Bib sou entènèt

Paj dakèy
Bib sou entènèt
Tɔɔɓɛlaa veelɛ 21:6

Tɔɔɓɛlaa veelɛ 21:6 - Yálá laawoo hɛɓɛ (dc)

⁶ Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Gade chapit la Kopi

Yálá laawoo hɛɓɛ

⁶ Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Gade chapit la Kopi

Bible

⁶ Manasɛ è kɛ̀ a póniŋ da wúlu-kɛ-nuu kɛ́tɛ. A kâa lì tɛli-kpɛ-ƃela pɔ́ tɛli kpɛ̂i da tuɛ-mɛni ƃó-ƃela. È ǹóŋ-surɔŋ kùla a kéreŋ sala. È mɛni nyɔ́mɔɔ támaa kɛ̀. È gɛ̀ Yâwɛɛ líi é wána kpɔ́ ma a zu kɛ́tɛ.

Gade chapit la Kopi

tounen moute ⬆

Tɔɔɓɛlaa veelɛ 21:6
23 Referans Kwoze

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Levetekɔ 19:31

«'Ka hvo ɲąmuątaa tɔlu mɛ̨nį kaa a tɛ̨ą, ka li di pɔ, yili a ka mąąliɓi. Ɲą́ą́ ɓə gáá a Yai-Laa, ka wɔ Yálá.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Levetekɔ 19:26

«'Ka hvo huwɔ mįi ɓɛi ka ɲąmą pulaa, ka hvo tɔlukpɛ, ka hvo ɲɛ̨ąkpɛ.

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.

Gɛlaɠaa 16:16

Yələ ta, ku kɛɛ lii Yálá hvɛlii, kolo-kɛ nɛ̨ɛ̨non da ə pa ku laakwiɛn ɉii, ɲɛ̨ąkpɛ ɲįnɛ̨n da ə kɛ bulu. Ɲɛ̨ąkpɛ ɲįnɛ̨n ti, ə kɛli hɛn gɔw tiɛ̨ nąmįną diɛ kpɔ kɛnɛ̨.

Mise 6:7

Yai-Laa kaa pai hvaai mą yɛ ɲee hee ɓɛlaa hilɛ waa tamąą mu? Wulɔ munuun damąą ɓə mɔ̨ɔ̨ ŋą́ gboloon naa nií la? Kulɔi ŋą́ mo nwoo mu, nąą pɛli hɛn maa mɔ̨ɔ̨ a nón ɉulɔnu tɔlɔɔ? Gɛ́ nwɔ́ nɛ̨ŋɛ̨nŋaai mąą kwələ kulɔ a gwə́i lon?

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Kɔlɔnikɔ Veerɛi 28:3

Yaa kpįnįi yɛ lansan haláá kulɔ Bɛn-Hinɔmə ɓoloon ɉu, yɛ nonnii kələn, vilɛn ŋąą la tii, gɛɛ kalaa túwɔ́i tii pulu, a yaai nu huwu ŋɛ̨i Yai-Laa ə nɔi kulɔ di yəi, yɛ dɛɛ Israɛlə pɔ, di kɛi gɛ.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Tɔɔɓɛlaa veelɛ 23:24

Dɔ́n ɉɛɓɛ́i ŋɛ̨i jalaa laa həli mun Hilkiyahu ə gaa Yai-Laa hee pɛlɛ́ mun, ə gɛ tɔɔmun Ɉosiasə ə ɉɛɓɛ́i tii hu mɛ̨nįɠaa hon; nuą kɛi ɲąmuątaa tɔlukpɛ, da tɔlukpɛ nuą takpɛliɠaa, ə mą kɛ mąąnįnįn ɉaɠaa da hali takpɛliɠaa yii mɛlɛ kpɛɛ mą, gɔhɔɓoɔ. Ɉosiasə ə nuą tii pa ə ɉaliɠaa hu kala Ɉerusalɛmə daai. Da Ɉuda lɔi hu na kəlee.

Azaya 66:4

Ɲą́ą́ gbɛli mąn, gáá pai nííɓa mɛ̨nį kɛi a di mɔ̨nɔ̨ ɓo mɛ̨nį, ɉɛn da ɲɔw mą, gɛ́ ɲɛɛ a di nwun. Mąąhɔlɔɓo ŋį́ təliɓo kɛ, nu ta hvo hvaa, ŋą́ą́ hvaa, nu ta hvo nwəli tɔɔ li. Mɛ̨nįi ɲɔ̨nwɔ̨ɔ̨ ɲɛ̨́i mu, ya ɓə da gɛ. Mɛ̨nįi nwɛli kpɛɛ mą́ą́, ya ɓə di gɛ a di liiɓa mɛ̨nį.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Dutɛrɔnome 32:16

Di Yai-Laa liikələn gwəi a ɓɛlɛkpɛɛ mąą túwɔ́ yii di kɛi mo. Di nwɔ liiholi muhəɠə a kwɛli hvilɛn ŋąą haliɠaa diɛ.

Dutɛrɔnome 32:21

Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Ɉeremi 19:5

Yii daa haláá kulɔi pɛli Baalə ɓa, diɛ di lonnii kələn naa Baalə ɓa; ɛlɛɛ yaan, ɲą́ą́ hvəi di tɔɔ la, yili kili hvo ta too li ɲą́.

Izikiɛ 23:39

Ɲələi di kɛi di lonnii kulɔ la a haláá ɉaliɠaa diɛ, mąą yələ di lɔ nwɔ́ pɛlɛ́i mu, diɛ mąą luwu la tii; mɛ̨nįi di gɛ ɲəi bɛlɛ́n ya ka ti.

Swiv nou:

Lyen patwone

Piblisite

Piblisite