Tɔɔɓɛlaa veelɛ 18:35 - Yálá laawoo hɛɓɛ (dc)

³⁵ Ɉaliɠaa tii, nɛlɛ kpɔ ɓə pɛli nwɔ lɔi kulɔi ɲə́i, yai, ka kɛ diɛ: Yai-Laa a pɛli Ɉerusalɛmə taa kulɔi ɲə́i!»

Yálá laawoo hɛɓɛ

³⁵ Ɉaliɠaa tii, nɛlɛ kpɔ ɓə pɛli nwɔ lɔi kulɔi ɲə́i, yai, ka kɛ diɛ: Yai-Laa a pɛli Ɉerusalɛmə taa kulɔi ɲə́i!»

Bible

³⁵ Ŋâla-ŋai ŋí da fé pɔri ní dínûai ƃâloi dí díkula Asiria kaloŋ yêei. Ká lâai la Yâwɛɛ Káɣâlai a pâi pɔrîi Zerusâlɛŋ maa kɔ̃ɔ̂i?”

Tɔɔɓɛlaa veelɛ 18:35 Referans Kwoze

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Azaya 10:15

Akɛtii, yowa a mɔ̨ɔ̨ nwun dɛ, nui kóló kɛi la mɛ̨i? Gbɛa a mɔ̨ɔ̨ nwun dɛ nui kóló kɛi la mɛ̨i? Awala kɛtii, gbɔn a mɔ̨ɔ̨ pɛli nui gaa ɲee ŋą, ə dənən dɔɔi? Tunwɔ̨n a mɔ̨ɔ̨ pɛli dumo dɔɔi, nąmu tɛɠii?

Kɔlɔnikɔ Veerɛi 32:15

Ə həli kani kaa! Ezekiasə hvo kɛ gaa ka lɔi mu, hvo ka ɓowo lɔ tii! 'Ka hvo laa na, mąąhɔlɔɓo, lɔi ta hvo laa, tɔɔlaa ta hvo laa, yii nwɔ haliɠaa da pɛli di di kulɔ ɲə́ə́ ŋą gwa ną́nni; gu hvo mun kɛ ka wɔɔ haliɠaai, di hva pɛli mą ka kulɔi ɲə́ə́ ŋą!»

Tɔɔɓɛlaa veelɛ 19:17

Yai-Laa tɛ̨ą li, Asiri tɔɔɓɛlaa daa lɔi tamąą hu nuą mąą mɛ̨nį pili ɉu;

Lɛɛ gbɔwɔ ɓa 5:2

Eziptə tɔɔmun yɛ diɛ: «Gbɛɛ ɓaa Yai-Laa yai ŋą́ nwoo hon ti, gɛ́ ɓo Israɛlə lonnii ɓa? Və́ Yai-Laa kɔ́lɔn, ɛlɛɛ vá pɛli Israɛlə lɛɛi laa hvo li.»

Tɔɔɓɛlaa veelɛ 18:36

Nuą kəlee di di laa pilɛ, di hvo nwoo pulu pənə kpɛli tɔ̨nɔ̨. Mąąhɔlɔɓo, tɔɔmun ə kɛ diɛ: Ka hvo nwoo ŋąąpənə.

Tɔɔɓɛlaa veelɛ 19:4

Asiri tɔɔmun nwɔ kɔ́ kɔ́ kwɛli hɛn ɉəɠə mun ŋɛ̨i ə dɔɔ, yɛ pa Yálá hvulú lalan ɉii, Yai-Laa kaa kiɛ pai nwoo mɛ̨n ɉii. Nwooɠaa tii mąą mɛ̨nį ɓa, Yai-Laa ə́ wɔ Yálá kaa pai nwąną kulɔi mą, nwaa wooɠaa tii mąą mɛ̨nį ɓa. Esai! Ə́ woo tɛ Yai-Laa ɓa, nu kpəli woloi aa lɛɛ mąą mɛ̨nį ɓa.›»

Mąątɛ̨nɛ̨ 59:7

Yələ wilii pɔ, da kɛi pai, diɛ hvaa nwɔ̨ɔ̨, yɛ yilɛlɛa, diɛ lia tɛɛ daa pɔ.

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Tɔɔɓɛlaa veelɛ 19:11

Yɛ́ kpinįi, mɛ̨nįɠaai Asiri tɔɔmun aa nąą lɔiɠaa diɛ, ə́ gɔlɔn. Aa di kəlee di nwun napili, akɛti, yɛ́i ŋɛ̨i, yá pɛli mɔ̨ɔ̨ kulɔi ɲə́i?