Tɔɔɓɛlaa veelɛ 17:16 - Yálá laawoo hɛɓɛ (dc)

¹⁶ Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Yálá laawoo hɛɓɛ

¹⁶ Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Bible

¹⁶ Eezuɛ-ƃelai dífe díwoli tɔ̀ɔ ní dɔ̂ŋ-ŋai dîa nyii Yâwɛɛ Díɣâlai è dɛ̀ɛ dípɔi. Dí niŋa-loŋ pɔkɔɔŋ feerɛ kpɛ̀tɛ díkpîŋ mɛni ma a kɔli a gɛɛ díkɛ vɛ̀li. Dí wúru kôya tɔ̀ɔ ŋâla-pɔkɔŋ Asira fɛli mɛni ma. Dí kɛ̀ máŋ bɛ̂mɛlɛŋ-kao-ŋai fɛlîi da Bêe ɣala-pɔkɔŋ.

Tɔɔɓɛlaa veelɛ 17:16 Referans Kwoze

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Tɔɔɓɛlaa dɔlɔɔ 14:15

Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Tɔɔɓɛlaa dɔlɔɔ 12:28

Giliŋąhiɛ taaləi tii kɛi ə mo, ə nįŋɛ̨ lon mąąnįnįn veelɛ pɛli a hɛni. Yɛ nuą diɛ: «Kaa wɔlɔ lamun lii Ɉerusalɛmə, Israɛlə nuą. Yálái ka kulɔ Eziptə, ya ka.»

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Tɔɔɓɛlaa veelɛ 11:18

Nu kpului tii kəlee di lɔ Baalə nwɔ pɛlɛ́i mu, di bu, di nwɔ haláá kulɔi taɠa, di mąąnįnįnŋaa kala, di Baalə nwɔ haláá laa həli mun Matan paa ɉaláá kulɔiɠaa lííla. Ɉaláá laa həli mun Yohoyada ə gulááɠaa tɔɔ Yai-Laa yəi bɛlɛ́ laaləi.

Tɔɔɓɛlaa dɔlɔɔ 22:53

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, Akazia ə ɲee lɔ ɉu, ə hvilɛn nąn da nee di túwɔ́ pələ pulu. Ə mą kɛ a Ɉeroboamə, yai kɛ a Nevatə lon, yai Israɛlə yee lɔ nɛ̨ŋɛ̨n ɉu.

Tɔɔɓɛlaa dɔlɔɔ 16:33

Akabə ə wulu ta tɔɔ, diɛ gɔ́. Yai-Laa Israɛlə nwɔ Yálái liikələn gwəi túwɔ́i di kɛi ɓo da lɔ ɓə ə kɛi pɛlɛ mą, ɲee yɛ tɛɛ Israɛlə tɔɔɓɛlaa kpɔ kɛ dɔwɔ Israɛlə lɔi hu gəlee diɛ.

Tɔɔɓɛlaa dɔlɔɔ 15:13

Ɛlɛɛ, ə nee Maaka nwɔ tɔɔmun nee laa kulɔ ɲəi, mąąhɔlɔɓo, nɛ̨ɛ̨nui tii aa kɛ ɓɛlɛkpɛɛmąą wulu ta tɔɔ Asera laa hu diɛ haláá kulɔ mą, Asa ə nwului tii hu tee tee, ə gələn Sedrɔn moloon ɉu.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Tɔɔɓɛlaa veelɛ 17:10

Diɛ hali kɔ́iɠaa tɔɔ, diɛ wuluɠaa tɔɔ, diɛ haláá kulɔ mą, ɲeeɠaa kəlee nwuɔ̨, da wuluɠaai nąą ŋąąnɛ̨ɛ̨ mą di mu.

Lɛɛ gbɔwɔ ɓa 32:8

Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Lɛɛ gbɔwɔ ɓa 32:4

Aarɔn ə ɉon di yəi, ə bɛli a nįŋɛ̨ lon mąą nįnįn. Nąąlɔwai, nuą diɛ kɛa kɛ diɛ: «Israɛlə ka gu wɔ yálái ka; yai gu kulɔ Eziptə lɔi hu.»

Dutɛrɔnome 16:21

Ɉaláá taɓalii ka káá pai dɔɔi Yai-Laa ka wɔ Yálá ɓa, ka hvo wulu ta tɔɔ gwɛlɛ, kaa gɔ́.

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Izikiɛ 23:8

Ə nwɛli mɛ̨nįi ti kpalatɔɔ Eziptə lɔi hu; a ɓɛlɔwai da yaa di kɛi laa la, ə ɓo nii a nɛ̨ɛ̨non; ɓɛlɔwai di kɛi ɲįnį hon na, diɛ pɛli wɛli pələ kəlee kəi la. Ɲee ə kɛ lɔ nwɛli honŋąąi ti hu.

Levetekɔ 26:1

«'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Tɔɔɓɛlaa veelɛ 1:2

Yələ ta, tɔɔmun Akaziasə ə kɛ ɲəi dɔɔ pɛlɛ́ ɲimąn mu ɲələi, Samari, ə kulɔ vaŋą pili ə too, ə mąą nwąną kpɔ kɛnɛ̨. Tɔɔmun ə nɛɛ mą ə nuą tɔɔ, diɛ li Baalə-Zebubə mąąni gɛi. Baalə-Zebubə tii ɓə kɛ a Ɛkrɔn nuą di wɔ hali.

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Tɔɔɓɛlaa veelɛ 18:6

Ɛlɛɛ, ə ɲee ganąn Yai-Laa ɓa, hvo həɠə bulu. Dɔ́n nwooɠaai Yai-Laa ə di tɛɛ Moisə pɔ, ə ɲee kanąn gəlee diɛ.

Azaya 2:8

Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.