Tɔɔɓɛlaa veelɛ 18:4 - Yálá laawoo hɛɓɛ (dc)

⁴ Ezekiasə ɓə ɉali kɔ́iɠaa taɠa nɔi, ə gwɛni kalanŋaa taɠa, nwuluɠaai di kɛi gɔ, ə di pɔn, mala kwɛli kaaləi Moisə ə bɛli, ə ɉuyal-yali; mąąhɔlɔɓo, Israɛlə nuą di lɛɛ haláá kulɔi mą, ə lɛɛ la ɉu nwɔ yələi ə həli. Di kɛi kɛ gaaləi tii laa ɓa a: Nehustan.

Yálá laawoo hɛɓɛ

⁴ Ezekiasə ɓə ɉali kɔ́iɠaa taɠa nɔi, ə gwɛni kalanŋaa taɠa, nwuluɠaai di kɛi gɔ, ə di pɔn, mala kwɛli kaaləi Moisə ə bɛli, ə ɉuyal-yali; mąąhɔlɔɓo, Israɛlə nuą di lɛɛ haláá kulɔi mą, ə lɛɛ la ɉu nwɔ yələi ə həli. Di kɛi kɛ gaaləi tii laa ɓa a: Nehustan.

Bible

⁴ È ǹûai díɣâla-pɔkɔŋ fɛli-kwaa-ŋai ma su kàra-kara. È díɣâla-pɔkɔŋ-ŋai wòlo-wolo, é ŋúru kôya-ŋai kara-kara nyii ǹûai dí gbɛ̀tɛ ŋâla-pɔkɔŋ Asira fɛli mɛni mai. È mƃara-kalii wòlo-wolo máŋ nyii Mose è wɔ́lɔ gbɛ̀tɛi. Ǹûai da kâa ǹáa tòli a Niwutaŋ. Ɛsekaya é lɛ́ɛ pâi zu kàra-karai, Eezuɛ-ƃelai da kâa kéreŋ-sɛŋ kúŋ-nɛ̃ɛ kèreŋ mƃara-kalii láai su.

Tɔɔɓɛlaa veelɛ 18:4 Referans Kwoze

Kɔlɔnikɔ Veerɛi 31:1

Di kpɛɛ a mɛ̨nįɠaa tii kəlee kɛɛ, Israɛlə nuą kpɔ tii kɛ laa, dəli Ɉuda taaɠaa hu, diɛ ɉali mąąnįnįnŋąą wolo, diɛ nɔwɔ ɲɔ̨nŋąą hvala, diɛ ɉaláá kulɔiɠaa taɠa; di di kpɛɛ kpɔ tɛ̨ɛ̨tɛ̨ɛ̨ Ɉuda da Bɛnɉamɛn lɔi kəlee; ə mą kɛ, Ɛfraimə da Manase lɔiɠaa kəlee hu. Yili pulu, Israɛlə nuą kəlee di pənə di li di pɔ taaiɠaa.

Tɔɔɓɛlaa veelɛ 18:22

«Ka pɛli nwɔ̨nɔ̨ kɛi diɛ: kwaa ku kilitɔɔ Yai-Laa ku wɔ Yálái ɓa. Yɛ́ Ezekiasə, kɛlɛi yɛ́ ɓə ɉaláá kulɔiɠaa kəlee wolo, yɛ́ kɛ Ɉuda lɔi hu nuą da Ɉerusalɛmə nuą diɛ: Gɛɛnąąɠaai ŋɛ̨i ɓə ka kɛ pɛlɛi laa ka kwɛli hvilɛn haliɠaa diɛ.

Tɔɔɓɛlaa veelɛ 12:3

Ɉoasə ə túwɔ́ a ɉaŋąą Yai-Laa ɲɛ̨i ɓa nwɔ yɛnɛ̨ɛ̨ kəlee yee mu. Mąąhɔlɔɓo, ɉaláá laa həli mun Yohoyada ɓə kɛi ɉutɔɔ.

Tɔɔɓɛlaa dɔlɔɔ 22:43

Ɉosafatə ə hvilɛ gbɔlɔɔ nąn Asa hiɛ pələ hu, hvo kpɛli hvóló túwɔ́ pələ ta ɓa. Yii kpɔ kɛ ɉaŋąą Yai-Laa ɲɛ̨i ɓa, ə yili kɛ.

Nwun mąąɓo 6:28

Yələ wala pɔ, daa nuą di di ɲįnąąɓo, di gaa, daa Baalə kɔ́i kala, nwului kɛ nąą kwɛlɛ, daa gəlee kulɔ, ɉaláá kulɔi nįnɛ̨i tii di bɛli, daa nįŋɛ̨ lon gulɔ laa a haláái da gəlee kələn.

Nwun mąąɓo 6:25

Gbini tɔ̨nɔ̨i tii hu, Yai-Laa yɛ Zedeɔn ɓa: «Ə́ nąn nwɔ nįŋɛ̨ hilɛ gbɔn həɠə, da nįŋɛ̨ hilɛ takpɛli, nwɔ kwɛlan yɛ ɓo mɛ̨ihveelɛ. Baalə nwɔ haláá kulɔi, gaa a ə́ nąn nwɔɔ, nąą wolo, nwulu ŋɛ̨i di gbanwo goo ɓa, diɛ gɔ́, ə́ gulɔ, ə́ ɉu tee.

Dutɛrɔnome 7:5

Bələi mąąnɛ̨ɛ̨ ka nu huwuɠaa tii hon na bələ ka: Ka di wɔ haláá kulɔiɠaa wolo, gwɛniɠaai di ɉaɠa di wɔ haliɠaa mąą mɛ̨nį ɓa, ka di hu yali yali; nwuluɠaa da kɛ dɔɔi di wɔ haliɠaa mąą mɛ̨nį ɓa, ka di hu tee-tee, ka di wɔ haliɠaa kəlee kələn.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Lɛɛ gbɔwɔ ɓa 23:24

Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Kɔlɔnikɔ Veerɛi 33:3

Ɉali kɔ́iɠaa tii nąn Ezekiasə ə di wolo, ə tinɛ̨n ə di tɔɔ, ə Baalə kɔ́iɠaa pɛli, ə wuluɠaa tɔɔ, diɛ gɔ́. Yɛ kwɛli hvilɛn pɛmɛ̨lɛ̨n-gɔwɠaa diɛ, yɛ di mąąwiɛ.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Tɔɔɓɛlaa veelɛ 16:15

Yili pulu, tɔɔmun Akazə yɛ ɉaláá laa həli mun Uriya ɓa: «Ɉaláái da gəlee kələn yələwala da yələwulii, gulɔ; ə tɔɔmun nwɔ haláái da gəlee kələn, da Yálá kɔ́ haláá, ə pɛlɛ la nɔi lonnii kəlee di wɔ haláái da gəlee kələn diɛ, da, Yálá kɔ́ haláá, ə́ nɔɔ pu haláá kulɔi kɛnɛ̨ mɛ̨i. Ə́ həɠə laa, ɉaláá taatɛlɛɛi da gəlee kələn ɲąmą, Yálá haláá taatɛlɛɛ ɲąmą, ə́ gəlee pu ɉaláá kulɔi kɛnɛ̨ mɛ̨i. Mala kwɛli haláá kulɔi nwɛi, ɲą́ą́ gbínii gáá pai gɛ pələ kwɛlii mą.»

Tɔɔɓɛlaa veelɛ 15:35

Kɛlaa ə mą kɛ tii, ɉali kɔ́iɠaa di hvo kpɛɛ nɔi, nuą di kɛi lɔ li diɛ haláá kulɔ gɛɛnąąɠaa tii, diɛ lansan kələn nąą. Yotamə ɓə Yai-Laa nwɔ pɛlɛ́ ɲələi pələ kpon doo.

Tɔɔɓɛlaa veelɛ 15:4

Kɛlaa, ə mą kɛ tii, nuą di wɔ hali kɔ́iɠaa di hvo kpɛɛ nɔi; nɔi lonnii di kɛi lɔ haláá kulɔ gɛɛnąąɠaa tii, diɛ lansan kələn ɉaláá kulɔiɠaa tii ɓa.

Tɔɔɓɛlaa veelɛ 14:4

Kɛlaa, haláá kulɔiɠaa di hvo kpɛɛ nɔi; nɔi lonnii di kɛi lɔ li diɛ halááɠaa kulɔ, diɛ lansan kələn gɛɛnąąɠaa tii ɓa.

Tɔɔɓɛlaa veelɛ 23:4

Tɔɔmun ə mąą laa tɛɛ ɉaláá laa həli mun gɛnɛ̨ Hilkiyahu, da ɲee pɔ nuą ɉaláá kulɔ mɛ̨nį hu, da bɛlɛ́ laaləi mąąkpɛ nuą, yɛ diɛ: ɉɛnŋąą kpɔ di lɔ la Yai-Laa hee pɛlɛ́ mu, yɛ ɓo a Baalə da Asera da yələ kwəi hɛnŋąą di mąąwiɛ hɛnŋąą, di kəlee kulɔ laa, di kulɔ la Ɉerusalɛmə taa pulu pələ, di di kələn Sedrɔn ɓoloon ɉu, di nuwu həɠə di paa la Betɛlə daai.

Lɛɛ gbɔwɔ ɓa 34:13

Kɛlaa, mąąnɛ̨ɛ̨ ka di wɔ haláá kulɔiɠaa kala, ka di wɔ haláá kwɛniɠaa taɠa, nwuluɠaai da kɛ gɔi, ka gəlee pɔn.

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Azaya 36:7

Ə́ kaa nwɔ̨nɔ̨ kɛi mą: Yai-Laa ɓə a ku wɔ Yálá, ya ɓə kwa ku kilitɔɔmą. Kɛlɛi yaa tii ɓə Ezekiasə ə nwɔ haláá kulɔiɠaa taɠa, da gɛɛnąąɠaai da gɔ laa? Yɛ kɛ Ɉuda lɔi da Ɉerusalɛmə taa diɛ: Ɉaláá kulɔi ŋɛ̨i ɓɛ Ɉerusalɛmə, nąą ɓə mąąnɛ̨ɛ̨ ka pa kaa kwɛli hvilɛn naa mą.

Dutɛrɔnome 5:5

Ɛlɛɛ ɲą́ą́n, ŋį́ ɓo tɔɔni ka Yai-Laa ni ka lɔwai. Gɛ́ Yai-Laa lawoo laa həli kaa. Mąąhɔlɔɓo, ka kɛi ɲɔw nwɔ̨n ma, yili ɓə gɛ ka tɛ ɲee ɓa. «Ə mo yɛ diɛ:

Tɔɔɓɛlaa veelɛ 10:26

Di ɉaláá kwɛniɠaa kulɔ Baalə nwɔ pɛ́lɛ́i mu, di di kələn.

Tɔɔɓɛlaa veelɛ 11:18

Nu kpului tii kəlee di lɔ Baalə nwɔ pɛlɛ́i mu, di bu, di nwɔ haláá kulɔi taɠa, di mąąnįnįnŋaa kala, di Baalə nwɔ haláá laa həli mun Matan paa ɉaláá kulɔiɠaa lííla. Ɉaláá laa həli mun Yohoyada ə gulááɠaa tɔɔ Yai-Laa yəi bɛlɛ́ laaləi.

Tɔɔɓɛlaa veelɛ 23:14

Gwɛniɠaa ŋɛ̨i di kɛi haláá kulɔ mą, da nwului di dɔɔ diɛ haláá kulɔ mą, Ɉosiasə ə gəlee taɠa. Ə nu kɔ́wɠaa pu laa.