Tɔɔɓɛlaa veelɛ 19:4 - Yálá laawoo hɛɓɛ (dc)

⁴ Asiri tɔɔmun nwɔ kɔ́ kɔ́ kwɛli hɛn ɉəɠə mun ŋɛ̨i ə dɔɔ, yɛ pa Yálá hvulú lalan ɉii, Yai-Laa kaa kiɛ pai nwoo mɛ̨n ɉii. Nwooɠaa tii mąą mɛ̨nį ɓa, Yai-Laa ə́ wɔ Yálá kaa pai nwąną kulɔi mą, nwaa wooɠaa tii mąą mɛ̨nį ɓa. Esai! Ə́ woo tɛ Yai-Laa ɓa, nu kpəli woloi aa lɛɛ mąą mɛ̨nį ɓa.›»

Yálá laawoo hɛɓɛ

⁴ Asiri tɔɔmun nwɔ kɔ́ kɔ́ kwɛli hɛn ɉəɠə mun ŋɛ̨i ə dɔɔ, yɛ pa Yálá hvulú lalan ɉii, Yai-Laa kaa kiɛ pai nwoo mɛ̨n ɉii. Nwooɠaa tii mąą mɛ̨nį ɓa, Yai-Laa ə́ wɔ Yálá kaa pai nwąną kulɔi mą, nwaa wooɠaa tii mąą mɛ̨nį ɓa. Esai! Ə́ woo tɛ Yai-Laa ɓa, nu kpəli woloi aa lɛɛ mąą mɛ̨nį ɓa.›»

Bible

⁴ Ɣâla fɛli kú mɛni ma kúai kúkaa nîi a kúfului. Asiria kaloŋ a ŋɔkɔ́-kɔ-ƃelai tɛ́ɛ a gɛɛ é Vúlu-laa ɣala woo-nyɔŋ fé. É kɛ́ a sɛŋ Yâwɛɛ Íɣâlai é ŋoo-nyɔŋ-ŋai ŋí mɛ́ni diai díkaa môi, é tɔ̂ŋ kpɛ́ dîa.”

Tɔɔɓɛlaa veelɛ 19:4 Referans Kwoze

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Zasua 14:12

Ɲee ŋɛ̨i tɛɛ kɛa bɔ́, ya ɓə Yai-Laa ə vaa ɓo a volói tii. Kɛlɛi ə́ bələ mɛ̨n a yələ ta diɛ kɛ Anakə nu huwu kaa laa da taa kpɛa-kpɛa, di mąą tínɛ̨n ŋąą a hįi. Kɛlaa, Yai-Laa a tɔɔ búlu, gáá pai di kpɛi laa, gɛ́ hee laa, yɛ bələi Yai-Laa ə mo la.»

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Mąątɛ̨nɛ̨ 74:18

Yai-Laa, mąąnɛ̨ɛ̨ ə́ kili ə pu ɉu yɛ́ diɛ, ə́ yowo kaa ə́ ɓɛlɛ too woo ɓoi; nwun gbɛɛ ɉu nu huwu aa ɓɛlɛkpɛɛ ə́ laa ɓa.

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Kɔlɔnikɔ Veerɛi 32:20

Tɔɔmun Ezekiasə da Yálá kwəi mɛ̨nį hukulɔ mun Amɔsə lon Esai, di Yálá hvɛli mɛ̨nįi tii hu, di tómą diɛ di woo tɛ yələ kɔ́lɔn mą.

Tɔɔɓɛlaa veelɛ 19:22

Gbɛɛ ɓə ə́ nalan? Yɛ mɛlɛkpɛɛ mą? Gbɛɛ ɓə ə́ ə́ woo həɠəi mą? Yɛ́ gaa a ə́ ɲɛ̨i kpon bələ? Israɛlə nwɔ Yálá Mąąhəɠɛɛ ɓə!

Tɔɔɓɛlaa veelɛ 18:13

Ezekiasə nwɔ tɔɔlaa gwɛlan bow nąąn nɔwai, Asiri tɔɔmun Senakeribə ə pa ə kɔ́ pɛlɛ Ɉuda nwɔ kɔ́ taaɠaa kəlee ɓa, ə di hon.

Samuɛlə dɔlɔɔ 17:45

Davidə yɛ Goliatə ɓa: «Ə́ wɛi, ə́ kaa pai pɛlɛi mą́ą́, ɓɔwa kwɛa yɛ ɓo ə́ yəi, kpala yɛ ɓo ə́ yəi, wulu ɲąą kulaa ə́ ɓo ə́ yəi. Nwɛ́i, gáá pai ə́ pɔ Yai-Laa Mɛ̨nį Kəlee ŋą Hééɓomun laa hu, yai a Israɛlə nwɔ Yálái, a Yaa tii ə́ kaa gwɛlin baa pɔlɔn dɔɔi.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Zɛnɛse 22:14

Abrahamə ə gɛɛnąą tii laa hee, yɛ mą: «Yai-Laa a gili lɛɛ ɉu.» Mɛ̨nįi gɛi, háá ɓa háá, da kɛ gɛɛnąą tii laa ɓaa: «Yai-Laa a gili lɛɛ ɉu yee ɓa.»

Lomaŋ 11:5

Bələ lɔ ɓə gaa la, háákələi Yálá nwɔ ɲɛ̨imąąwɛli kaa hu, aa nu kpulu logolo həɠə ɉu.

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Tɔɔɓɛlaa veelɛ 19:3

Di mo mą, diɛ mą: «Nwooi Ezekiasə ə mo, ya ka: ‹Háákələi kaa a mąąwɛli hvóló, da liihɛlɛn voló, ə lɛɛ, da nwumɛ̨ hvóló. Yɛ bələ da mo la diɛ mą: «Nokoloi ŋɛ̨i kaai lɔwai aa həli, kɛlaa, hvaŋą hvo nee yəi, hvo gaa.»

Tɔɔɓɛlaa veelɛ 19:5

Tɔɔmun Ezekiasə nwɔ tínuą də li di həli Esai ɓa.

Tɔɔɓɛlaa veelɛ 19:16

Ə́ wəli tɔɔ, Yai-Laa ə́ nwóó mɛ̨n, ə́ ɲəlaaɓo ə́ gáá, Senakeribə nwɔ nuą ə di tɔɔ, diɛ Yálá hvulú lalan, gaa.

Tɔɔɓɛlaa veelɛ 19:30

Ɉuda huwuhu nu kpəli woloi nwun a kulɔ ɉu, di mąą a poo kpɔ kɛnɛ̨, diɛ ɓa yɛ wulu.

Ɉeremi 23:36

Kɛlaa, ka hvo kɛa Yai-Laa nwɔ tiɛ̨i mąą mɛ̨nį ta ɓo. Diɲɛ kaa pai kɛi a ka kəlee tɛi tɛi ka hvaa woo. Mąąhɔlɔɓo, ka kɛ Yai-Laa Mɛ̨nį Kəlee ŋą Hééɓomun ku wɔ Yálái, yaai gaa Yálá hvulú vaa woo mąąhvaalən ɉii.

Ɉeremi 42:9

yɛ diɛ: «Yai-Laa Israɛlə nwɔ Yálái woo ka káá ɓə dɔ́ɔ́ bɔ, gɛ́ ka wɔ nɛɛmąą hvə woo laa həli mą.

Zasua 3:10

Yili pulu, Ɉosue yɛ diɛ: «Ka káá pai gɔlɔn ɉii kaa diɛ, Yálá húlu kaa ka lɔwai. Ɛlɛɛ, Kanaan nuąi a: Hɛtə nuą, Hivi nuą, Perizi nuą, Girgasə nuą, Amɔrə da Ɉebusə nuą, gaa pai di kpɛi ka tɔwɔ.

Samuɛlə dɔlɔɔ 17:10

Filisti mun tii ə mo, yɛ diɛ: «Gáá Israɛlə kɔ́kulááɠaa paa pɔlɔn dɔɔi háákələi, gɛ́ di nu ta tɛɛ bɔ́, kwa yaa ku kɔ́.»

Tɔɔɓɛlaa veelɛ 19:23

Ə́i wɔ kɛlaɠaa tɔɔ, diɛ ɲą́ą́ Yai-Laa nálan. Yɛ́ kɛ diɛ: Ə́ wɔ kɔ́ wotoloɠaai hvaŋą kɛnɛ̨ pələ, Yáá tɛ yee kəlee tona, Yɛ́ həli Liban ɓɛi nu hva pɛli həlii laa, nwɔ kpitiliɠaa tee mɛ̨nį ɓa, da siprə lɛlɛɛɠaa. Yáá həli kpɔ nwɔ wəlaɠaa kpon ɉu.

Tɔɔɓɛlaa veelɛ 19:31

Mąąhɔlɔɓo, nu kpəli wolo kaa pai lɛɛi Ɉerusalɛmə daai, nu kpəli ə lɛɛ yiiɠaa da kulɔ gɔ́ hu Siɔn yee ɓa. «Yai-Laa nwɔ tələnmolaa ɓə pai yili kɛi tii.