Bib sou entènèt

Paj dakèy
Bib sou entènèt
Tɔɔɓɛlaa veelɛ 17:13

Tɔɔɓɛlaa veelɛ 17:13 - Yálá laawoo hɛɓɛ (dc)

¹³ Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Gade chapit la Kopi

Yálá laawoo hɛɓɛ

¹³ Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Gade chapit la Kopi

Bible

¹³ È kɛ̀ tí, Yâwɛɛ è ŋɔlóno-ƃelai da ŋɔworɛ̂-woo ƃó-ƃelai tɛ̀ɛ a gɛɛ dí Eezuɛ da Zuda-ƃelai lia-woo ƃò a ŋ̀óo-ŋai ŋí. “Ńyãa, Yâwɛɛ ŋa môi kâa a gɛɛ ká kpéra mɛni nyɔ́mɔɔ-ŋa kɛ́ɛ ma, ká pɛ́lɛ ŋátɔ̂ŋ-ŋai mɛi káa ma da ŋásɛŋ-lɛɛ-ŋai! Ŋá wɔ́lɔ dítɛ̀ɛ kánuu-pɔlɔ-ŋai pɔ́, ǹyaŋ ŋá mò ŋátii-kɛ-ƃelai dîa nyii-ŋai kɛ̀ a ŋálono-kɛ-ƃelai a gɛɛ dí mó kâa, káa máŋ.”

Gade chapit la Kopi

tounen moute ⬆

Tɔɔɓɛlaa veelɛ 17:13
47 Referans Kwoze

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Samuɛlə dɔlɔɔ 9:9

Di kɛi wɔlɔ mo diɛ kɛ Israɛlə lɔi hu, nuą da kɛi li Yálá mąąnin gɛ, da kɛ diɛ: «Ka pa, ka gwə li gɛɛkaamun bɔ», mąąhɔlɔɓo Yálá kwəi mɛ̨nį hukulɔ mun mə di kɛi kɛ mą wɔlɔ kɛɛkaamun.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Ɉeremi 42:19

Kaai ŋɛ̨i a Ɉuda nuą gbəli; Yai-Laa yɛ kaa: 'Ká hvo li Eziptə. Ká ɲɛ̨i ɓa li, ŋą́ą́ mo káá, gɛ gwɛla ɉu háákələi.

Mąątɛ̨nɛ̨ 50:7

Nwɔ́ nu huwui! 'Ka ka wəli tɔɔ, gáá mɛ̨nį ɓoi, Israɛlə, gáá ə́ hɔn moi; «ɲą́ą́ ɓə gaa a Yálá, ə́ wɔ Yálá ɓaa a Ɲą́ą́!»

Kɔlɔnikɔ Maa-ŋuŋ 29:29

Tɔɔmun Davidə kɛ mɛ̨nįɠaa dɔlɔɔ tɔlɔɔɠaa da gbɛlamąąɠaa, di bɛ̨ɛ̨ gɛɛ kaamun Samuɛlə, da Yálá kwəi mɛ̨nį hukulɔ mun Natan di wɔ hɛɓɛ́i hu, da gɛɛ kaamun Gadə nwɛi hu,

Tɔɔɓɛlaa veelɛ 17:23

Yili ɓə gɛ, Yai-Laa yɛ di kpɛ ɲɛ̨i mu, yɛ bələi ə bu la nwɔ tínuą kəlee la, diɛi kɛ a gwəi mɛ̨nį hukulɔ nuą, diɛ mo. Di Israɛlə kulɔ nwɔ lɔi hu, di li la kwɛaa la Asiri lɔi hu, gaa ni laa.

Zasua 23:16

Mįnɛ̨i Yai-Laa ka wɔ Yálái da ka nąnnii di ɉəɠə, yai ə naa ka nwuɔ̨, ka ɉukala, kaa hvilɛn haliɠaa pulu, kaa kwɛli hvilɛn diɛ; Yai-Laa nwɔ liiɲąnwąną a ɓɛla ka mɛ̨i, ka kpɛɛ kpɔ a ɉu kpua nɔi lɛlɛɛ ŋɛ̨i ə dɛɛ ka pɔ ɉu.»

Dutɛrɔnome 8:19

Kɛlaa, Ka lɛ̨ą Yai-Laa ka wɔ Yálái ɓa, kaa hvilɛn haliɠaa pulu, kaa tí diɛ, kaa pɛlɛ di lííla; gáá moi kaa, gɛ́ gwɛla ɉu! Ka nwun na a pili kpɔ tɛ̨ɛ̨tɛ̨ɛ̨.

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Nwun mąąɓo 6:10

Ŋą́ mo kaa, gɛ́ kaa: Ɲą́ą́ ɓə gáá a Yai-Laa, ka wɔ Yálá, mąą hvo nɛ̨ɛ̨li ka hvo kwɛli hvilɛn Amɔrə nuą di wɔ haliɠaai di kaa laa diɛ, ɓɛi ka káá laa heeni. Ya ka ti, ka hvo nwóó hon ni!»

Zôo 36:10

A di wəli laa ɓo kili pu ɉu mɛ̨nį tɔwɔ, yɛ diɛ di lənə túwɔ́ pələ ɲɔ̨n gulaa ɓa.

Ɉeremi 3:7

Ŋą́ kɛi kɛ diɛ: a kpɛɛ a mɛ̨nįɠaa tii kəlee kɛɛ, gaa pai pənəi ə pa bɔ́, kɛlaa, hvo gɛ li hvo pa bɔ́; Ɉuda nuą ŋɛ̨i di woo lɛɛ, di ɲɛ̨i heɛ laa diɛ nąą kaa.

Ɉeremi 34:14

‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Izikiɛ 3:19

Kɛlaa, yá nu ɲɔ̨nwɔ̨ɔ̨ kili ɲą pɔ̨nɔ̨, ɛlɛɛ, a wala bulu tɔɔ nwɔ kili ɲɔ̨nwɔ̨ɔ̨i ɓa, da nwɔ tuwɔ pələ ɲɔ̨n, yai ti ɓə pai haai a nwɔ nɛ̨ŋɛ̨n laa pɔɔ, kɛlaa ə́ wɛi, yá kulɔ ɉu nɛ̨ŋɛ̨kpɛlɛɛ.

Danîa 9:10

Ɓɛlɔwai ə́ kɛi ə́ wɔ tɔ́n tɛɛ laa ku pɔ, ə́ wɔ loloɓo nuąi haalai, ku hvo kɛ ku wəli tɔɔ li ə́ woo ɓa, ku kulɔ ə́ woo mu.

Osia 11:2

Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Osia 12:10

Kɛlaa, ɲą́ą́ nwɛ́i, ɲą́ą́ Yai-Laa, ə́ wɔ Yálá ɓaa a ɲą́ą́, ə həɠə Eziptə lɔi hu, ə həli la yiihu ɓa. Gáá pai pənəi ŋį́ ə́ lɔ ə́ wɔ həɠə pɛlɛ́ɠaai mu, yɛ bələi ə kɛ la, a ɲələi tii, gwa kaani gu gu kee kaa la.

Nwun mąąɓo 6:8

Yai-Laa ə gwəi mɛ̨nį hukulɔ mun da tɔɔ, yili yɛ diɛ: «Yai-Laa, yii gaa a Israɛlə nwɔ Yálá, nwoo ka, yɛ diɛ: Ɲą́ą́ ɓə ka kulɔ Eziptə, luwɔlaa hu.

Tɔɔɓɛlaa dɔlɔɔ 16:1

Yai-Laa ə mɛ̨nį ɓo Hanani lon Ɉehu ɓa, yɛ hvilɛn na Baesa ɓa, yɛ mą:

Tɔɔɓɛlaa dɔlɔɔ 16:7

Hanani lon Ɉehu, yai kɛ a Yálá kwəi mɛ̨nį hukulɔ mun, ya ɓə nwɔ̨nɔ̨ Yai-Laa ə hvaa bɔ, yɛ naa həli Baesa ɓa, da nwɔ pɛ́lɛ́i, yɛ hvilɛn na mɛ̨nį ɲɔ̨n kpɔ ə gɛ Yai-Laa ɲɛ̨i ɓa, mąą mɛ̨nį ɓa. Yii kpɔ tii Yai-Laa liikələn gwəi, yaai ə hvilɛn na Ɉeroboamə túwɔ́ pələ pulu, ɛlɛɛ, yili yəi bɛlɛ́n nuą paai ə mo.

Tɔɔɓɛlaa veelɛ 18:6

Ɛlɛɛ, ə ɲee ganąn Yai-Laa ɓa, hvo həɠə bulu. Dɔ́n nwooɠaai Yai-Laa ə di tɛɛ Moisə pɔ, ə ɲee kanąn gəlee diɛ.

Tɔɔɓɛlaa veelɛ 21:10

Yili ɓə gɛ, Yai-Laa ə bələi ŋɛ̨i ɓo nwɔ loloɓo nuą diɛ, yɛ diɛ:

Zôo 11:14

mɛ̨nį ɲɔ̨n a kɛ ə́ yee ŋą, bili kwɛa la. Ɛlɛɛ mɛ̨nį ɲɔ̨n və kɛa kɛ ə́ yəi bɛlɛ́n.

Ɉeremi 11:7

Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Swiv nou:

Lyen patwone

Piblisite

Piblisite