, ə hali pɛli a Asera laa. Asa ə ɉali ɲɔ̨nwɔ̨ɔ̨ mąą nįnįn tii hu yali, ə ɉuwolo-wolo, ə gələn Sedrɔn ɓoloon ɉu.