Tɔɔɓɛlaa veelɛ 15:8 - Yálá laawoo hɛɓɛ (dc)

⁸ Ɉuda tɔɔmun Azariasə nwɔ tɔɔlaa gwɛlan bow haaɓa kɔ́w mɛ̨ihaaɓa lɔwai, Ɉeroboamə lon Zakari ə tɔɔlaa hɔlɔɓo Israɛlə lɔi hu Samari daai. Ə ɲąnin ɉaaɓa kɛ ɉu.

Yálá laawoo hɛɓɛ

⁸ Ɉuda tɔɔmun Azariasə nwɔ tɔɔlaa gwɛlan bow haaɓa kɔ́w mɛ̨ihaaɓa lɔwai, Ɉeroboamə lon Zakari ə tɔɔlaa hɔlɔɓo Israɛlə lɔi hu Samari daai. Ə ɲąnin ɉaaɓa kɛ ɉu.

Bible

⁸ Tãi Zuda kaloŋ Azaria è kɛ̀ la ŋɔkâloŋ-laai su a kóraŋ lɔ́ɔlui, dí Zɛrɛrâya kɛ̀ a kâloŋ Eezuɛ. Zɛkɛraya ŋí ǹâŋ láa ƃɛ́ kɛ̀ a Zɛroboaŋ. È kɛ̀ a kâloŋ Eezuɛ lɔii mɛi a ɣáloŋ lɔ́ɔlu mɛi da. Zeeɛ́ɛ è kɛ̀ Sameria.

Tɔɔɓɛlaa veelɛ 15:8 Referans Kwoze

Tɔɔɓɛlaa veelɛ 14:29

Ɉeroboamə ə laa nąnni kwɛlɛ, non Zakari ə hee tɔɔmun a nąn mąąhvalin.

Tɔɔɓɛlaa veelɛ 14:21

Ɉuda lɔi hu nuą kəlee di Azariasə həɠə di ɉee a tɔɔmun a nąn Amasiasə mąąhvalin. Azariasə kaa kwɛlan ə kɛ a kwɛlan bow gɔw mɛ̨ida.

Tɔɔɓɛlaa veelɛ 15:1

Israɛlə tɔɔmun Ɉeroboamə veelɛnąą nwɔ tɔɔlaa gwɛlan bow hveelɛ kɔ́w mɛ̨ihveelɛ lɔwai ɓə, Amasiasə lon Azariasə ə dɔɔlaa hɔlɔɓo la Ɉuda lɔi hu.

Tɔɔɓɛlaa veelɛ 15:7

Azariasə ə laa nąnni kwɛlɛ, di noo nąnni kámą hu Davidə taa. Non Yotamə ə hee dɔɔ kpəlin ɉu a nąn mąąhvalin.

Tɔɔɓɛlaa veelɛ 15:9

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa, yɛ bələi galaɓɔlɔ ni di gɛ la. Nɛ̨ŋɛ̨n Nevatə lon Ɉeroboamə ə Israɛlə nuą yee lɔ ɉu, hvo həɠə bulu.

Tɔɔɓɛlaa veelɛ 15:13

Yavɛsə lon Salumə ə dɔɔlaa həɠə Israɛlə lɔi hu, Ɉuda tɔɔmun Oziasə nwɔ tɔɔlaa gwɛlan bow haaɓa gɔw mɛ̨inąąn nɔwai. Ɲąnin dɔ̨nɔ̨ ɓə ə gɛ dɔɔlaa hu Samari.

Tɔɔɓɛlaa veelɛ 15:17

Ɉuda tɔɔmun Azariasə nwɔ tɔɔlaa gwɛlan pow haaɓa gɔw mɛ̨inąąn nɔwai ɓə, Gadi lon Menahɛmə ə tɔɔlaa həɠə la Israɛlə lɔi hu Samari daai; ə kwɛlan bow kɛ dɔɔlaa hu.

Tɔɔɓɛlaa veelɛ 15:23

Ɉuda tɔɔmun Azariasə nwɔ tɔɔlaa gwɛlan bow lɔɔli lɔwai ɓə, Menahɛmə lon Pekahia ə kɛ la a tɔɔmun Israɛlə lɔi hu Samari daai. Ə kwɛlan veelɔ kɛ dɔɔlaa hu.

Hanwon 28:2

Kwɛlitee a lɔ lɔi, ɲąąwooɓo kɛ nuą da tamą, Kɛlaa ɲąąwooɓomun a kɛ a kilimąą mun, yɛ ɓo a yɛnɛ̨ɛ̨ kɔ́lɔn ŋąą, a lííla a hee laa tin-tin.

Osia 1:4

Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Amɔsə 7:9

«Ɓɛiɠaai kpɔ Isaakə huwu a kɛ hali kɔ́i laa, gáá nąą kəlee taɠai. Gáá Israɛlə nu huwu di wɔ haláá kulɔiɠaa taɠai, ɛlɛɛ, ŋį́ pɛlɛ Ɉeroboamə yəi bɛlɛ́n nuą diɛ a kɔ́.»

Tɔɔɓɛlaa veelɛ 10:30

Yai-Laa yɛ Ɉehu ɓa: «Yáá túwɔ́ a nɛlɛɛ, mɛ̨nįi ɉaŋąą ɲɛ̨́i ɓa, yáá gɛ, yáá Akabə nwɔ pɛ́lɛ́i kɛ kpɔlɔɔ yɛ bələi ŋą́ mo la. Yili mąą mɛ̨nį ɓa, ə́ kwəi lonnii, ə həɠə yiihu ɓa, ə həli la mąnįn bulu mąnįn nąąn nąą ɓa, diɛ ɓə pai kɛi heei Israɛlə dɔɔkpəlin ɉu.»