Tɔɔɓɛlaa veelɛ 21:16 - Yálá laawoo hɛɓɛ (dc)

¹⁶ Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Yálá laawoo hɛɓɛ

¹⁶ Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Bible

¹⁶ É kúla nyíti-ŋai kélee pôlu, Manasɛ è núu támaa pàa nyii-ŋai dísɔŋ fé kɛ́ ní zu. Ǹûai ŋí díkɛ̀ kpɔ́ a dí támaa a sɛŋ dí ŋãa kpôloŋ kɛ́ tɛ̀ɛ Zerusâlɛŋ taa-leei su, é síɣe daai ƃéla tɔnɔ ma é tóo gbéli ma. Zuda-ƃelai dí pìlaŋ gɔ́ɔ pɔ̂ɔi dísɔnyɔ̂ŋ kɛ́, dí Yâwɛɛ wóo píli. Vé fáa ní ma a gɛɛ diai dísɔŋ fé dîai é dí maa-kɔ̃ɔ.

Tɔɔɓɛlaa veelɛ 21:16 Referans Kwoze

Kɔlɔnikɔ Veerɛi 33:9

Manase ə Ɉuda nuą da Ɉerusalɛmə nuą nwun ɉu lan, di túwɔ́ a ɲɔ̨nwɔ̨ɔ̨, di yee ə tɛɛ nuąi wɔlɔ Yai-Laa ə di paa, yɛ di həɠə Israɛlə nuą tɔwɔ di nwɛi ɓa.

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Lonon mo 35:33

«Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Hebreu 11:37

diɛ daɠaa hɔɔ a kwɛni diɛ haa, diɛ daɠaa hutee a gbɛa haɠa, diɛ daɠaa paa a ɓɔwa kwɛaa. Di kɛ lɔ tii kɛa lɔi mɛ̨i diɛ tɛɛ, ɓɛlaa kɔ́lɔ da ɓooli kɔ́lɔ ɓə kɛ a di mąąhəɠəɠaa, di ɓo a yeehvowolo nuą, diɛ di mɔ̨nɔ̨ɓo, diɛ di hon a ɲɔ̨nwɔ̨ɔ̨,

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Maafîu 27:6

Ɉaláá laa həli nuą kpɛa-kpɛa nwun nąmįną di nwali yɛɠɛ, diɛ diɛ: «Guɔ tɔ́n yɛ nwali huwu yii mąą hvo nɛ̨ɛ̨li guɔ Yálá kɔ́ hɛn gɔw hu. Mąąhɔlɔɓo, ɲąmą hɛn gɔw li.»

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 15:4

Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Ɉeremi 2:34

Mąąwɛli nuą da kwəi kwələ nuą, di ɲąmą aa kɔ́ ə́ mąą həɠəɠaa diɛ; ə́ mąą həɠə ɓa ɓə gaa ɲąmą kaai laa, və́ gaai daa mąąkpɛ hį́i wolo ɓa.

Tɔɔɓɛlaa veelɛ 21:7

Manase ə Asera nwɔ halii mąąnįnįn dɔɔ Yai-Laa yəi bɛlɛ́n; ɓɛi Yai-Laa ə kɛ Davidə da non Salomɔn diɛ: «Bɛlɛi ŋɛ̨i, da Ɉerusalɛmə taai ŋɛ̨i, ŋą́ą́ di həɠə Israɛlə lɔi nąą kəlee, gɛ́ náá hee mą a yələ kəlee.

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Tɔɔɓɛlaa veelɛ 21:15

Mąąhɔlɔɓo, mɛ̨nįi ɲɔ̨nwɔ̨ɔ̨ ɲɛ̨i ɓa, daa gɛ, daa mɛ́lɛ kpɛɛ mą́ą́ da di nąnii; ə həɠə kpɔ volói ŋą́ di kulɔ la Eziptə lɔi hu mą, ə həli la háákələi ɓa, di hvo ta túwɔ́ li a nɛlɛɛ›.»

Ɉeremi 32:31

Daai ŋɛ̨i aa níí holi, aa níí kələn gwə́i, ə həɠə háákələi ɓa, mąąnɛ̨ɛ̨ ŋį́ gulɔ ɲɛ̨́i mu.

Izikiɛ 9:9

Yɛ mą́ą́: «Israɛlə da Ɉuda nwɔ pɛlɛ́i di wɔ nɛ̨ŋɛ̨n kɛnɛ̨i naai və mą; nɔi laahvɛɛi a ɲąmą, daa laahvɛɛ a wea; mąąhɔlɔɓo da kɛ kɛi diɛ: ‹Yai-Laa aa ɓo nɔi ɓa, aa doo, hva kɛ kɛa mɛ̨nį ta kaai.›

Izikiɛ 22:4

Ə́ ə́ hɔn gɛ, a ɲąmąi ə́ bui, ə́ ə́ mąąliɓi a ɉaliɠaai ə́ di pɛlii; gɛi ə́ mo tii, yáá ə́ wɔ yələ maa kpuɔ; ə́ wɔ kwɛlanŋaa laa aa hvɛɛ. Yili mąą mɛ̨nį ɓa, gáá ə́ kɛi a hɛn a nwumɛ̨ tɛ nu ɓa, lɔiɠaa hu; a hɛn da yɛlɛ ma nuą lɔwai.

Tɔɔɓɛlaa veelɛ 3:3

Kɛlaa yaamun, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, Yoramə ə lɛɛ a ganąŋąą nɛ̨ŋɛ̨n tii ɓa, hvo kpɔ bulu tɔɔ mą.

Tɔɔɓɛlaa veelɛ 21:2

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə gɛ, nɔiɠaa ŋɛ̨i Yai-Laa ə di kpɛ Israɛlə nuą ɲɛ̨i tɔwɔ, di túwɔ́ pələ ɲɔ̨n tii ɓə Manase ə kɛi gɛ.

Hanwon 6:16

Mɛ̨nį mɛ̨ida kaa laa, yii nwɛli hvo Yai-Laa ɓa, di kaa kpɔ hɔlɔmun mɛ̨ihveelɛ; diɛ ɓaa:

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Izikiɛ 22:2

Hulɔnu lon, ə́ wəli tɔɔ, akɛti, mąą hvo nɛ̨ɛ̨li mɔ̨ɔ̨ kɛ ə́ ɲąmą taai ŋɛ̨i kiti tee, mąąnɛ̨ɛ̨ kpɔ ə́ giti tee; ə́ nwɔ ɓowo mɛ̨nįɠaai kəlee lɛ mą.

Izikiɛ 23:45

Kɛlaa, tələnmo nuą kaa pai di kiti teei yɛ bələi da wɛlikɛ nɛ̨ąą kiti tee la, da nɛ̨ąąi da ɲąmą pu; mąąhɔlɔɓo ɲąmą pɔɔ kaa di yee ɓa.