Biblia Todo Logo
Bib sou entènèt

- Piblisite -




Tɔɔɓɛlaa veelɛ 19:15 - Yálá laawoo hɛɓɛ (dc)

15 Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Gade chapit la Kopi

Yálá laawoo hɛɓɛ

15 Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Gade chapit la Kopi

Bible

15 È Yâwɛɛ fɛ̀li, “Óo Yâwɛɛ, Eezuɛ Ŋɔɣâlai, íkâloŋ see-sɛŋ káa gôoŋ-sãai mɛi-pere. Ƃía tɔnɔ nɔ́ ƃé íkaa a Ɣâla, ǹyaŋ ƃía tɔnɔ ƃé íkaa ǹɔii-ŋûŋ-ŋai mɛi ŋ̀éniɛi kélee su. Í ǹɔii kpɛ̂tɛ da ŋ̀elei.

Gade chapit la Kopi




Tɔɔɓɛlaa veelɛ 19:15
36 Referans Kwoze  

Nąą ɓə gu kaa pai kɛi gu kee kaai laa, ŋą́ kɛ gəhi laa kalan mɛ̨i, malaka hveelɛi tii mįnɛ̨ kəhi mɛ̨i di lɔwai. Mɛ̨nįɠaai gáá pai kɛi ə́ tí la, a Israɛlə lonnii mąą mɛ̨nį, gɛ́ di ɓo laa yɛ́.


'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.


Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.


Ə nɛɛ ɲąąɓa, ə pənə da bɔ nuą kəlee, diɛ li Yálá nwɔ nui pɔ. Naaman ə li ə too Yálá nwɔ nui lííla, yɛ mą: «Yiihui, ŋą́ą́ gɔlɔn gɛ́ Yálá hvo lɔi mɛ̨i nąą takpɛli ɓa, hvo kɛli Israɛlə lɔi hu. Yili ɓa gáá ə́ mąąnɛ̨ɛ̨i gɛ́ ə́ ə́ yee hee ə́ wɔɔ luwɔi nwɔ towələ mu, yai yɛ ə bu ə́ yəi.»


Ɓɛlɔwai Israɛlə nuą di gaa la tii, nu kəlee di pɛlɛ nɔi ɓa, diɛ kɛ: «Yai-Laa ɓə a Yálá! Yai-Laa ɓə a Yálá kpɔɔ kpɔɔ.»


'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.


Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.


Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.


Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun.


Yili ɓə gɛ, gɛ́ kɛ mą: Nwɔ́ Yálá, ŋį́ kɛ Yɛ́: 'Hvó nwɔ́ yɛnɛ̨ɛ̨ lɛɛ ɉamąi, hvó ɉə́ɠə́!


Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.


Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.


A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.


Tɔɔmun Ezekiasə da Yálá kwəi mɛ̨nį hukulɔ mun Amɔsə lon Esai, di Yálá hvɛli mɛ̨nįi tii hu, di tómą diɛ di woo tɛ yələ kɔ́lɔn mą.


Ɉosafatə ə Yálá hvɛli ŋɛ̨i, yɛ mą: «Yai-Laa ku nąnni di wɔɔ Yálá! Kɛlɛi, Yɛ́ ɓə a Yálá yələkɔlɔn mɛ̨i yələkɔlɔn ɉu-e! Ɛlɛɛ, Yɛ́ tɔɔ lɔiɠaa kəlee ɲąąwooɓo-e! Huwalawala da heeɓolaa di kaa Ə́ yəi, hɛn da lɔpee hva pɛli tɔɔi Ə́ la.


Yai-Laa ə Nubinuą kɛlɛ Asa da Ɉuda nuą di tɔwɔ, Nubinuą di pu.


Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.


yɛ diɛ: «Yai-Laa Israɛlə nwɔ Yálá, Yálá ta hvo laa, ka Yáá ka pɛliɛ, ə mą kɛ yələi, yələkɔlɔn ɉu ɓə, da lɔi mɛ̨i, yɛ pɛli mįnɛ̨i da nwɔ nuą di ɉəɠə, naahɔn moi yɛ gili kɛ di hu a wɛlikɛmąąlaa, ɓɛlɔwai da hiɛ la a ɉaŋąą ə́ ɲɛ̨i ɓa.


Nɔi lonnii di nuą tɔɔ Silo də li di pa a Yai-Laa Mɛ̨nį Kəlee ŋą Hééɓomun nwɔ mįnɛ̨ kəhi, ə ɓo heeni, mąąkpɛ malakaɠaa nwun mɛ̨i, nwɔ mįnɛ̨ kəhii kwɛlɛ, Eli lonnii hveelɛi: Hɔfni da Pinasə di kɛ Yálá nwɔ mįnɛ̨ kəhii kwɛlɛ.


Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»


Pələ ɓə Yálá ə yələkɔlɔn da lɔi di pɛli la. Ɲələi Yai-Laa ə yələkɔlɔn da lɔi di pɛli la tɔlɔɔ,


Yálá ə gbɛa tɔlɔɔ yələkɔlɔn da lɔi di pɛli.


Ə haláá kulɔi pɛli gɛɛnąąi tii, ə naa hee a: Yálá, Israɛlə nwɔ Yálá.


Kɛlaa, Yai-Laa kuɔ Yálá, ku nwun gulɔ Senakeribə yəi. Yá yili kɛ tii, yɛnɛ̨ɛ̨ nąą kəlee, da yɛnɛ̨ɛ̨ tɔɔɓɛlaa kəlee, da gɔlɔn diɛ: Oo Yai-Laa! Yɛ́ ɓə ə́ kaa a Yálá.»


Davidə da Israɛlə nuą kəlee, di tɛ Baala Kiriatə-Yearimə yai kɛ Ɉuda lɔi hu; əgɛ, di Yálá nwɔ mįnɛ̨ kəhii həɠə, a gəhii Yai-Laa ə kɛ heeni mɛ̨i mąąkpɛ malakaɠaa pulu, ɓɛi di kɛi dəli laa a naa.


Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.


Ezekiasə ə ɉɛɓɛ́ hon nuąi di di tɔɔ di yəi, ə ɉu woo ɓo, ə lɔ Yai-Laa yəi bɛlɛ́n, ə ɉɛɓɛ́ hu hvólóon Yai-Laa líila.


«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.


Israɛlə mɛ̨i kaa mun, ə́ wəli tɔɔ, yɛ́i yá tɔɔ Ɉosɛfə huwu tənən dɔɔi yɛ taatɛlɛɛ mɛ̨ikaamun, yɛ́i heeni mąąkpɛ malakaɠaa mɛ̨i, ə́ kpɔwɔ lɛ.


Yɛ́ ɓə wɔlɔ lɔi kpalan naa, yələ kɔ́lɔn gaa a ə́ yəi pɔɔ.


Swiv nou:

Piblisite


Piblisite