Tɔɔɓɛlaa veelɛ 18:22 - Yálá laawoo hɛɓɛ (dc)

²² «Ka pɛli nwɔ̨nɔ̨ kɛi diɛ: kwaa ku kilitɔɔ Yai-Laa ku wɔ Yálái ɓa. Yɛ́ Ezekiasə, kɛlɛi yɛ́ ɓə ɉaláá kulɔiɠaa kəlee wolo, yɛ́ kɛ Ɉuda lɔi hu nuą da Ɉerusalɛmə nuą diɛ: Gɛɛnąąɠaai ŋɛ̨i ɓə ka kɛ pɛlɛi laa ka kwɛli hvilɛn haliɠaa diɛ.

Yálá laawoo hɛɓɛ

²² «Ka pɛli nwɔ̨nɔ̨ kɛi diɛ: kwaa ku kilitɔɔ Yai-Laa ku wɔ Yálái ɓa. Yɛ́ Ezekiasə, kɛlɛi yɛ́ ɓə ɉaláá kulɔiɠaa kəlee wolo, yɛ́ kɛ Ɉuda lɔi hu nuą da Ɉerusalɛmə nuą diɛ: Gɛɛnąąɠaai ŋɛ̨i ɓə ka kɛ pɛlɛi laa ka kwɛli hvilɛn haliɠaa diɛ.

Bible

²² Asiria kɔ-kɔ-ƃela mɛi-nuui è lì tuɛ a ŋ̀óo, “Kpaa Ɛsekaya kíli tɔɔ̂i nâa Yâwɛɛ, Káɣâlai ma? Ɛsekaya fé Yâwɛɛ fɛli kwaa-ŋai ma su kara ní, é ŋɔŋâla-teƃele-ŋai wólo, fɛ̂ɛ nɔ́ Yâwɛɛ fɛli kwaa-ŋai dɔnɔ ma da ǹaa Ɣâla-teƃelei? Vé mó ní Zerusâlɛŋ da Zuda-ƃelai dîa a gɛɛ gwaai tí ma nɔ́ ƃé fɛ̂ɛ dí Ɣâla fɛli naa Zerusâlɛŋ?

Tɔɔɓɛlaa veelɛ 18:22 Referans Kwoze

Kɔlɔnikɔ Veerɛi 31:1

Di kpɛɛ a mɛ̨nįɠaa tii kəlee kɛɛ, Israɛlə nuą kpɔ tii kɛ laa, dəli Ɉuda taaɠaa hu, diɛ ɉali mąąnįnįnŋąą wolo, diɛ nɔwɔ ɲɔ̨nŋąą hvala, diɛ ɉaláá kulɔiɠaa taɠa; di di kpɛɛ kpɔ tɛ̨ɛ̨tɛ̨ɛ̨ Ɉuda da Bɛnɉamɛn lɔi kəlee; ə mą kɛ, Ɛfraimə da Manase lɔiɠaa kəlee hu. Yili pulu, Israɛlə nuą kəlee di pənə di li di pɔ taaiɠaa.

Korɛntə dɔlɔɔ 2:15

Nui Yálá nwɔ Kilii yee kɔnma nwɛi, a mɛ̨nį kəlee hutɔɔ, ɛlɛɛ, nu ta hva pɛli naa ɲɔ̨nwɔ̨ɔ̨ ɓoi.

Maafîu 27:43

Ə gilitɔɔi Yálá ɓa, ə mo yɛ diɛ: ‹Gáá a Yálá Lon.› Yili ɓa, ka gu gu ɲɛ̨i hee laa, akɛ Yálá kaa pai nwun gulɔi.»

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Azaya 36:7

Ə́ kaa nwɔ̨nɔ̨ kɛi mą: Yai-Laa ɓə a ku wɔ Yálá, ya ɓə kwa ku kilitɔɔmą. Kɛlɛi yaa tii ɓə Ezekiasə ə nwɔ haláá kulɔiɠaa taɠa, da gɛɛnąąɠaai da gɔ laa? Yɛ kɛ Ɉuda lɔi da Ɉerusalɛmə taa diɛ: Ɉaláá kulɔi ŋɛ̨i ɓɛ Ɉerusalɛmə, nąą ɓə mąąnɛ̨ɛ̨ ka pa kaa kwɛli hvilɛn naa mą.

Kɔlɔnikɔ Veerɛi 32:12

Kɛlɛi, Ezekiasə ɓə tii yə! A yaai nuą hvaaiɠaa kala, ə ɉali kɔ́ɠaa taɠa, yɛ kɛ Ɉuda da Ɉerusalɛmə nuą diɛ: 'Ka kwɛli hvilɛn nɔ Yálá ɓa yaa tɔ̨nɔ̨, ka lansan kələn Yálá kɔ́i tanɔ̨n tii ɓa-e?

Tɔɔɓɛlaa veelɛ 18:23

Yiihu kɛa, ku wɔ mɛ̨nį nąmu Asiri tɔɔmun paapɔlɔn dɔɔ kani; ŋą́ pɛli ŋą́ hoo waa hveelɛ tɛɛ ə́ pɔ, akɛ yá nuą hɔlɔɓo diɛ pɛli di gilɛ həɠəi!

Tɔɔɓɛlaa veelɛ 19:6

Yili yɛ diɛ: «Mɛ̨nįi ka lii moi ka Nąmu ɓa, ya ka, Yai-Laa woo li, yɛ diɛ: Nwooɠaai ə́ kaa mɛ̨n ɉii, da nalan ŋɛ̨i Asiri tɔɔmun nwɔ nui ə mo, hvo ɲɔw yili ɓa.

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:14

Ɓɛi lɔ tii Yai-Laa kaa pai ɲee kpuwɔ lɛi laa ka huwu ta nwɔ lɔi hu, nąą lɔ ɓə ka káá pai kɛi ka wɔ haláái kulɔi laa. Kaa Yálá hɛɠɛɛɓo laa. Mɛ̨nįɠaa kpɔ gáá ka tíi la nąą ɓə ka káá pai kɛi di kɛi laa