Biblia Todo Logo
Bib sou entènèt

- Piblisite -




Tɔɔɓɛlaa veelɛ 14:13 - Yálá laawoo hɛɓɛ (dc)

13 Israɛlə tɔɔmun ə Ɉuda tɔɔmun Amasiasə hon a kɔluwɔ Bɛtə-Sɛmɛsə daai, Amasiasə yai kɛ a Ɉoasə lon, ə ɓo a Akaziasə mąnįn. Yili pulu, Ɉoasə ə pənə ə pa Ɉerusalɛmə daa, ə Ɉerusalɛmə mąąkpɛ hį́i wolo, ɓɛi ə nąą wolo ə kɛ a yee laa mą nwun nąąn; ə həɠə Ɛfraimə kpon mą, ə həli ɓɛi ɉį́i nwąną a hee laa gee ɓa gbon na.

Gade chapit la Kopi

Yálá laawoo hɛɓɛ

13 Israɛlə tɔɔmun ə Ɉuda tɔɔmun Amasiasə hon a kɔluwɔ Bɛtə-Sɛmɛsə daai, Amasiasə yai kɛ a Ɉoasə lon, ə ɓo a Akaziasə mąnįn. Yili pulu, Ɉoasə ə pənə ə pa Ɉerusalɛmə daa, ə Ɉerusalɛmə mąąkpɛ hį́i wolo, ɓɛi ə nąą wolo ə kɛ a yee laa mą nwun nąąn; ə həɠə Ɛfraimə kpon mą, ə həli ɓɛi ɉį́i nwąną a hee laa gee ɓa gbon na.

Gade chapit la Kopi

Bible

13 È kɛ̀ tí, Zɛoasi è gâloŋ Amazia sòŋ a vúlu. Naa pôlu ma, Zɛoasi da ŋɔkɔ́-kɔ-ƃelai dí lì dí tɛ́ Zerusâlɛŋ taa-leei su. Dí daa-leei tí ŋɔkóraŋ wòlo é síɣe Ifiraŋ galai la é tóo zôŋo su galai la nyii naa è kɛ̀ yɛ̂ɛ núu kɔ́ɔ ŋá ŋuŋ lɔ́ɔlu mɛi dai.

Gade chapit la Kopi




Tɔɔɓɛlaa veelɛ 14:13
16 Referans Kwoze  

Nu kəlee di kulɔ, də li di pa a kələ tɔɔ hɛnŋąą, nu kəlee ə pa a nwɛi ɲəi bɛlɛ́ laaləi da Yálá hee pɛlɛ́ kwɛlɛ kwəliɠaa hu, ə mą kɛ gwəli hąą tii kɛ ɲai pələ nwun na, da yii ŋɛ̨i kɛ Ɛfraimə nwɔ kpɔn dənən ma.


Nɔi kəlee mąą a pənə a nɛ̨ŋɛ̨ hu, ə həɠə Gɛva, ə həli la Rimɔn Ɉerusalɛmə kɔ́wɔla pələ. A kɛ tii, Ɉerusalɛmə a lɛɛ di nwun mɛ̨i pələ, ə həɠə Bɛnɉamɛn nwɔ kpon ɓa, ə həli la gbon bɔlɔ pɔlɔ kɛɛnąą, gbon tii bɛlɛ́ nwąną hveelɛi a gee kaa mɛ̨i, ə həɠə Hananeɛlə nwɔ pələ́i-kaa-pɛlɛ́i ɓa, ə həli la tɔɔmun ɲəi gɔwɔla.


Yai-Laa yɛ diɛ: «Yələ ta kaa pai ɉəlii, di kaa pai taa tɔɔi a Yai-Laa nwɔɔ. Ə həɠə Hananeɛlə kwəlii ɉįi mɛ̨i pɛlɛ́ ɓa, ə həli la gbon tii bɛlɛ́ nwąną hveelɛi kee kaai, ɓa.


Ə lɛɛ, Ɛfraimə nwɔ kpon nwun mɛ̨i da Yesana nwɔ kpon, da ɉɔwɔlee pɛlɛ kpon. Hananeɛlə taa mąąkpɛ pɛlɛ da nu nwun nwundɔ̨nɔ̨ taa mąąkpɛ pɛlɛ, ə lɛɛ ɉu ku həli la daa mąąkpɛ pɛlɛ ɓa.


Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»


Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.


Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.


Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.


Babilonə tɔɔmun Nabukodonosorə ə pɛlɛ ma a kɔ́, ə ɉon, ə ɲili kpɔ a kwɛli kpɔlu yɔwɔn, ə li la Babilonə.


Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.


Kalde nuą di tɔɔmun ɉon, di tɛ la Rivla daai Babilonə tɔɔmun bɔ. Nąą ɓə di tɔɔmun giti tee laa.


Kalde kɔ́kulááɠaai lɛɛ tɔɔmun mąąkpɛ nuą nwun nąmu pɔ, di kəlee di Ɉerusalɛmə mąąkpɛ hįi pu.


Swiv nou:

Piblisite


Piblisite