Tɔɔɓɛlaa veelɛ 21:8 - Yálá laawoo hɛɓɛ (dc)

⁸ Yili ɓa, və́ kɛa pai Israɛlə lonnii mąą kwɛai nɔi ŋɛ̨i ŋą́ dɛɛ di kalaɓɔlɔni pɔ, mą, akɛ mɛ̨nįɠaai ŋą́ mo diɛ, da gɛ. Diɛ hiɛ a kpaaləi ŋą́ dɛɛ nwɔ́ tímun Moisə pɔ, yɛ nɛ diɛ.»

Yálá laawoo hɛɓɛ

⁸ Yili ɓa, və́ kɛa pai Israɛlə lonnii mąą kwɛai nɔi ŋɛ̨i ŋą́ dɛɛ di kalaɓɔlɔni pɔ, mą, akɛ mɛ̨nįɠaai ŋą́ mo diɛ, da gɛ. Diɛ hiɛ a kpaaləi ŋą́ dɛɛ nwɔ́ tímun Moisə pɔ, yɛ nɛ diɛ.»

Bible

⁸ Yâwɛɛ è ŋɔ́nɔ mò ǹyɛɛi, “À kɛ̀ Eezuɛ-ƃela da pâi m̀ɛnii kélee kɛ̂i dí dɔ̂ŋ-ŋai kélee káa ŋá dɛ̀ɛ ŋátii-kɛ-nuui Mose pɔ́ é dɛɛ dípɔi, gɛ̀ ní, fé pâi nɛɛ̂i naa nûa dí díkpɛ ǹɔii ŋí ma nyii ŋá wɔ́lɔ dɛ̀ɛ dínuu pɔlɔ-ŋai pɔi.”

Tɔɔɓɛlaa veelɛ 21:8 Referans Kwoze

Samia Veerɛi 7:10

Gáá pai lɔi tɛɛi nwɔ́ nu huwu Israɛlə pɔ, gɛ́ di hamu hvilɛn, diɛ hee kpɔ tin-tin, di mąą hvo kɛa pai kpɛlin ɉii, ɛlɛɛ, nwąnąlɔ nuą di hva kɛa pənə di hvo hee di mɛ̨i yɛ bələi di kɛi gɛ la tɔlɔɔ tɔlɔɔ yələ.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Kɔlɔnikɔ Veerɛi 33:8

Ɛlɛɛ, nɔi ŋɛ̨i ŋį́ dɛɛ Israɛlə nuą di nąnni pɔ, vá kɛa di kɔ́wɔ kulɔ ɉu, di hvo li kwɛa la; akɛ, ɲɛ̨nɛ̨ɛ̨ kɛ pələ kpaaləi ŋɛ̨i ŋį́ dɛɛ Moisə pɔ, da ɉon, di hiɛ la, yai gaa a dɔ́n gəlee, da bɔ liɛwooɠaa.»

Kɔlɔnikɔ Maa-ŋuŋ 17:9

Gáá pai lɔi tɛɛi nwɔ́ nu huwu Israɛlə pɔ, gɛ́ di hamu hvilɛn, diɛ hee kpɔ tin-tin, di mąą hvo kɛa pai kpɛlin ɉii, ɛlɛɛ, nwąnąlɔ nuą di hva kɛa pənə di hvo hee di mɛ̨i yɛ bələi di kɛi gɛ la tɔlɔɔ tɔlɔɔ yələ.