Tɔɔɓɛlaa veelɛ 17:21 - Yálá laawoo hɛɓɛ (dc)

²¹ Ɓɛlɔwai Yai-Laa ə Israɛlə kulɔ la Davidə nwɔ pɛ́lɛ́i ɓa, nąąlɔwai ɓə di Nevatə lon Ɉeroboamə hee la a tɔɔmun. Ɉeroboamə ə Israɛlə nwun ɉu lan, yɛ mąąkwɛa Yai-Laa ɓa, ə ɲee lɔ nɛ̨ŋɛ̨n gɛnɛ̨ hu.

Yálá laawoo hɛɓɛ

²¹ Ɓɛlɔwai Yai-Laa ə Israɛlə kulɔ la Davidə nwɔ pɛ́lɛ́i ɓa, nąąlɔwai ɓə di Nevatə lon Ɉeroboamə hee la a tɔɔmun. Ɉeroboamə ə Israɛlə nwun ɉu lan, yɛ mąąkwɛa Yai-Laa ɓa, ə ɲee lɔ nɛ̨ŋɛ̨n gɛnɛ̨ hu.

Bible

²¹ Tãi Yâwɛɛ è Eezuɛ lɔii kula la Zuda lɔii mai, Eezuɛ-ŋai dí wɔ́lɔ Neba ǹóŋ Zɛroboaŋ ma a gɛ́ɛ é kɛ̀ a díkâloŋ. Zɛroboaŋ è Eezuɛ-ŋai kɛ̀ dí kpéra Yâwɛɛ fɛliɛɛ ma ǹyaŋ dí sɔnyɔ̂ŋ su kɛ́tɛ kɛ̀.

Tɔɔɓɛlaa veelɛ 17:21 Referans Kwoze

Tɔɔɓɛlaa dɔlɔɔ 11:11

Yai-Laa yɛ Salomɔn ɓa: «Yɛ bələi yáá túwɔ́ la tii a ɲɔ̨nwɔ̨ɔ̨, nwóói ŋą́ gwɛlɛ yɛ́, hvó ɉon ni, hvó nwɔ́ tɔ́n hon ni, yai ŋą́ mo yɛ́; gáá pai dɔɔlaa kulɔi ə́ yəi, ŋą́ dɛɛ ə́ yee pɔ mun da pɔ.

Tɔɔɓɛlaa dɔlɔɔ 11:31

Yili pulu, yɛ Ɉeroboamə ɓa: «Gbuɔ pow həɠə! Mąąhɔlɔɓo, mɛ̨nįi Yai-Laa Israɛlə nwɔ Yálá ə mo ya ka: ‹Gáá pai dɔɔlaa kulɔi Salomɔn yəi, nɔi Salomɔn yəi, ŋą́ bow tɛɛ ə́ pɔ.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Azaya 7:17

Kɛlaa, yɛ́ ka ə́ nąn nonnii, da ká ə́ wɔ lɔi hu nuą ka wɛi, Yai-Laa kaa pai hvólóɠaa hɔɔi ka mɛ̨i, yii ɉuwu ta hvo ta muhəɠə li tii, ə həɠə ɲələi Ɛfraimə lɔi da Ɉuda lɔi di di ɓɛlaɓo la. Asiri tɔɔmun.»

Mąątɛ̨nɛ̨ 25:11

Ə́ laa mąąwiɛ mɛ̨nį ɓa, Yai-Laa, nwɔ́ nɛ̨ŋɛ̨n mąąhvaa lɛɛ, gɛnɛ̨ ɓə!

Kɔlɔnikɔ Veerɛi 11:15

Kɛlaa, Ɉeroboamə ə haláá laa həli nuą hee a nwɔɔ, hali kɔ́iɠaa ɓa, diɛ ɓaa a ɓooli hilɛɠaa da nįŋɛ̨ lonnii di di pɛli.

Kɔlɔnikɔ Veerɛi 11:11

Ə di wɔɔ hįį nwąnąɠaai mąą tɔɔ, ə di ɲąąwooɓo nuą hee laa, kɔ̨nɔ̨nŋąą, wulɔ da lɔɔ pui kɛ mą.

Tɔɔɓɛlaa dɔlɔɔ 14:8

Ŋą́ dɔɔlaa kulɔ Davidə nwɔ pɛ́lɛ́i yəi, ŋą́ dɛɛ ə́ pɔ; kɛlaa, hvó gɛ li yɛ bələi nwɔ́ tímun Davidə ə gɛ la. Nwɛi, ə ɲee kɛ nwɔ́ tiɓoɠaai diɛ, ɛlɛɛ, ə kanąn mą́ą́ gwəi tɔ̨nɔ̨ mɛ̨i. Mɛ̨nįi kɛ ɉaŋąą ɲɛ̨́i mu, ya lɔ ɓə ə kɛi gɛ.

Samuɛlə dɔlɔɔ 2:24

Ka kpɛla mą nónnii, mɛ̨nįi Yai-Laa nwɔ nu huwui kaa Lɛa mo a ka laa hvo kpɔ lɛlɛ li.

Samuɛlə dɔlɔɔ 2:17

Eli lonnii di wɔ nɛ̨ŋɛ̨n kɛnɛ̨i kɛ Yai-Laa ɲɛ̨i ɓa, mąąhɔlɔɓo, di kɛi Yai-Laa nwɔ haláái hon a mɛlɛ too pələ.

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Zɛnɛse 20:9

Abimelɛkə ə Abrahamə təli, ə mąąnikɛ, yɛ mą: «Túwɔ́ ləi ɓə ŋɛ̨i ə́ mo a kuɔi? Lə mɛ̨nį ɓə ŋį́ gɛ a yɛ́ a ɲɔ̨nwɔ̨ɔ̨, yaai ə́ kɛ bɔ, ə́ ɲą́ą́ kwa nwɔ́ lɔi hu nuą kəlee, ku kɛ a mɛ̨nį ɲɔ̨n gɛnɛ̨ kɛ nuą? Pələi tii ə́ gɛ la a ɲą́ą́, nu hva túwɔ́ tii.

Tɔɔɓɛlaa dɔlɔɔ 13:34

Yili ɓə kɛ a nɛ̨ŋɛ̨n Ɉeroboamə nwɔ pɛ́lɛ́i ə ɉəɠə yaa li. Yili mąą mɛ̨nį ɓə gɛ, ɉuwu yɛ kpɛɛ lɔi mɛ̨i.

Tɔɔɓɛlaa veelɛ 17:22

Nɛ̨ŋɛ̨nŋaa kpɔ Ɉeroboamə ə ɉəɠə, Israɛlə lonnii di hvilɛn gəlee pulu, di hvo dai lɔpee mąąlaa.

Tɔɔɓɛlaa veelɛ 3:3

Kɛlaa yaamun, nɛ̨ŋɛ̨n Nevatə lon Ɉeroboamə ə Israɛlə yee lɔ ɉu, Yoramə ə lɛɛ a ganąŋąą nɛ̨ŋɛ̨n tii ɓa, hvo kpɔ bulu tɔɔ mą.