Tɔɔɓɛlaa veelɛ 16:3 - Yálá laawoo hɛɓɛ (dc)

³ Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Yálá laawoo hɛɓɛ

³ Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Bible

³ Eɣa è kɛ̀ máŋ a zɔŋ nyɔ́mɔɔ kpɔ́ a ŋánaa yɛ̂ɛ Eezuɛ kaloŋ pɔlɔ-ŋai. È ǹóŋ-surɔŋ kùla a kéreŋ sâla Ɣâla-pɔkɔɔ-ŋa dîa. Mɛnii ŋí è kɛ̀ a sɔnyɔ̂ŋ su kɛ́tɛ Yâwɛɛ ŋɛ́i. Zɔnyɔ̂ŋ ŋí ƃé ǹɔii ŋûŋ kpéli-ŋai dí wɔ́lɔ kɛ̀ gɛ̂i nyii gɛ̀ Yâwɛɛ kɛ́ dísu kàra a gɛɛ Eezuɛ-ŋai dí pá dí sée naa, ǹɔii é kɛ́ a dípɔɔ.

Tɔɔɓɛlaa veelɛ 16:3 Referans Kwoze

Dutɛrɔnome 12:31

Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Tɔɔɓɛlaa veelɛ 21:2

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə gɛ, nɔiɠaa ŋɛ̨i Yai-Laa ə di kpɛ Israɛlə nuą ɲɛ̨i tɔwɔ, di túwɔ́ pələ ɲɔ̨n tii ɓə Manase ə kɛi gɛ.

Tɔɔɓɛlaa veelɛ 21:11

«Yii kpɔ Ɉuda tɔɔmun Manase aa ɲee lɔ mɛ̨nį ɲɔ̨n daaləi ŋɛ̨i hu aa tɛɛ Amɔrə nuąi kɛ ɓɛ dɔwɔ di wɛi ɓa, aa gɛ Ɉuda nuą daa nɛ̨ŋɛ̨n ɉəɠə, a kwɛli hvilɛn di mo hali ɓa,

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Izikiɛ 16:47

Hvo di pɔɔ kɔ́ɔn ni a yola, yɛ́ ə́ yee too di wɔ ɓowo mɛ̨nįɠaai tii hu; ə́ ɲɔ̨nwɔ̨ɔ̨ ə́ yee tɛɛ diɛ pələ kəlee hu.

Izikiɛ 16:21

Ə́ nónnii nwun dee, yɛ́ di tɛɛ di pɔ a haláá.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Mąątɛ̨nɛ̨ 106:35

Da huwu takpɛliɠaa di too di kee pɔ, di di yee lɔ di tuwɔ pələɠaa hu.

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.

Kɔlɔnikɔ Veerɛi 33:2

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa. Nuą tii Yai-Laa ə di wɔɔ lɔiɠaa kulɔ di yəi, yɛ Israɛlə hee laa, ə hvilɛn di yii pələ ɲɔ̨nwɔ̨ɔ̨ɠaa pulu.

Kɔlɔnikɔ Veerɛi 22:3

Akaziasə yaa kpɛlimąn, ə hvilɛn Akabə nwɔ pɛlɛ́i mu nuą kpaalə hu, hvo gaai, nee ɓə kɛi niɛwooɓo a túwɔ́ pələ ɲɔ̨n gɛɛ.

Tɔɔɓɛlaa veelɛ 23:10

Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Tɔɔɓɛlaa veelɛ 8:18

Ə hvilɛn Israɛlə tɔɔɓɛlaa di wɔ túwɔ́ pələ ɲɔ̨n bulu, yɛ bələi kpɔlɔɔ Akabə yəi bɛlɛ́n nuą di wɔɔ túwɔ́ pələ ɲɔ̨n ə kɛ la. Gbala ə tɔɔ, ə Akabə lon nɛ̨ɛ̨nu həɠə a nɛ̨ą. Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə ɲee lɔ ɉu yɛ gɛ.

Tɔɔɓɛlaa dɔlɔɔ 14:24

Haláá wɛlikɛ nuą di di muhəɠə lɔi hu, di túwɔ́ kpɔlɔɔ yɛ bələi nuąi Yai-Laa ə di hukala Israɛlə mąą mɛ̨nį ɓa, di kɛɛ kala la.

Dutɛrɔnome 18:10

Mąą hvo nɛ̨ɛ̨li, nu ta hvo kɛ ka lɔwai, yɛ kɛ gaa non gulɔi a haláá, yɛ gələn; nu ta hvo kɛ a tɔlikpɛmun; a wala kɛ tii, yɛ ɲɛ̨ąkpɛ, yɛ kɛ gaa hįį woo mukulɔi,

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Tɔɔɓɛlaa veelɛ 17:8

Nuąi di hvo kɛ Yai-Laa kɔ́lɔn, di hvilɛn gɛa di yíi pələ pulu, a nɔiɠaa ŋɛ̨i Yai-Laa ə ɉu nuą hu kala Israɛlə lonnii mąą mɛ̨nį ɓai. Yili ɓə Israɛlə tɔɔɓɛlaa di gɛ.

Tɔɔɓɛlaa veelɛ 17:19

Ɉuda yaa kpɛli mąn, hvo kɛ Yai-Laa nwɔ Yálái nwɔ tíɓoɠaa kɛ li; diɛ kpɛli, bələi Israɛlə nuą di túwɔ́ la, di kɛ mɛ̨nįɠaa tii ɓə di hvilɛn bulu.

Mise 6:7

Yai-Laa kaa pai hvaai mą yɛ ɲee hee ɓɛlaa hilɛ waa tamąą mu? Wulɔ munuun damąą ɓə mɔ̨ɔ̨ ŋą́ gboloon naa nií la? Kulɔi ŋą́ mo nwoo mu, nąą pɛli hɛn maa mɔ̨ɔ̨ a nón ɉulɔnu tɔlɔɔ? Gɛ́ nwɔ́ nɛ̨ŋɛ̨nŋaai mąą kwələ kulɔ a gwə́i lon?

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Tɔɔɓɛlaa veelɛ 21:9

Kɛlaa, Ɉuda nuą di hvo di wəli tɔɔ mą. Manase ə mɛ̨nįɠaa tii kəlee kala, ə tɛɛ la nɔiɠaa kpɔ Yai-Laa ə di kpɛ Israɛlə lonnii tɔwɔ di wɛi ɓa.

Azaya 57:5

Ka ka lii muhəɠə lɔwɔ ɲɔ̨n gəlee mu, ɓɛi lɔpee wulu kpɛa-kpɛa laa mąą kaa laa, kaa lɛapɛlɛɛ paa ɓoloonŋąą hu, da kwɛni woloɠaa hu.