Tɔɔɓɛlaa veelɛ 16:7 - Yálá laawoo hɛɓɛ (dc)

⁷ Akazə ə nuą tɔɔ Asiri tɔɔmun Tiglatə-Pilesɛrə pɔɔli, yɛ mą: «Gáá a ə́ lon, da ə́ wɔɔ tímun, pa ə́ gúlɔ Aramə tɔɔmun da Israɛlə tɔɔmun di yəi, daa yili mą́ą́ a kɔ́.»

Yálá laawoo hɛɓɛ

⁷ Akazə ə nuą tɔɔ Asiri tɔɔmun Tiglatə-Pilesɛrə pɔɔli, yɛ mą: «Gáá a ə́ lon, da ə́ wɔɔ tímun, pa ə́ gúlɔ Aramə tɔɔmun da Israɛlə tɔɔmun di yəi, daa yili mą́ą́ a kɔ́.»

Bible

⁷ Zuda kaloŋ Eɣa è worɛ̂ tɛ̀ɛ Asiria kaloŋ Tigila Pileza pɔ́ naa ǹyɛɛ mai, “Ŋ́gaa a íyee-mu-nuu da íloŋ. Kpera yɛ̂ɛ, pá í kpɔŋ-maa tɛɛ ḿbɔ í ŋáfulu-laai maa-kɔ̃ɔ kpɛ́ni fêi, Siria Kaloŋ Leziŋ da Eezuɛ kaloŋ da kɔ́ pɛ́lɛ mâ.”

Tɔɔɓɛlaa veelɛ 16:7 Referans Kwoze

Tɔɔɓɛlaa veelɛ 15:29

Israɛlə tɔɔmun Peka nwɔ lɔwai hu, Asiri tɔɔmun Tiglatə-Pilesɛrə ə pa Iyɔn, Avɛlə-Bɛtə-Maaka, Yanoa, Kɛdɛsə, Hasɔrə, Galaadə, Galile lɔi, da Nɛftali lɔi nąą kəlee, ə nuą hon ə li a diɛ Asiri.

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Ɉeremi 17:5

Yai-Laa woo kaa, yɛ: Nɛ̨ŋɛ̨n naa mun mąą nui a gilitɔɔ nu kan ma, yɛ nįį na nu nwɔ yeewalawala mɛ̨i, yɛ gili kulɔ Yai-Laa hu.

Kɔlɔnikɔ Veerɛi 28:20

Asiri tɔɔmun Tilgatə-Pilnesɛrə ə pa ə pɛlɛ Akazə ɓa a kɔ́, yaamun hvo kɛ a mąąkpɔnmąą ɓomun.

Kɔlɔnikɔ Veerɛi 28:16

Mąą kwɛlan tii hu, tɔɔmun Akazə ə nuą tɔɔ, diɛ li kpɔnmąą hu hvɛlii Asiri tɔɔɓɛlaa diɛ.

Kɔlɔnikɔ Maa-ŋuŋ 5:26

Yili ɓə gɛ, Yálá ə Asiri tɔɔɓɛlaai nuąi kɛ a Pulə da Tilgatə-Pilnesɛrə lii muhəɠə Rubɛn huwu, Gadə huwu da Manase huwu bələ tɔ̨nɔ̨ diɛ, di di hon a luwɔɠaa, di li a diɛ, Hala, Habɔrə, Hara da ɲalee ŋɛ̨i kɛ Gozan gwɛlɛ; háá ɓa háá di kaa laa.

Tɔɔɓɛlaa dɔlɔɔ 20:4

Israɛlə tɔɔmun ə bulu pənə yɛ mą: «Bələi kpɔlɔɔ tii ə́ mo la, bələ ɓə gaa la nwɔ́ mɛ̨nį nąmu, ɲą́ą́ kwa ɲə́i hɛnŋąą kəlee, ku kaa ə́ wɔɔ.»

Tɔɔɓɛlaa veelɛ 18:7

Yai-Laa ə kɛ bɔ, mɛ̨nįi lɔpee kɛ a ɲee lɔ ɉu, ɉu a nɛ̨ɛ̨ ɲəi. Ə nwun gulɔ Asiri tɔɔmun nwɔ heeɓolaa mu, hvo kɛa pənə hvo lɛɛ ɲee mu.

Azaya 2:6

Yálá! Yáá lənə ə́ wɔ nu huwui ɓa, diɛi ɓaa Ɉakɔbə nwɔ pɛ́lɛ́i, mąąhɔlɔɓo, nɔiɠaai ɲɛ̨i vóló həɠəi pələ, di túwɔ́ pələ ɓə gaa di yee pɔ. Bələi lɔ tɔlukpɛ mɛ̨nį ka laa Filisti nuą yee pɔ, bələ lɔ ɓə ə́ wɔ nuąi da gɛ la, ə́ wɔ nuąi da hį́i takpɛliɠaa da kɛ mɛ̨nįɠaa tɛɛi gee pulu.

Izikiɛ 16:28

Yili hvo ə́ pilɛ, ə́ too nwɔ̨nɔ̨ Asiri nuą pɔ ka diɛ ni ka túwɔ pələ ɲɔ̨n gulɔ; pələi mąn ə kɛ la tii, yili hvo ə́ pilɛ.

Izikiɛ 23:5

Ohola ə too wɛli honŋąą hu; hvo lɛɛ ɲə́i; nii mu ə həɠə kɛnɛ̨ nwɔ wɛliɠaa pɔ; diɛ ɓaa a Asiri nuą, diɛi a gwɛlɛ nuą.

Izikiɛ 23:12

Da Asiri nuą di too nwumɛ̨-wɛli hu: lɔi ɲąąwooɓo nuą, taa ɲąąwooɓo nuą, kɔ́kulááɠaa di mąą yilɛɛ kpɔ, hoo mɛ̨i nuą, gəlee di ɓo a nu nwunuɠaa, di ɲɛ̨i mąąhəɠɛɛ.

Ɉeremi 13:21

Ə́ kaa pai kɛi lə! Nuą tii ə́ nɛ̨ɛ̨laa kɛnɛ̨ laa, ka diɛni ka lɔwai, Ɓɛlɔwai, di kaa pai heei la ə́ hu, diɛ hee ə́ mɛ̨i, Yɛ́ mɔ̨nɔ̨ mį́i yɛ kwəi nwąną kɛ Nɛ̨ɛ̨nu, yá kɛ lə?

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.