Tɔɔɓɛlaa veelɛ 15:37 - Yálá laawoo hɛɓɛ (dc)

³⁷ Nąąlɔwai ɓə Yai-Laa ə gɔwɔ tɔɔ la yɛ, Aramə tɔɔmun Resin tɔɔ la a kɔ́ Remaliahu lon Peka ɓa Ɉuda lɔi hu.

Yálá laawoo hɛɓɛ

³⁷ Nąąlɔwai ɓə Yai-Laa ə gɔwɔ tɔɔ la yɛ, Aramə tɔɔmun Resin tɔɔ la a kɔ́ Remaliahu lon Peka ɓa Ɉuda lɔi hu.

Bible

³⁷ Ŋ̀ele-ŋai tí su, Yâwɛɛ è pɛ̀lɛ Siria Kaloŋ Leziŋ da Eezuɛ kaloŋ, Lemalia ǹóŋ Pika tɛɛ̂i a gɛɛ dí kɔ́ pɛ́lɛ Zuda lɔii ma.

Tɔɔɓɛlaa veelɛ 15:37 Referans Kwoze

Azaya 7:1

Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Tɔɔɓɛlaa veelɛ 16:5

Nąąlɔwai, Aramə tɔɔmun Resin, da Israɛlə tɔɔmun Remaliahu lon Peka, di pa kɔ́ pɛ́lɛ́i Ɉerusalɛmə taa ɓa, di Akazə mąą tinɛ̨n, kɛlaa, di yee hvo lɔ mą.

Lukə 21:28

«Ɓɛlɔwai mɛ̨nįɠaai tii kaa pai gɔwɔ tɔɔi la yɛ kɛi, ka ka nwun muhəɠə ka yələi kaa, mąąhɔlɔɓo, Yálá kaa pai kɛa ka nwun mąąɓoi ɉu hvo kwɛa li.»

Ɉeremi 43:10

Yili pulu, yɛ diɛ: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: Gáá wɛlɛɛ tɔɔi nwɔ́ tí mun Nabukodonosorə Babilonə tɔɔmun bulu, gáá nwɔ tɔɔ kpəlin hvilɛn ɉii, gwɛniɠaai ŋɛ̨i ə́ di lɔ ɓɛ di mɛ̨i, diɛ nwɔ tɔɔ wɛɛlɛi hɛlɛn mɛ̨i

Ɉeremi 25:29

Gáá mɛ̨nį ɲąąnwąnąą tɛɛi, gáá gbala tɔɔi daai da Náá ɓo ɉu, mą. Ɛlɛɛ, káán ka nwun yɛ kulɔ ɉu, yili hva kɛ tii, gáá kɔ-kɔ ɓɔwa təlii yɛnɛ̨ɛ̨ nąą kəlee mɛ̨i. Mɛ̨nį Kəlee ŋą Hééɓomun Yai-Laa woo li.»

Ɉeremi 16:16

Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Azaya 7:8

Mąąhɔlɔɓo, Aramə lɔi daa lee ɓaa Damasə, ɛlɛɛ, Resin nwɔ tɔɔlaa kɛi lɔ ɓaa Damasə daai; aa lɛɛ a kwɛlan bow mɛ̨ida kɔ́w lɔɔli, Ɛfraimə kaa pai woloi, nu huwu hvo kɛa pai kɛi laa.

Mąątɛ̨nɛ̨ 78:49

Ə nwɔ liiholi kələn ŋąąi ɲąątɔɔ diɛ. Ə malakaɠaa ɲąątɔɔ diɛ, yiliɠaai diɛ di mɔ̨nɔ̨ ɓo.

Kɔlɔnikɔ Veerɛi 28:6

Remaliahu lon Peka ə nu waa nwundɔ̨nɔ̨ nu waa pow hveelɛ paa Ɉuda nuą lɔwai a hvoló tɔ̨nɔ̨, gəlee di ɓo a kuláa walawala. Mąąhɔlɔɓo, aa kɛ kulɔ nąnni di wɔ Yálái Yai-Laa woo mu.

Tɔɔɓɛlaa veelɛ 10:32

Nąąlɔwai tii hu, Yai-Laa ə Israɛlə lɔi ta tee mą. Hazaɛlə ə di hon a kɔ́ Israɛlə lɔi ɲɛ̨n gəlee hu.

Samuɛlə dɔlɔɔ 3:12

Mąą yələ, mɛ̨nįɠaai kpɔ ŋą́ mo yɛ hvilɛn Eli nwɔ pɛlɛ́i ɓa, ŋą́ gəlee pɔ mɛ̨nį kɛ, da hva lɛɛ pulu.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Tɔɔɓɛlaa veelɛ 15:36

Yotamə kɛ mɛ̨nį gbəliɠaa, mɛ̨nįɠaa kpɔ ə gɛ, kɛlɛi gəlee pɛ̨ɛ̨i Ɉuda tɔɔɓɛlaa kɛ mɛ̨nį hɛɓɛ́ hu-ee?

Tɔɔɓɛlaa veelɛ 15:38

Yotamə ə laa nąnni kwɛlɛ, di bowa loo nąnni kámą hu Davidə taa. Yotamə lon Akazə ə dɔɔlaa həɠə, ə hee a nąn mąąhvalin.

Tɔɔɓɛlaa veelɛ 15:27

Ɉuda tɔɔmun Azariasə nwɔ tɔɔlaa gwɛlan bow lɔɔli gɔw hveelɛɛ lɔwai ɓə, Remaliahu lon Peka ə kɛ la a tɔɔmun Israɛlə lɔi hu Samari daai. Ə kwɛlan bow hveelɛ kɛ dɔɔlaa hu.