Tɔɔɓɛlaa veelɛ 23:33 - Yálá laawoo hɛɓɛ (dc)

³³ Eziptə tɔɔmun Neko ə Yoakazə hon a luwɔ Rivla daai Hamatə lɔi hu, ə doo yɔwɔn ŋą, ə gɛ, hvo kɛa tɔɔlaa kɛ Ɉerusalɛmə daai. Eziptə tɔɔmun Neko ə Nįįhɔ̨nwɔ̨ laa Ɉuda nɔi nuą nwuɔ̨ a wali kwələ kilə waa nwun ɉaaɓa, diɛ gulɔ kwɛlan mą da hɛni kilə pow haaɓa.

Yálá laawoo hɛɓɛ

³³ Eziptə tɔɔmun Neko ə Yoakazə hon a luwɔ Rivla daai Hamatə lɔi hu, ə doo yɔwɔn ŋą, ə gɛ, hvo kɛa tɔɔlaa kɛ Ɉerusalɛmə daai. Eziptə tɔɔmun Neko ə Nįįhɔ̨nwɔ̨ laa Ɉuda nɔi nuą nwuɔ̨ a wali kwələ kilə waa nwun ɉaaɓa, diɛ gulɔ kwɛlan mą da hɛni kilə pow haaɓa.

Bible

³³ Ize kaloŋ Niko è Zuda kaloŋ Zɛoaɣa sòŋ é gula gâloŋ-laai su é bili kpini-pɛrɛ mu Liƃa taa-leei su Ama kɔlɛ ma. Nya ƃe Niko è Zuda-ƃelai sòŋ a wála-wala-laa a gɛɛ dí sɛŋ kâo kole ŋɔpâŋ wála lɔ́ɔlu mɛi feerɛ pôlu ŋuŋ lɔ́ɔlu da gôo ŋɔpâŋ buu lɔ́ɔlu mɛi feerɛ káo lɔ́ɔlu tɛ́ɛ bɔ́ a ŋuŋ-fela-fei.

Tɔɔɓɛlaa veelɛ 23:33 Referans Kwoze

Tɔɔɓɛlaa veelɛ 25:6

Kalde nuą di tɔɔmun ɉon, di tɛ la Rivla daai Babilonə tɔɔmun bɔ. Nąą ɓə di tɔɔmun giti tee laa.

Tɔɔɓɛlaa dɔlɔɔ 8:65

Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Hanwon 19:19

Nui a níiholi kɛnɛ̨, hvo kɛ li di tɔ́n naa mą. Da wala gɛ tii, a kɛ tii, di kaa ɲąątɔɔi a dakpɛli kɛ mɛ̨nį.

Tɔɔɓɛlaa veelɛ 23:29

Nąąlɔwai tii ɓə Faraɔn Neko, yai kɛ a Eziptə tɔɔmun, da Asiri tɔɔmun di pɛlɛ di kee ɓa Eufratə ɲalee kwɛlɛ, diɛ li kɔ́ tooi. Tɔɔmun Ɉosiasə yaan, ə muhəɠə yɛ li Eziptə tɔɔmun laa kwiɛn ɉi a kɔ́. Kɛlaa, yii lɔ yili ə ɲɛ̨i tɔɔ lɔ Ɉosiasə ɓa, aa mą Ɉosiasə paa Megido.

Tɔɔɓɛlaa veelɛ 18:14

Ɉuda tɔɔmun Ezekiasə ə nuą tɔɔ Asiri tɔɔmun bɔɔli Lakisə, yɛ mą: «Ŋą́ą́ ɉɔ́n gɛ, hvó kɛ ə́ kaa pɛlɛi mą́ą́ a kɔ́; kɛlaa, tiɛ̨i yá naa nwúɔ̨, ŋą́ ɉəɠə.» Asiri tɔɔmun ə kɔ́ nįįhɔ̨nwɔ̨ laa Ɉuda tɔɔmun nwuɔ̨ a wali kwələ kilə waa mɛ̨inąąn da hɛni kilə nwun mɛ̨inąąn.

Lonon mo 34:11

Ə həɠə Sefamə, ka ɲɛn a yɛɛ Rivla tənən ma pələ, nu a kɛ Ain voló həɠəi pələ; yili pulu, ə yɛɛ ə hee Kinerɛtə yee kpu kpu ɓa gboloyá kwɛlɛ,

Lonon mo 13:21

Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Lɛɛ gbɔwɔ ɓa 21:22

«‹Hinąą da kɛi gɔ́, da kɛlɛ koonɛ̨ą ta hu, ɲəi ə kala, kɛlaa, nɛ̨ɛ̨nu hva haa, nui mɛ̨nįi tii wulu a lɛɛ nwuɔ̨, a nɛ̨ɛ̨nui tii yee kulɔ ɉu a hɛn nɛ̨ɛ̨nu ɉilɛ a vaa ɓo, ɛlɛɛ, a nwali tɛɛ yɛ bələi giti tee nuą da mo la.

Tɔɔɓɛlaa veelɛ 23:35

Yoyakimə ə kɛi wali da hɛni di kulɔ a Nįįhɔ̨nwɔ̨ Eziptə tɔɔmun Neko ɓa yɛ bələi ə ɉuhvɛli la Yoyakimə ɓa. Bələi a tɛɛ la ə nwalii tii hɔlɔɓo, ə nąą nɔi nuą nwuɔ̨ diɛ gulɔ, nu tɛitɛi yɛ gulɔ yɛ bələi vaŋa a pɛli la mą.

Tɔɔɓɛlaa veelɛ 25:20

Nebuzaradan ə nuą tii hon, ə li a diɛ Babilonə tɔɔmun bɔ Rivla daai

Ɉeremi 46:2

Yii hvilɛn na Eziptə ɓa, nwɛi ka: Eziptə tɔɔmun Neko nwɔ kɔlaɠai ŋɛ̨i kɛ Eufratə ya kɛnɛ̨ kwɛlɛ Karkemisə taa tənən ma, ɓɛlɔwai Babilonə tɔɔmun Nabukodonosorə ə ɉon na kɔ́ hu, ə kɛ a Ɉuda tɔɔmun Yoyakimə, Ɉosiasə lon nwɔ tɔɔlaa gwɛlan nąąn nɔwai.

Izikiɛ 19:7

Ə di wɔ tɔɔ pɛlɛ́i pu, ə daaɠaa lɛɛ a taa kpoloonŋaa; nɔi hu nuą di kɛi ɲɔw domą woo ɓa.

Izikiɛ 19:9

Di kwɛli too mą, di nɔ kwənąn ɉu, də li la Babilonə tɔɔmun pɔ. Də li la kwɛni wolo hu, ə gɛ nwoo hvo pa kɛa kɛ tɔɔi Israɛlə yeeɠaa nwuɔ̨.